«Ы. Алтынсарин тағылымы - білім тұмары» республикалық онлайн — акциясы аясында Шығыс Қазақстан облыстық балалар мен жасөспірімдер кітапханасында Ыбырай Алтынсариннің 180 жылдығына арналған «Кел, балалар, оқылық» атты әдеби челленджі басталды. Ұлы ағартушының есімі берілген кітапхана бірінші болып челленджді бастау құрметіне ие болды, оны Ақтөбе қаласындағы Н.Байғанин атындағы облыстық балалар мен жасөспірімдер кітапханасы жалғастырды.

Іс-шараның мақсаты - көрнекті педагог Ыбырай Алтынсариннің мұрасын болашақ ұрпаққа дәріптеу, ұлттық мақтаныш, ұлттық сана сезімдерін қалыптастыру.

Іс-шараға Ы.Алтынсарин атындағы дарынды балаларға арналған интернаттың 9-11 сынып оқушылары Ыбырай Алтынсариннің өмірбаянымен және оның шығармашылығымен танысты. Мақсат Заитов, Анель Кенжекеева, Абдуллин Аманат, Әлімжан Гүлшат жерлесіміз Ғафу Қайырбековтің «Дала қоңырауы», Ақылбек Шаяхметтің «Алтынсарин», Мұқағали Мақатаевтың «Аштың білім ұясын қазақ үшін», Омар Шипиннің «Ыбырай» атты өлеңдерін оқып, Қуаныш Камиланың орындауында «Ыбырай маршы» әнін шырқалды.

Алдағы уақытта челленджді еліміздің барлық, кітапханалары да қолдайды деп үміттенеміз.