Нүктелермен сурет салу - балаларға қарындашты дұрыс ұстауға, әр түрлі формадағы сызықтарды жүргізуге және қосуға үйретудің тамаша әдісі. Мұндай сурет өте қызықты және пайдалы: ойлауды, ұсақ моториканы, жазу дағдыларын дамытады. Міне, біздер не істедік. #балалар_жылы
"Чудо-Чадо" студиясының балаларымен үй жануарларына ұқыпты қарау және оларды күтіп-бағу үшін жауапкершілікті тәрбиелеу мақсатында "Біз олар үшін жауаптымыз" ойын викторинасы өткізілді. Балалар белсенді қатыса отырып, үй жануарлары туралы айтып, "Котенок Гав" мультфильмін көрді. Сондай-ақ, үй жануарлары - біздің жақсы достарымыз, емшілеріміз, көмекшілеріміз, қорғаушыларымыз, сондықтан олардың жақсы өмір сүруге, біздің қамқорлығымыз бен сүйіспеншілігімізге құқылы болуы керек деген қорытындыға келді.
#балалар_жылы
«Не ексең, соны орасың» демекші, әр ата-ана баланы қалай тәрбиелесе, солай өседі. Бүгінгі ұсынылып отырған жинақ жасөспірім балаларға арналғанымен, ересектерге де оқуға кеңес беріледі. Ересектердің жауабын таба алмай жүрген сұрақтарына осы жинақтан жауап таба алады. Ал балаларға ересектердің қателігін қайталамауға шақырады. Кітапханаға келіңіздер, кітап оқыңыздар!
Сіздерді тамаша мереке – Нұр-Сұлтан күнімен шын жүректен құттықтаймын. Қазақстанның жас елордасы, бүгінгі Нұр-Сұлтан – қарыштап дамыған мемлекеттің, мәңгілік достықтың символы. Нұр-Сұлтан – бұл қазақтың мерейі, мәртебесі, ел мақтанышы. Сондықтан да тәуелсіз Қазақстанның жүрегі мәңгі соғып, бас қаламыз одан әрі гүлденіп, өркендей берсін.
Қуанышқа толы мереке күні Сіздерге зор денсаулық, шаңырақтарыңызға құт-береке, бастамаларыңызға сәттілік тілейміз.
6 шілдеде Қазақстанда мемлекеттік мереке — Астана күні (Нұр-сұлтан күні) атап өтіледі.
Мереке халық үшін маңызды тарихи-мәдени мәнге ие және Қазақстан Республикасы жетістіктерінің символы болып табылады.
Бұл күні біз Қазақстанда тұратын халыққа жылулық, бейбітшілік, жақсылық, бірлік, достық тілегіміз келеді.
Елорданы Қостанай қаласының тұрғындары құттықтайды.
2018 жылдың 13 маусымында ең алғашқы президентіміздің бұйрығы бойынша, әр жылдың шілде айының бірінші жексенбісі «Ұлттық домбыра күні» болып тағайындалды. Осы мерекеге орай, қала тұрғындарына ұлттық домбырамыздың шығу тарихымен таныстыру мақсатында өнер әдебиеті бөлімі акция жүргізіп бүктеме таратты. #балалар_жылы
Әрбір қазақстандық үшін астана күні жай мереке ғана емес, сонымен қатар еліміздің қарқынды дамуының символы. Елордамыз... Нұр-Сұлтан... Бұл сөздерді қай уақытта, қай аялдамада естісек те, жан дүниемізде қуаныш пен сүйсіну сезімін оятады.
Кітапханада "Туған күніңмен астана"кітапханалық квилт түрінде кітап көрмесі жұмыс істейді. Бүгін біздің кішкентай оқырмандарымыз стикерлерде елордамызға өз тілектерін жазды және олар көрменің ажырамас бөлігіне айналды.
#балалар_жылы
#Балалар_әдебиеті #Балалар_әдебиетінің_кейіпкерлері_сөйлейді #Балалар_кейіпкерлерінің_сөздері #Балаларға_арналған_әдебиеттер #Балалар_шығармалары #Балаларға_арналған #Дәйексөздер #Балалар_әңгімелерінен_үзінділер #Үзінділер
2018 жылдың 13 маусымында ең алғашқы президентіміздің бұйрығы бойынша «Ұлттық домбыра күні» тағайындалды. Табиғаттың үнін, тұлпардың дүбірін, адамның сырын шанағынан төгілген домбыра енді жыл сайын шілденің алғашқы бірінші жексенбісі ұлықталатын болды. Ұлттық домбыра күніне орай «Қазақтың жаны – домбыра» - деп жүрегі соғатын ақын Серікбай Оспанов ағамыздың домбыра туралы мәліметің ұсынамыз!
Бұл оқу құралы қазақ тілін кешенді оқытудың бастапқы А1 деңгейіне арналған. Құралда қамтылған материал Қазақстан Республикасының мемлекеттік стандарттарына сәйкес «Қазақ тілін оқытуға арналған типтік бағдарлама» бойынша дайындалды. Қазақ тілінің фонетикасынан басталған оқу құралы тіл үйренушінің қарапайым қажеттіліктерін өтейтін тақырыптар мен оларды меңгертетін жаттығулардың тығыз сабақтастығына құрылған. Жазу, оқу, сөйлеу, тыңдау дағдыларын меңгерту қатар жүріп отырады. Грамматикалық тақырыптар қарапайымнан күрделіге қарай машықтану жаттығуларымен дамытылады. Оқу құралындағы көптеген сабақтар аудиторияларда сынақтан өтті. Оқу құралы қазіргі тіл үйретудегі сұранысты ескере отырып, коммуникативтік дағдыларды қалыптастыру мақсатында жазылған. Оқу құралы тіл үйренушінің келесі базалық А2 деңгейге өтуіне негіз қалайды.
