Қостанай өлкесі дарын иелеріне бай. Олардың есімдері тек Қазақстан жерінде ғана емес, шетел жерлерінде де танымал. Солардың бірі, жазушы, қоғам қайраткері Иван Павлович Щеголихин (1927-2010жж.). Ол ұзақ та, ауыр өмір сүрген. Қазақстан тәуелсіз мемлекет болып қалыптасу жолында шеткері қалған емес: Қазақстан Республикасы Президенті жанындағы ұлттық кеңестің мүшесі, ҚР Парламентінің сенаторы болды. Оған «ҚР-ның халық жазушысы» деген атақ берілді.

«Туған жердің талантты перзенті» атты іс-шара жазушының 90 жылдығына арналған. Кітапханашы қатысушыларды И.П.Щеголихиннің өмірі және шығармашылығымен таныстырды. Үстіміздегі жылы оның «Снега метельные» атты романдарының біріне 40 жыл толады. Сыншылар бұл романды - меруерт роман деп айтты. Роман Қазақстанға келген тың игерушілер туралы.

Жүргізуші қысқаша романның сюжеті жайлы айтып өтті, әңгіме барысында тың игерушілер жайлы фильмнен үзінді көрсетілді. Автордың әдебиеттері кітап көрмесіне қойылды.