17 наурыз «Игі істер күні» мерекелік құттықтау бағдарламасымен және сыйлықтармен біздің қызметкерлер «Кәмелетке Толмағандарды Бейімдеу орталығына» барды.
Оқушылар түрлі байқаулармен мен жарыстарға қуана қатысты.
Кездесуге мен араласуға себеп болған Наурыз мейрамы жиналғандарға эстетикалық ләззат сыйлады.
Біздің бөлімнің кітапханашылары ұлттық киіммен, құттықтау сөздерімен қала орталығына Наурызға арналған құттықтау акциясымен шықты. Кітапханашылар біздің оқырмандардың қолымен жасалған қызғалдақтармен (оригами) құттықтау визиткаларын таратты. Біздің қала тұрғындарының көктемгі мереке алдындағы көңіл-күйі болғанын атап өткім келеді. 40 қызғалдақ пен 40 құттықтау визиткасы таратылды.
Келе жатқан Әз - Наурызды тойлау мақсатында, біздің бөлімде шеберлік сабақ өтті. Ұлттық ою-өрнекті қолдана отырып, түрлі-түсті қағаздардан қазақтың киіз үйі мен тақиясын жасап шығардық. Тақия – қазақтың ұлттық киімінің бір бөлігі болып саналады. Ал киіз үй болса, көшпенділердің ыңғайлы шаңырағы болып саналады. Осындай нәрселер біздің қолымыздан шықты.
Кітапханада Наурыз апталығының үшінші күні өткізілді. Бүгін – шежіре және бата күні. Іс-шараға М. Хәкімжанова атындағы №20 мектептің 6 сынып оқушылары мен №18 мектептің 9 сынып оқушылары келді. Іс-шара Нығметжан Мирас пен Тасмаганбетов Ерасылдың орындауында «Адай» күйімен ашылды. Әрі қарай кітапханашы балаларды «Наурыз-көктем» кітап көрмесімен таныстырды, Наурыз мейрамы туралы қызықты деректер айтылды. Содан кейін негізгі тақырып шежіре және бата тақырыбына көштік. Балалар өздерінің жеті аталарын еске түсіріп, шежіре ағашына жазды. Балалар өздерінің білетін баталарын айтып, бір-біріне жақсы тілектерін тіледі. Соңында арқан тартыс, орамал тастау сияқты ұлттық ойындар ойнадық. Барлығы көтеріңкі көңіл-күйде тарқасты.
https://www.instagram.com/y.altynsarin.obzhk.qst/
Наурыз мерекесі қарсаңында 2023 жылдың 16 наурызында кітапханада "Бабалары еске алу және бата күні" өткізілді. Бұл күні отбасы тарихы, шежіре туралы айтылды. Ежелгі заманнан бері қазақтар өздерінің өткеніне құрметпен қараған. Сондықтан балаға Жеті атасы туралы білім бойына бала кезінен сіңіріледі. Бүгін 22 мектептің 8-сынып оқушылары да ата-бабаларын еске алып, шежіре ағашын толтырып, кітапхана ұжымынан бата алды. Және, әрине, басқа күндердегідей, барлығы киіз үйді бірге жинады.
https://www.instagram.com/y.altynsarin.obzhk.qst/
Кітапханамыздың оқырмандары «Киіммен қарсы алады» атты селфи акциясына қуана қатысты. Ұлттық киімдерді киіп көргеннен кейін Наурыз мерекесінің тартымдылығын сезіне алды.
Барлық пайдаланушылар үшін "Библио — фреш"бейнебаян ұсынылған. Жаңа кітаптар өз достарын күтеді. Кітап оқып, өзіңе жақсы көңіл күй сыйла!
Адамның досы – кітап, өмір кілті,
Тең келмес оған жиған дүние мүлкі.
Ақылшы, жанға серік жол бастаушы,
Асыл ой, қазынасы, өмір көркі.
Шаймолданова К. Ж
Наурыз мерекесі қарсаңында 15 наурызда кітапханада "Табиғат күні" өткізілді.
5-сынып оқушылары түймедақ, мариголд, "түнгі сұлу" тұқымдарын отырғызумен айналысты. Жер сумен қаныққанша уақытты бос өткізбей, "Арқан тартыс" және "Орамал тастау" ұлттық ойындарын ойнап, өздерінің әншілік дарындарын көрсетті.
Содан кейін олар бауырсақтан ауыз тиіп, кітапханаға кітап алуға және олар отырғызған тұқымдардың қалай өскенін бақылау үшін оралуға уәде берді.
Күн мен түннің теңеліп, Самарқанның көк тасы еритін мұсылман халқының жаңа жылы Наурыз мейрамы жақындап қалды. Халық Наурызды 14 наурыздан бастап 15 күн тойлаған.
Біздің кітапханада да Наурыз мейрамын тойлау бүгіннен басталды. Бізде бүгін Көрісу күні. 14 наурыз қазақта көрісу күні, амал мерекесі. Бұл күні қазақ халқы бір-бірінің үйіне барып, өкпе-реніштерін ұмытып, бір-біріне жақсылық тілеп жатады.
Іс-шараға Ы. Алтынсарин атындағы мектеп-гимназия-интернатының 6 сынып оқушылары қатысты. Іс-шара басында балалармен Көрісу салтын жасадық. Балаларға Наурыз мейрамы туралы қызықты деректер айтылып, викториналық сұрақтар қойылды. Содан кейін барлық қатысушылар ата-бабалардың салтын еске түсіріп, 1 метрлік киіз үй құрды. Киіз үйдің сүйегін, жабдықтарын еске түсірді. Киіз үйді толық құрып, балалар жасаған істеріне риза болды. Үйдің ішіне кіріп, дәмді бауырсақ пен кәмпиттен ауыз тиді.
Біз оқырмандарымызға жаңа кітап көрмесін дайындадық, бірақ оның орнында кенеттен уақытша портал пайда болды! Сөреде заманауи кітаптардан басқа, біздің ата-анамыз, ата-әжелеріміз оқыған балаларға арналған кітаптар қойылды. Біз бұл порталдың қанша уақытқа созылатынын білмейміз, сондықтан да оны пайдаланып қалуға кеңес береміз! Кім біледі, кенеттен ол жерде болашақтың кітаптары пайда болып қалар?
