8 маусым күні Ы. Алтынсарин ат. ОБЖК-да №2 ОМ-тің 2 сынып оқушылары «Күлкі әлеміне саяхат» жасап, әзіл-оспақ әдебиеттермен танысты. Кітап оқиғалары арқылы балалар үйде, мектепте кездестіретін жағдаяттар көңілді, әрі ойын түрінде талқыланды. Балалар ойдан шығарылған кемемен «Күлдіргілер», «Саңғырлақтар», «Еріншектер» кемежайларына соға отырып, Күлкі аралына теңіз саяхатын жасады. Іс-шара барысында балаларға өздерінің іс-әрекеттерін жан-жақты бақылауға түрткі болған, «Ералаш» киножурналының бөлімдері көрсетілді. Балалар түрлі әзіл-оспақты оқиғаларға позитивті қарап, физминуттарға қуана-қуана қатысты. Айтылған барлық әзіл-оспақ оқиғалар балаларға қызықты да, түсінікті де болды.

02 және 07.06.2017ж. Ы. Алтынсарин ат. ОБЖК-да «Жолда жүру ережесін білу – бәріне міндет» деген тақырыппен ЖЖЕ байланысты іс-шара өтті. Жолда жүру ережесі туралы балалардың білімін бекіту, оқушылар арасында жол жарақатының алдын алу – іс-шараның мақсаты болды.

№19 және №2 мектеп-лицейдің қатысушылары үшін (72 адам) іс-шара барысында қимыл-қозғалыс ойындары, сондай-ақ есте сақтау, зейінділік қабілеттерін жетілдіруге арналған ЖЖЕ байланысты бірнеше викторина жүргізілді.

ФОТО

5 маусымда Ы.Алтынсарин ат. ОБЖК-да №11 ОМ-тің 2-6 сынып оқушылары үшін екі дүркін «Бейбітшілік пен мейірімділік қаласы — Астана» атты тарихи-биографиялық круиз өтті. Балалар Астананың қалыптасуы туралы кітапханашының айтқан әңгімесін қызыға тыңдап, сұрақтарға бір ауыздан жауап берді және Астана қаласына арналған ән шырқады. Балалар жақсы білім нәтижесін көрсетіп, мемлекеттік рәміздерге қатысты сұрақтарға жауап берген «Қазақстан оқиғалары» атты интелектуалды ойын іс-шараға енгізілді. Кіші сынып оқушылары өздеріне ұсынылған ақпарат бойынша әлі де көп оқу қажет екендігіне көз жеткізді.

ФОТО

Қазақстан Республикасының мемлекеттік рәміздерінің 25 жылдығы мерекесіне орай Ы.Алтынсарин ат. ОБЖК №13 ОМ-тің 1-6 сынып оқушылары үшін «Туым-намыс, ұраным-бірлік, рәмізім-мақтаныш!» атты ақпараттық бағдарлама дайындап өткізді.

Балалар үшін «Бәйге» интеллектуалды ойыны мен патриоттық ойындар дайындалып, «Сәлеметсің бе, Астана», «Отаным менің» деген тақырыптағы видео көрсетілді. Кіші сынып оқушылары үшін ойын деңгейінен өту оңайға соқпады, дегенмен олар аға жолдастарына қарап тырысып бақты, ал олар болса, ойынның барлық сұрақтарына жауап беріп, «Бәйге» ойынын патриоттық ұранмен аяқтады.

ФОТО

Ы. Алтынсарин атындағы ОБЖК-да «Қыздар әлемі» әдеби отырысының қатысушылары үшін «Шыншылдық – адамдықтың белгісі» атты жағдаяттық ойын ұйымдастырылды. Ю. Яковлевтың «Багульник» әңгімесі жалпыға оқылды. Бұл әңгіме мұғалімнің оқушыдан мейірімділік, бауырымдылық, тапсырылған іске жауапкершілікпен қарау сияқты жақсы қасиеттерді үйренуі туралы.

Әңгіме оқылғаннан кейін кітапханашы талқылау сұрақтарын қойды. Қыздар жарқын тұлға ретінде танып білген басты кейіпкерге қатысты өз ойларын білдірді. Түрлі жағдайлармен қожайындары өз жануарларын күте алмауына байланысты, Костя оларға адал ниетпен қамқор болғанын қыздар атап өтті. Сонымен қатар, қатысушылар Костяны сабақтан кейін аңдып, оның немен айналысып жүргенін білген мұғалім туралы да өз ойларын ортаға салды. Олардың ойларынша, мұғалімнің басты кейіпкерге деген көзқарасы өзгеріп, балаға жақсы көзқараспен қарайды.

Бұл қатысушылар бойында жақындарымызға, достарымыз бен туғандарымызға үнемі әділеттіміз бе деген ой туғызды.

ФОТО

Балаларды қорғау күніне орай Ы. Алтынсарин ат. ОБЖК-да «Балауса бағым, шаттық пен қуаныш ордасы» деген тақырыппен мерекелік іс-шара ұйымдастырылды. Балалар мерекесіне арналған тосын сыйдың бірі-мерекеге қонақ болып Пеппи ұзын шұлықтың өзі келді. Балалар Пеппимен бірге түрлі байқаулар мен викториналарға қатысты. Басынан аяғына дейін музыкалық құттықтауларға толы іс-шара балаларға көтеріңкі көңіл күй сыйлады. Балаларды мереке соңында дәстүрге айналған тәтті тосын сый күтті. Іс-шараға 137 адам қатысты.

ФОТО

30 мамыр күні Ы. Алтынсарин ат. ОБЖК-ның мектепке дейінгі және 1-6 сынып оқушыларына қызмет көрсету бөлімінде «Мейірім мен достық аралы» атты ойын-саяхат өтті. Саяхатты Қостанай мамандандырылған мектептің оқушылары жасады. Балалар «Халық даналығы», «Әдептілік туралы сөйлесейік», «Қиын жағдайға тап болма», «Кітап викторинасы» сияқты аялдамаларға тоқтап, достық туралы мақалдарды еске түсірді. Ертегі кейіпкерлерінің достарын тауып айтып, «Сөзді аяқта» ойынын ойнады. Соңғы аялдамада достық ережесін құрған балалар, дос бола білу – адамның жақсы қасиеті деген шешімге келді.

ФОТО

Ы. Алтынсарин ат. ОБЖК-да «Жазғы алаң» ұмыстары аясында Заречный а. Заречный ОМ-нің 2 сынып оқушылары үшін «Шәлкездер, жылауықтар және де басқа «сотқарлар» атты сыпайылық әліппесі болып өтті.

Ойын ретінде балалардың тәртібі жайлы түрлі жағдаяттар көрсетілді: қырсықтық, тыңдымаушылық, еркелік. «Жауап қайыру» ойыны барысында кітапханашы қойған сұрақтарға жауап беруде балалар белсенділік танытып, «Ералаш» киножурналы мен үйретуші мультфильмді қызыға тамашалады. Бұл тақырып педагогтерді қатты қызықтырды және олар өскелең ұрпақты адамгершілікке тәрбиелеуде дұрыс материал таңдағандары үшін кітапханашыларға алғыстарын білдірді.

ФОТО

Міне, оқу жылы аяқталып, асыға күткен жазғы демалыс та келіп жетті. Бұл балалардың бос уақытын ұйымдастыру мен оқу мәселесінің аса өзекті кезеңі. Кітапхана балаларға бос уақытын тиімді өткізуге көмектесіп, қарым-қатынас жасау орталығына айналады. Осындай іс-шараларға бірінші болып №2 ОМ-тің бастауыш сынып оқушылары мен №20 ОМ-тің МДС балғындары қатысты.

Олар үшін Ы.Алтынсарин ат. ОБЖК 23 мамыр күні МДС және 1-6 сыныптарға қызмет көрсету бөлімінде «Ойын-күлкі бәріне» атты күлкі-тайм өтті. Оқырмандар мен 3 «В» сынып оқушыларын көркем әдебиеттің әзіл-оспақ жанрымен таныстырды.Григорий Остердің өлеңдерінен үзінді арқылы, балалар мектепте, көлікте, қонақта жиі кездестіретін жағдайлар талқыланды. Күлкі-тайм «Ералаш» киножурналын тамашалаумен аяқталды.

Бұл күні Өнер секторының сөрелерінде 3 «Б» сынып оқушылары «Хитрук, мәңгі» мультипликация сабағында жасаған, бәрінің сүйікті қонжығы - «Винни» және балаларға мектеп аяқталуын білдіріп, көңілді кезеңнің жеткенін сездіретін гүл - «мамыргүл гүлдері» жайғастырылды. Гүлшоқтарды №2 ОМ-тің 4 «Б», 2 «Б» және «2» Г сынып оқушылары «Көктем гүлшоғы» атты шеберлік сабағында жасап шығарды.

№20 ОМ-тің МДС балғындары Қазақстанның тұңғыш мультипликаторы Әмен Қайдаровтың «Қарлығаштың құйрығы неге айыр?» атты қазақ ертегісі сарынымен түсірілген мультфильмді тамашалап, автордың өмірбаянына шолу жасады. Сондай-ақ, адамдардың бұл құсты не үшін жақсы көретіндерін білген балғындар, өзерінің осындай «адал достары» болғанын қалады. Іс-шара соңында балғындарға кітапханашы Елубаева З.К. өз армандарын жүзеге асыруға көмектесіп, жапсыру арқылы құс жасады. Бұл үшін ата-аналар риза болып, өз алғыстарын білдірді.