21 қазан Орел қаласының М.М.Пришвин атындағы облыстық балалар кітапханасының оқырмандарымен «Біз сіздердің қалаларыңызды білеміз» атты интелектуалды on-line тәртібінде ойыны өтті. Ойынға балалар алдын-ала дайындалып, бір-біріне өз елі, қаласы туралы сұрақтар қойды. Біздің қаламыздың намысын №2 лицей-мектебінің алтыншы сынып оқушылары қорғады. «Қостанай қыздары» атты біздің командамыздың қыздары ойынға лайықты дайындалып, Орел өлкесінің әдебиетін, географиясын, тарихын оқып білді. Әсіресе қыздарды Орел қаласының жергілікті атақты адамдарының тізімдері үлкен әсер қалдырып, өз білімдерін Ресей туралы деректермен толықтырды. Ойынның басында екі қала бірі-бірімен танысып, бір-біріне музыкалық сыйлық жасады. Қазақтың ұлттық қобыз аспабында орындалған Ұлы Абайдың «Көзімнің қарасы»композициясы қазақ даласының ән-күйімен таныстырды, ал Орелдықтар өз әнұрандарын орындады. Ойын өте қызықты өтті. Екі команда да өздерінің жақсы дайындықтарын көрсетті. Екі жақтық кездесу достықпен аяқталып, балалар екі қала туралы көптеген танымды, жаңа мәліметтерден ақпарат алды. Ойынға қатысушыларды сертификатпен марапаттады.
