Қазақстан Республикасының Мемлекеттік рәміздері күні

Мемлекеттік рәміздер – мемлекеттің тұрақты негіздерінің бірі. 1992 жылғы 4 маусымда тәуелсіз Қазақстанның жаңа Мемлекеттік рәміздері алғаш рет бекітілді. Бұл күн ел тарихында жаңа мемлекеттік рәміздердің туған күні ретінде мәңгі қалады. Осы мерекеге орай 4 маусым күні Ы.Алтынсарин атындағы облыстық балалар мен жасөспірімдер кітапханасының қабырғасында Индустриалды педагогикалық колледжінің студенттерімен тәрбие сағаты өтті.

Жігіттер мемлекеттік рәміздер туралы білімдерін көрсетіп, кейін жаңа мәліметтермен танысып, бейнеролик тамашалады, соңында Қазақстан Республикасының рәміздері туралы «Өз ойыны» викторинасын ойнады. Студенттер өздерін белсенді түрде көрсетті, қатысып, барлық жаңа нәрселерге қызығушылық танытты, сондай-ақ викторина сұрақтарына қуана жауап берді.