5 маусымда Ғылыми-көпшілік әдебиеттері бөлімінде денсаулық сағаты өткізілді. № 1 ОМ 7 сынып оқушылары «№ 1 емхана» КМК психологі В. Б. Хакимовамен, Полиция департаментінің есірткі қылмысына қарсы күрес жөніндегі жедел уәкілі А. К. Ерадиловамен және ЖИТС-пен күрес және алдын алу бойынша облыстық орталықтың эпидемиолог-дәрігері Н. А. Долгушинамен кездесті. Есірткі құралдарының зияны мен адам ағзасына кері әсері туралы бейне-ролик көрсетілді. Эпидемиолог-дәрігер Н. А. Долгушина ойын өткізді, онда балалар егер есірткі қолданатын болса, адамның нені жоғалтатынын көрнекі түрде көре алды. Балалар мынадай сұрақтар да қойды: есірткі қайдан келеді? Басқа елдерде есірткі қолданғанға қандай жазалар қолданылады? Лекторлар жасөспірімдердің назарын «жеңіл ақшаға» құнығып, есірткі құралдарын таратқаны үшін 15-20 жылға дейін бас бостандығынан айырылуы мүмкін екендігіне аударды. Әлемде үнемі синтетикалық есірткілер пайда болып отырады. «Жеңіл» есірткілер болмайды, барлығы үшін денсаулығыңмен және өміріңмен жауап беруге тура келеді.

Фото

Жаз! Сондай жұмсақ, нәзік сөз! Егер де көзіңді сәл жұмып, „Жаз„ сөзін бөліп-бөліп айтсаң, көз алдыңа жарқыраған күн, ыстық құм, терең көл, жасыл желек және де еркіндік пен бақыт сезімі елестер еді. Өйткені бұл балалар үшін көңілді әрі бейқам шақ – көптен күткен жазғы каникул басталды. Біздің кітапханамызда жазғы алаң аясында іс-шаралар басталды. Қаланың мектеп оқушылары «Көңілді бүлдіргіштер» шеберлік-сыныбы топтамасына қатысты. Нәтижесінде, біреуінде бильбоке немесе попадайка деп аталатын, екіншісінде оригами техникасымен жасалған сөйлейтін қарға, ал үшіншісінде СD-дисктерден жасалған балықтар пайда болды. Түзету мектебінің оқушылары „Жаз әуендері„ ойын бағдарламасына қатысты, онда олар сүйікті мульфильмдерінің әуендерін естеріне түсірсе, ал аумақтық орталық тәрбиеленушілері „Күн дегеніміз не?„ іс-шарасына қатысып, өздеріне көңілді күн жасап алды.

Фото

4 маусымда, ҚР Рәміздер күніне орай, мектеп жасына дейінгі және 1-6 сынып оқушыларына қызмет көрсету бөлімінде №11 және №18 ОМ оқушылары қатысқан «Қазақстан тарихындағы үш рәміз» презентация сабағы өткізілді.
Балалар Отан туралы мақал-мәтелдерді естеріне түсірді, ҚР мемлекеттік рәміздерінің пайда болу тарихы туралы, еліміздің туын, елтаңбасын, гимнін құрастырушыларының есімдерін, сондай-ақ, онда бейнеленген суреттер геральдика тілінде нені білдіретіндігі туралы білді. Ойын кезінде оқушылар осы іс-шарада қойылған сұрақтарды қайталады. Одан бөлек, эстрада жұлдыздарының орындауындағы біздің Отанымыз туралы бейне роликтер көрсетілді.

Дәстүрлі түрде, кітапханамыздың ауласында 1 маусым күні Балаларды қорғау күніне арналған «Күн, бақыт, достық — балаларға керегі осылар» мерекелік іс-шарасы өткізілді. Біздің көңілді әткеншегімізге балалардың ең басты мерекесімен құттықтауға Жаз келді. Сонымен қатар, бізге ұрыс-керісті жақсы көретін Дюдюка Барбидокская келді, ол барлығының көңіл-күйлерін түсіріп, балаларды өздерінің көмекшілері еткілері келіпті. Бірақ, Жаз бен біздің кітапханада тұратын үй иесі Book Дюдюкаға жақсы істер жасауды үйретті. Біздің кейіпкерлерімізбен бірге балалар әртүрлі сайыстар мен викториналарға қатысты. Осылайша, қарбызды жеу ойы туындады, іс-шара соңында мерекелік отшашу болды. Баранова Софияның орындауындағы әсем ән іс-шараны толықтытып тұрды. Сондай-ақ, біздің тұрақты оқырмандарымыз Остренкова Виктория мен Китаева Анастасия орындауындағы жарқыраған флешмоб та іс-шараның сәнін кіргізді. Мереке біткеннен кейін балаларды тәтті тосынсый күтіп тұрды.

Фото

21 мамыр, ҚР мәдениет және өнер қызметкерлері күнінде кітапханада «Бату және оның достарының бастан кешкендері» спектаклінің тұсаукесері өтті. Спектакль қазақстандық жазушы Лилия Калаустың 50 жылдық мерейтойына орайластырылған.

Қазақ ертегілерінің сүйікті әрі танымал кейіпкері — Алдар Көсе №13 негізгі жалпы білім беретін мектептің, №1 мектеп-лицейінің, Қостанай кәмелеттік жасқа толмағандарды бейімдеу орталығының балаларын қарсы алды.

Спектакль кейіпкерлерімен бірге: Батумен, Сашамен және Данамен олар шынайы өмірден параллель әлемге қызықты саяхат жасады. Алдар Көсе және массагеттер ханзадасы — Аспарамен балалар ертеде жоғалып кеткен құпияға толы даналық пен әділдіктің қасиетті Алтын тостағанын іздеуге аттанды. Жолда оларға аңыз кейіпкерлер — Жерасты әлемінің патшасы Жылан-баба хан, Жезтырнақ және Самұрық құс кездесті.

Барлық қимыл-қозғалыстардағы оқиғадан балалар қазақ мәдениеті, аңызы, тілі және еліміздің тарихы туралы білді. Кездейсоқ табысу пен жоғалту, сатқындық пен достар табу, ең бастысы — өзіңді табу, соңында көрермендер үшін нағыз тосын сый болды.

Қойылымнан көрермендер Самұрық құстың «Алтын тостаған — бұл біздің өміріміз» деген пікірін ойларына түйді. Балалар оны қандай оқиғалармен толтыратынын өмір көрсетеді, Аспараның ерлігі, құпия Жылан-баба Ханның күші, Самұрықтың даналығы мен әділдігі оларға үлкен өмірде дұрыс шешім қабылдауға көмегін тигізеді деп сенеміз.

Фото

Құрметті әріптестер!

Баршаңызды кәсіби мерекелеріңізбен – Мәдениет қызметкерлері күнімен шын жүректен құттықтаймыз!

Ғасырлар бойы мұра болған асыл қазынаны ұрпаққа жеткізу, мәдениетті өркендету - баршамыздың ортақ мақсатымыз болып табылады. Сіздерге мықты денсаулық, шабыт, бақыт және шығармашылық табыс тілейміз!

6 мамыр күні Отан қорғаушылар күні мен Ұлы Жеңіс күні мерекелері қарсаңында, Өнер бөлімінде №115 ОМ 1 сынып оқушыларымен „Ұрпаққа ұран болған Ұлы жеңіс„ іс-шарасы өткізілді. Еліміздің болашағы — кішкентай бүлдіршіндерге Жеңістің қасиеті, майдан даласының қиындығы, соғыс қарулары, Ұлы Отан соғысының батырлары, сондай-ақ жерлес батырлар туралы айтылды. Сонымен қатар, балалармен ойындар да ойнатылды. Ойын барысында ұл балалар нағыз батырлардың соғыс көлігі — танкты, ал қыз балалар Мәншүк пен Әлиядай батыр апалары сияқты соғыс қаруы — автоматты құрастырды. Соғыс кезінде ұрыс даласына ауыз су жеткізу де оңайға соқпайтыны белгілі. Сол сәтті сәл де болса сезініп, ойыншық машинамен су толы стақанды бір жерден екінші жерге төкпей-шашпай жеткізуге тиіс болды. Балалар барлық сынықтан сүрінбей өтті.

9 мамыр - бұл мереке ғана емес, бұл ауыр еңбек, бұл халықтың батырлығы. Бiздiң парызымыз - бұл күндi еске сақтау. Ешқашанда жауынгер ерлігі мен жеңісті еңбегімен соққан еңбекшінің ерен ерліктері ұмытылмайды. Бүгінде біздің азаматтық міндетіміз – болашақ ұрпақты Отанын сүюге, елінің, жерінің адал патриоттары, достық пен бірлік туралы түсінік беру арқылы отансүйгіштікке тәрбиелеу.

Фото

Әрбір халықтың ұмытпайтын оқиғасы, атаулы күні болады. Барлық қазақстандықтар үшін бұл күн Ұлы Отан соғысы болып табылады. 2 мамырда мереке қарсаңында Қостанай аймақтық әлеуметтік қызмет көрсету жөніндегі орталықтың балалары үшін Отанын қорғау үшін қолдарына қару алған кеңес одағы халқының ерлігі мен соғыс тарихына арналған ерлік сағаты өткізілді. Соғыс тарихының кадрлары балаларды соғыс жылдарындағы оқиғаларды басқа қырынан қарауға мүмкіндік берді. Соғыс барлық отбасына, көптеген адамдардың тағдырларына енді. Әрбір отбасында сақтаулы тұрған тарих арқылы біз соғысты еске аламыз. Еске ала отырып, біз адамзаттық тектіліктің, кеңес сарбазының ерлігі мен қаһармандығының бүтін бір тарихи бетін ашамыз. Сондай-ақ, біз қазақстандық мерейгерлер - Ә. Молдағулова, Р. Қошқарбаев туралы да айтып өттік. 2019 жылы олар 95 жасқа толар еді. Мұндай іс-шаралар ерлік пен қаһармандықты, Отанға, халыққа деген сүйіспеншікті сезіне білуге, біз осы соғыс батырларының естеліктеріне лайықтымыз ба, біз солар сияқты ержүрек, батыл бола аламыз ба деген сауалдар төңірігінде ойнануға мәжбүрлейді.

Фото

3 мамырда кітапхананың акт залында Ұлы Отан соғысы туралы «Уақыттың өз жады бар» элегия кеші өткізілді. Шақырылған бозбалалар мен бойжеткендер Ю. В. Друнина мен Б. Ш. Окуджаваның шығармашылығымен танысты. Бұл авторлармен таныстық кездейсоқтық емес, 9 және 10 мамыр күндері оларға 95 жыл толар еді. Бұл авторлардың соғыс тозағы арқылы өткен өлеңдері мен әндері соғыс туралы кез келген оқулықтардан артық айтады. Соғыс туралы кинофильмдердегі Ю. В. Друнинаның өлеңдері оқылып, Б. Ш. Окуджаваның әндері әуеледі: «Белорусский вокзал» - «Здесь птицы не поют…» әні, «Женя, Женечка и «Катюша» - «Капли датского короля» әні. «Майдандағы тағдырлар» көрме-реквиемі іс-шараны толықтырып тұрды, көрме майдангер-жазушылар - В.П. Астафьевтің, Б.Л. Васильевтің, Ю.В. Бондаревтың, Б.Ш. Окуджаваның, Ю.В. Друнинаның соғыс туралы көркем шығармаларымен таныстырды.

Фото