Кітапхана жыл сайын 2 сәуір әйгілі дат ертекші Г. Х. Андерсен туған күнінде Халықаралық балалар кітабы күні атап өтеді.
Биылғы 2015 жылы бұл күн Ұлы Отан соғысының жеңісіне 70 жыл толуымен қатар келді. Сол себептен Халықаралық балалар кітабы күнінің «Жеңіс. Тарих. Кітап.» деген атаумен аталып өтті. Әдеттегінше бұл күн бірнеше іс-шаралардан тұрды. Оқырмандар кітапханадағы кіре берістен бастап «Кітап сыйлыққа» атты акцияға қатыса алды. Кітапханашылар бұл акцияда әскери тақырыпта 33 кітап ұсынды.
Күні бойына осы кітаптар өздерінің жаңа үйлерін тапты. Оқу залында «Сұрапыл соғыс» деген атаумен интелетуалды-танымдық ойын және «Өтті ғой соғыс» кітап көрмесі өткізілді. Абонементте оқырмандар назарына «Соғыс. Ерлік. Жеңіс. Естелік" кітап көрмесі ұйымдастырылып, облыстық өлкетану мұражайымен бірге "Соғыс хаттары» акциясы өтті. Мұражай қызметкерлері мұражай қорында сақталған жерлестеріміз соғыс кезіндегі хаттарының көшірмесін басты іс-шарада оқырмандарға таратты.
«Есімі ел есіңде» атты іс-шараға Ұлы Отан соғыс ардагері Нұрмагамбетов Әбілжан Жаметұлының қатысуымен өтті. Әбілжан Жаметұлы соғыс жайында және қандай шайқаста қатысқаны жайында айтып берді. Балалар ардагердің әңгімесін үлкен қызығушылықпен тыңдап, сұрақтар қойды. Көрермендер Ұлы Отан соғысы жайында аз мәлімет білгендіктен, сол ауыр кезінде көз алдарыңа елестету қиын екендігін мойындады. Әбілжан Жаметұлы жас ұрпаққа тек қана бейбітшілікте өмір сүріп, барлық майдангерлердің ерліктерін есте сақтауды тіледі.
