23 мамыр мен 25 мамыр аралығында кітапханада «Internews» жобасының бағдарламасы бойынша «Медиасауаттылық», «Сандық этикет», «Зиянды лайфхаттар» тақырыптарында бастауыш мектеп оқушыларына арналған іс-шаралар өтуде. Кездесуге алғашқы боп қаламыздағы 24 мектебінің 1-4 сынып оқушылары 253 бала қатысты. Кездесу барысында балалар «Сандық жайлау» деп аталатын үш аралға саяхат жасап, әр аралдардың тапсырмасын орындай отырып, дұрыс не бұрыс емес жерлерін ортаға салып,түсіндіре отырып талқылады. Келесі аралға өту кезінде сиқырлы экраннан көрсетілген бағалау смайлигін қимылмен көрсетіп, келесі «сандық әдептілік» аралында әдепті бала бола білейік ережесін сақтап, бір-біріне сыпайылық танытты. Сондай-ақ, «өз денсаулығымыз өз қолымызда» деген ұранды ұстана отырып, тақырыпқа байланысты ойындар ойнап, дене мен бойды сергіту мақсатында бірнеше қызықты жаттығуларды үлкен қызығушылықпен жасады. Кездесу кіші жастағы мектеп оқушылары үшін танымды,тартымды, қызықты өтті. Ең бастысы балалар кездесуде медиасауатты болу жолдарын үйреніп, кез келген ақпаратты дұрыс талдап, сол ақпаратты тексеру білу керектігін ұққандарын жасырмай айтып жатты.