24 ақпанда мектепке дейінгі және 1-6 сынып оқушыларына қызмет көрсету бөлімінде №2 мектеп-лицейінің 5 сынып оқушыларымен қазіргі кездегі жаһандық проблема – терроризмге арналған, «Түзу жолдан адаспа, досым» сұхбат-диалогы өткізілді.
Біз аудиторияны мына түсініктермен таныстырдық: «келісім», «гуманизм», «толеранттылық». Терроризм – күш көрсету арқылы өздерінің мақсаттарына жетуді көздейтін, ұйымдасқан адамдардың жасайтын аса ауыр қылмыс. Жиналғандардың назарын біз Бесланда болған қайғылы жағдайға аудардық. Осыған байланысты «Захвачена школа, захвачены дети...» бейнеролигі көрсетілді.
Балалар сұхбатқа бей-жай қарамады: әңгімеге белсене араласты, өз пікірлерін айтты, ешкім де басқа адамды ренжітуге құқығы жоқ екенін, бір-бірлеріне сыйластықпен қарайтындарын айтты.
