Қазан айының 11 күні Ы.Алтынсарин атындағы Облыстық балалар мен жасөспірімдер кітапханасында үшінші «Біз сіздердің қалаларыңызды білеміз» атты онлайн ойын өтті.Бұл жолы №18 орта мектебінің оқушыларының қарсыластары Оренбург қаласының татар тілінде білім алатын №38 орта мектебінің оқушылары болды. Қарсыластар алдын-ала екі өлкенің әйгілі тұлғалары және қалалардың көрікті,ерекше жерлерін,сонымен қатар тарихын,жағрияпиясын оқып танысты. Дайындық барысында балалар Оренбург өлкесі жайлы көптеген ақпарат алып,дәл сол қалада тұңғыш космонавт Ю. Гагарин оқығандығы және Оренбургте Оренбор халқының ұлттық ауылы құрылған бірегей мәдени кешені туралы және т.б. көптеген қызықты ақпараттарға қанық болды. Қостанайлықтар тарапынан тың игерушілер ескерткіші, Ы. Алтынсарин туралы, Науырзым қорығы жайлы және Қостанайдың қарқынды өсуі жағынан қандай америкалық қалаға ұқсайтыны жайлы көптеген сұрақтар қойылды. Айтып кететін жайт, қарсыластар көптеген сұрақтарға дұрыс жауап берді. Сондай-ақ ел туралы сұрақтардан екі жақта, екі ел Қазақстан мен Ресейдің тарихы, рәміздері жайлы көптеген мәліметтер ала алды. Ойын қорытынды бойынша білгірлер сертификатымен бірге қатысушылар екі өлке туралы білімдерін молайтқаны сөзсіз.
