26 тамыз бен 2 қыркүйек аралығында Семей ядролық сынақ полигонының жабылу күніне арналған есте қаларлық күніне орай кітапхана пайдаланушылары үшін «Тауқымет жаңғырығы» атты кітап көрмесі ұйымдастырылды.

Көрменің мақсаты: Оқырмандарды кітапхананың Семей ядролық полигоны туралы кітап қорымен таныстыру.

«Ядролық әлемге бастаған Қазақстан жолы» атты бұл көрменің бірінші бөлімі кеңестік атом бомбасын жасауға, алғашқы ядролық сынаққа және оның зардаптарын көрсетуге арналды. «Қасірет пен тағдырдың» екінші бөлімінде республика аумағындағы «Невада-Семей» ядролық полигонының жабылуы туралы кітаптар, фотосуреттер, баспасөз мақалалары берілген.

Көрмеде ҚР Тұңғыш Президенті, Елбасы Н.Назарбаевтың «Бейбітшілік кіндігі», «Бейбітшілік эпицентрі», жазушы М.Сәрсекеевтің орыс және қазақ тілдеріндегі «Семей трагедиясы» және «Семей қасіреті», Қ.Бозтаевтың полигон туралы, Р.Сейсенбаевтың «Семей полигондары», «Дүние күйреген күн» т.б. кітаптары қойылды.