19 ақпанда «Тарих беттерін парақтасақ: Ыбырай Алтынсарин кезеңі» атты іс-шара өтті. Ұлы жазушы, педагогтың туғанына 175 жыл толуына орай ұйымдастырылған тарихи калейдоскопқа №2 мектеп-гимназияның 7-сынып оқушылары қатысты. Кездесу мақсаты - қазақ халқының ұлы ағартушысы Ыбырай Алтынсарин туралы, оның қазақ қоғамында қандай орын алатыны туралы, оқу және әдебиет саласына қанша үлес қосқаны туралы балаларға айтып беру. Қазақстанның ХІХ ғасырдағы халықтық білім беру деңгейімен таныстыру. Сонымен қатар Алтынсариннің сол ауыртпалығы мол жылдардағы өмірі мен еңбек жолы туралы, сол қиындықтарға қарамастан өзінің жеке тұлғалық қасиеті арқасында тұтастай халық мектептері желісін ұйымдастырғаны туралы да сөз болды. Кездесу барысында «Ыбырай Алтынсарин - ұлт мақтанышы», «19 ғасырдың техникалық жаңалықтары» таныстырылмдары мен «Мәдени мұра» бейнефильмі, кітап көрмесі назарға ұсынылды.
