Биыл ҚР Президенті Әкімшілігі 9-ақпан – Қазақстан жастары күні болсын деген нұсқау қабылдады. Бұл кітапханамыздың оқырмандарымен тағы да бір рет кездесуге мүмкіндік берді. Мереке жастардікі болғандықтан әңгіме де заманауи жастар мәселесі төңірегінде өрбіді.  Бұл сұрақтарды талқылауға №17 қызмет көрсету саласы лицей мен экономикалық колледж студенттері, жастар бастамасы Орталығының, жастар саясаты сұрақтары бойынша Басқарма  өкілдері, «На весу» Қостанай театрының жетекшісі келді. Замануи жастарды не алаңдатады? Әрине, болашақ. Болашақ айқын, жарқын болу үшін қазіргі студент не істеуі керек? Жастар саясаты сұрақтары бойынша Басқарманың бас маманы Марат Жолдыбаев мемлекеттік жастар саясаты туралы заңдардың кейбір аспектілерін түсіндіріп, өз Басқармасының біздің аймағымыздағы жұмысымен таныстырды. Жастар орталығының өкілдері   Снежана мен  Динара жастар әлеуетін дамытуға бағытталған бағдарламалар мен жобалар туралы айтты және жұмысқа орналасуға көмектесетіндерін де ескертті. Ал  На весу» Қостанай театрының жетекшісі   Павел Мозгольд бос уақытын тиімді әрі жайлы өткізуге болатыны жайлы сыр шертті. Бәріне де жастар күніне арналған шағын қойылымдары ұнады. Кездесуден кейін студенттер «Жастар заманауи әлемде» атты кітап көрмесімен танысты, әсіресе, қазіргі кезде жастардың арасында танымал болған көркем шығармалар  қойылған «Жастар кітабы» тарауы қызығушылық оятты.

Фото