Құрметті достар, сіздерді әдебиет мұхитына қосылған жас буынның ішінде өзіндік соқпағымен дараланып келе жатқан жазушы Дархан Бейсенбекұлының «Жалғыз жұлдыздың жарығы» атты әңгімелер жинағы кітабымен таныстырғым келеді. Дархан Бейсенбекұлы 1984 жылдың 7 қарашасында Алматы облысы, Жаркент өңіріндегі Нағарашы ауылында дүниеге келген. Қаламгердің «Жалғыз жұлдыздың жарығы» атты әңгімелер жинағына балалар әлемі мен жасөспірімдер тақырыбына қалам тербеген туындылары өзінің шынайылығымен, ауылдың аңғал мінезімен ерекшеленіп, оқырман қауымды бірден баурап әкетеді.

Видео

Кітапта қазақтың біртуар ұлы Мұхтар Әуезовтің ататек шежіресіне қатысты және сол шежіремен бірыңғай тұтастықтағы түркілер еліне ислам дінінің келу тарихы мәселелері сөз болады. Исламдық пәлсапаның қазақ жерінде дамуы, оның жергілікті халықтың тағдырындағы манызы, сондай-ақ мұсылмандық негіздегі ұлттық дүниетанымның қалыптасуына ұйтқы болған тұлғалар болмысы да біртұтас сабақтастықта қарастырылады.Басылым көпшілік оқырманға арналған.

Видео

Бүгін бізбен бірге тағы да Оксана, ол бізге қосымша материалдарды қолдана отырып, дөңгелек панно жасауды үйретеді. Сіздерді қызықты орман, ай бейнесін салу сабағы күтеді. Дөңгелектегі үлкен ай мен оның үстінде түнгі орман. Бізге қарапайым сурет салу құралдары мен циркуль қажет.

Видео

«Етікші мен хан» өнегелі ертегісін ұсынамыз. Онда әділдік пен тапқырлық салтанат құрады. Ертегі адамдарды епті, жауапты және басқаларға жанашыр болуға үйретеді.

Видео

Ұлы сазгер Абайдың өмірімен және шығармашылығымен танысып, оның қазақ музыка өнерінде алатын орнын, әндерінің ерекшелігін білетін боламыз. Абай әндері арқылы жас ұрпақ эстетикалық, адамгершілік тәрбие ала алады. Музыкалық сөз қорымызды байытып, музыканы тыңдап және түсіне біліп, ән айту қабілеттерімізді жетілдірейік.

Видео

Тәрбиелеушілік маңызында, балаға өз еңбегінің пайда келтіретінін, еңбектен ләззат алуды, оның қажеттілігін үйрету керек. Еңбек ету барысында баланың бойында ерекше қасиеттер қалыптасады, олар: белсенділік, өз бетінше жұмыс істеуге талпыну, өз көзқарасын қорғау. Көп қырлы еңбек ету барысында бала шынығады, ақыл-ойы дамиды, іскерлік, дағдылар қалыптасады. Бүгінгі балаларға базарлық айдарындағы Серікбай атамызда сол жайында сөз қозғап отыр. Кіші жастан еңбекке аралассаң жемісің өскенде көресің деген атамыздың сөзіне құлақ салайық.

«Еңбек етпеген ішіп-жемейді», «Еңбек түбі береке» деп халқымыз еңбек ету арқылы мәнді де сәнді өмір сүруге болатынын ескертеді. Сондықтан еңбекке деген қажеттілікті, дағды мен іскерлікті, еңбекқорлықты, кіші жастан үйреніміз керек.

Видео

В. Сутеевтің "Бір қап алма" ертегісі бізді қоршаған ортамен бөлісуді үйретеді. Ертегісінің басты мағынасы-мейірімділікте және жомарттықта. Ертегіде қоянның қолындағы барын аямай, оны кездескен барлық аңдармен алма бөліскені жайында айтылады. Нәтижесінде істеген жақсылығы қоянға екі еселеніп қайтарылды.

Бұл ертегі мейірімді болуға, достарыңмен бөлісуге, достарыңнан шын жүректен жақсылық жасауға үйретеді. Кез келген мейірімді іс-әрекет міндетті түрде бағаланатынын үйретеді.

Видео

Белгілі жазушы, халықаралық «Алаш» әдеби сыйлығының лауреаты, энциклопедияшы-баспагер, зертеуші-ғалым Тұрдақын Жексенбайдың «Бала бүркіт» кітабына автордың балаларға арналған бір топ повестері мен әңгіме-ертегілері топтастырылған.

Видео

Өз бетінше саяхаттауды ұйымдастыру - қиын және уақыт пен ақшаны мұқият есептеуді қажет ететін еңбекті іс. Оның үстіне, саяхаттаушылардың бәрі бірдей қызықты ақпарат алу үшін жергілікті тұрғындармен сөйлесу үшін шет тілін жетік меңгере бермейді. Туризм саласындағы мамандар виза мен сақтандыруды рәсімдеуден бастап саяхаттау және демалумен байланысты барлық шаруаны өздеріне алады. Солардың бірі болу үшін жоғары оқу орнының "Туризм" мамандығына түсу қажет. Жоғары білім туралы диплом алғаннан кейін, Қазақстанда немесе туризм саласы жақсы дамыған басқа елдерде жұмыс істеуге мүмкіндік болады.

Видео

Құрметті оқырмандар, біз қызықты ертегіні оқып қана қоймай, үйде отырып оны саусақ театры арқылы бейнелеуімізге де болатынын білесіздер ме? Ол үшін бізге әртүрлі фетр материалы, қайшы, ыстық желім және шығармашылық көңіл-күй қажет. Осы заттар арқылы ертегі кейіпкерлерін жасап, қызықты қойылым ұйымдастырайық! Жасалу жолы видеода көрсетілген.

Видео