20 қарашада „Жақын шетелдердегі орыс сөзі: Қостанай облысының кітапханаларындағы мәдени десант„ жобасы аясында ресейлік ақын Янис Грантспен оқырмандардың шығармашылық кездесуі өткізілді. Оның қызықты әрі ерекше өлеңдері балаларды ғана емес, залда отырғандардың барлығын еліктірді.

Ақынмен сөйлесу нағыз мерекеге айналды. Ақынның әртістігі ду қол шапалақ пен көңілді күлкі тудырған жағымды эмоцияларға ие болды. Балалар ақынға өздерінің сұрақтарын жаудырды. Олар ақынның 7 жастан бастап өлең жаза бастағанын, „Крокодильчик„ үй журналын шығарғанын білді.

Янис Грантс өзі туралы былай дейді: «Менің жолым болды: менің отбасым бақытты болды. Ата-анам бір-бірін және бізді, үш ұлын, өте жақсы көрді. Мен махаббат туралы жаза бастадым». Сонымен қатар, ол бір құпияның басын ашты… Ешкім де не үшін өлең жазуды бастайтынын білмейтініне сенімді. Янис Грантстің өлеңдері тек қана автордың өзі ғана оқыған жоқ, кітапхана оқырмандары да оқыды, және де бұл авторға нағыз сыйлық болды. Янис оқылған жолдардың ішінде өзінің де сүйікті өлеңдерінің бар екеніне таң қалды.

Барлығы жанды, сырлы және жарқын кездесуден зор ғанибет алды.

Фото

«Жақын шетелдердегі орыс сөзі:
Қостанай облысының кітапханаларындағы мәдени десант»

20 мен 22 қараша аралығында облыс кітапханашылары «Жақын шетелдердегі орыс сөзі: Қостанай облысының кітапханаларындағы мәдени десант» кең ауқымды акциясының қатысушылары болды. Мәдени десантты, Ы.Алтынсарин атындағы Қостанай облыстық балалар мен жасөспірімдер кітапханасы және Л.Толстой атындағы Қостанай облыстық әмбебап ғылыми кітапханасымен бірлесіп Челябі облыстық жастарға арналған кітапхана дайындады.

Қазақстан мен Ресейдің өзара қарым-қатынасы бай тарихқа ие. Бізді тарихи тағдырлардың ортақтығы мен рухани-мәдени жақындық біріктіреді.

Мәдени серіктестік өзара түсіністіктің жоғары деңгейінің көрнекі мысалы болып табылады. Бұл адамгершіліктің бастауын жеткізуші халық өмір сүретін шекаралас аймақта айқын көрініс табады.

20 қарашада, мәдени десант аясында, культуртрегер, баспагер Марина Владимировна Волковамен кездесу өткізілді, орыс тілінде жарнама жасау бойынша орыс тілі мен әдебиеті мұғалімі Марина Викторовна Михееваның шеберлік сыныбы болды.

Атақты оралдық авторлармен кездесу кітапхана оқырмандары үшін нағыз сый болды: ақын Янис Грантс пен детектив және фантастикалық әдебиет жазушысы Андрей Щупов.

Сонымен қатар бағдарлама шеңберінде «Чудное русское слово» Халықаралық жастар байқауы өткізілді. Ақпан мен мамыр айлары аралығында кітапханаға байқауға қатысушылардың жұмыстары келіп түскен болатын. 1 турдың қорытындысы бойынша финалға 10 қатысушы шықты. Ал 21 қарашада Ы.Алтынсарин атындағы балалар мен жасөспірімдерге арналған кітапханада байқаудың 2 туры өткізілді, онда қатысушылар жазған шығармашылық жұмыстарынан үзінділер оқыды.

Залды бағындыру үшін финалға қатысушылардың үш минуты ғана болды. Байқауға қатысушыларды бағалау кезінде, қазылар алқасының мүшелері бірінші кезеңнің қорытындысына, сонымен қатар әртістігі мен сезімге берілгендігіне мән берді. Байқау қорытындысы: 3 орын – Мухамедиева Айгерим, Октябрьск ауылы, Лисаковск қаласы; 2 орын – Жаухарбеков Азамат, Рудный қаласы; 1 орын – Москвичева Лада, Рудный қаласы.

Байқаудың Гран-приі Рудный қаласынан Шайрер Александрға бұйырды. Финалға шыққан барлық қатысушылар дипломдармен және бағалы сыйлықтармен, айта кетсек, құлаққаптар, ұялы телефондар, планшеттер мен ноутбуктармен, марапатталды.

Фото

15 қараша кітапхана қабырғасында Қамбар батыр кітабының 130 жылдығына арналған «Ноғайдың Қамбар деген батыры бар» атты іс-шара өткізілді. Кездесуге Ы. Алтынсарин атындағы дарынды балаларға арналған мектеп-интернатының 5-сынып оқушылары қатысты. Оқушылар іс-шара барысында Қамбар батыр жырымен танысып, кітабынан жатқа үзінділер оқыды. Іс-шара алтын сақа ойынымен жалғасты. Оқушылар сайыста қыздар мен ұлдар тобы боп жарысқа түсіп, өздерін логикалық ойлау және білім жағынан,ептілік және күштілік жағынан, тапқырлық және шапшаңдық жағынан көрсетті.Сондай-ақ,«Жүйріктен жүйрік озар жарысқанда» деген сайыста ұлдар тобы ермексаздан батырдың бес қаруын (қылыш, шоқпар, найза, садақ, айбалта),ал қыздар болса батырдың жорыққа шығарды алар жол жорамалынан үш зат (тұмар, торсық және арқан) жасады.Кездесу соңында оқушылар «Қ-А-М-Б-А-Р» сөзіндегі әр әріпке Қамбар батыр қандай?- деп,әр дыбысты сөйлетіп,сол әріптен басталатын сөздермен аяқтады.

Фото

15 қарашада кітапханада „Қазақстандықтардың әл-ауқатының өсуі: табыс пен тұрмыс сапасын арттыру„ Қазақстан Республикасының Президенті Н.Назарбаевтың Қазақстан халықына жолдауын түсіндіру бойынша гуманитарлық колледж студенттерімен кездесу өткізілді.

Жолдауды түсіндіру үшін ішкі саясат басқармасының идеологиялық жұмыстар жөніндегі бөлім басшысы Абылайхан Мүбаракұлы Какенов шақырылды.

Дәрістің басында еліміздің өмір сүру іс-әреті саласының барлық жаһандық міндеттері түсіндірілді, білім беру сапасы мәселесі қозғалды. Студенттермен қызықты, қызу диалог болды. Лектор өмірден, фильмдерден, өзінің жұмыс тәжірибесінен нақты мысалдар келтіре отырып, заманауи қоғамда қалай сұраныста болу керектігі туралы айтты. Қоғамда бейбітшілік пен тұрақтылық, ұлттың келісімі мен бірлігі – ел дамуының жаңа кезеңі міндеттерін табысты іске асырудың басты шарты болуы тиіс.

2019 жыл ел болашағының негізі болып табылатын жастар жылы деп жарияланды. Президент жас ұрпаққа үлкен үміт артады.

Гуманитарлық колледж студенттері берілген ақпаратты қызығушылықпен тыңдады, қойылған сұрақтарға жауаптар алды.

Фото

2 қарашада «Сундучок историй» студиясына қатысушы балалар үшін „Хэллоуин мерекесінің тарихы„ танымдық сабағы өткізілді. Іс-шара Л.Толстой атындағы облыстық кітапхананың Ағылшын мәдени секторында өтті, онда балаларды сектор меңгерушісі Ксения Геннадьевна Чернева шақырған болатын.

Бұл мерекенің тамыры тереңде болып шықты. Ол күн қысқарып, түн ұзарғанда өткізіледі. Күн суытып, қараңғыланады. Қатты жел соғып тұрады. Ағаштардан жапырақтар түседі. Жыл аяқталып, барлығы қатып қалады. Ұзақ, қараңғы түнді ілестіріп қыс келеді. Адамдар дәл осы мезгілде нешетүрлі елестер, сайтандар және әлемнің барлық мыстандары сыпырғыштарымен үрей туғызып, аспанды шарлап жүреді деп сенген. Адамдар өздерінің денсаулықтары, өмірлері үшін қорқып, далаға шықпай үйде отырған. Бұл туралы балаларға кітапхананың еріктілері Кристина Жукова мен Александр Русалев айтып берді.

Қазір адамдардың көбісі жындарға сенбейді, ал Хэллоуин қорқынышты күннен көңілді мерекеге, костюм киген бал-маскарадқа айналған. Іс-шараға костюм киген әртістер де келді, бірақ олардың кейіпкерлері атақты мультфильмдегі Каспер сияқты мейірімді әрі көңілді.

Ойындар, қызықты сайыстар мен викториналар әртістерге өздерін еркін ұстап, көңіл көтеруге мүмкіндік берді. Ал келесі күні тың күшпен олар осы жылдың соңғы спектаклі „Алдар Көсе мен Шығай бай — ескі ертегі жаңа үлгіде„ спекткалінің сахналарын қойып дайындалды.

Фото

Бүгін – Ұлттық валюта – теңге күні. Осыдан тура жиырма бес жыл бұрын дәл осы күні төл теңгеміз айналысқа түскен. Бұл күн мемлекеттігіміздің мәртебесі тағы бір дәлелденіп, абыройымыз асқақтап, өзгенің емес, өз ұлттық ақшамызды қолға ұстап, қазақы дүниеміздің қатары қосылып қуанғанбыз. Содан бері бұл күннің мерейі үстем – мереке. Осындай айтулы мерекеде төл теңгеміздің тарихына көз жүгіртіп, жылжи өткен жиырма бес жылдағы жаңалықтарын түгелдей түгендей алмасақ та, там-тұмдап сыр шертіп, ақшамыздың айрықша артықшылықтарын, түр-түсін әңгімелесек, әр түрлі ою өрнетерді көреміз. Мұндағы «қошқармүйіз» оюы байлық пен молшылық нышаны, мал шаруашылығына байланысты туған. Сондықтан теңгеміздің болашағы жарқын болып, байлық пен молшылықта болайық деп бізде қолөнерші қыздарымызбен осындай көрнекілікті жасадық.

Фото

"Рухани жаңғыру "мемлекеттік бағдарламасын және "Бір ел — бір кітап" республикалық акциясын жүзеге асыру аясында 13 қарашада жазушы, әдебиеттанушы, ғалым Немат Келімбетовтың "Үміт үзгім келмейді" кітабы бойынша іс-шара өткізілді. Кездесуге ҚЭК студенттері қатысты, оларға „Н.Келімбетовтың көркем әдеби мұрасы" кітап көрмесі ұйымдастырылды.

"Үміт үзгім келмейді" повесть-монолог жазушымен болған нақты оқиғаларға негізделген. Мүгедек арбаға таңылған Немат Келімбетов тамаша жігерлік танытып, өмір үшін аянбай күрескен. Оның жанында әрқашан оның сүйіктісі Қуаныш-жеңгей болды. Ол күйеуін аяққа қойып, өзіне сенім беру үшін өзінің өмірлік қуатын берді. Студенттер назарына буктрейлер-кітап бойынша бейне ролик ұсынылды.

13 қараша күні Халықаралық қайырымдылық күні атап өтіледі және студенттерге айналасындағыларға арналып жылы сөздер жазылған үлестірілмелі парақшалар таратылды.

Фото

Ақша – ерекше әрі маңызды тарихи дереккөз. Олар бізге тарихи тұлғалардың портрет галереясын, әртүрлі ескерткіштердің суреттерін жеткізді, ондағы суреттерден мифологиялық, тұрмыстық көріністерді көруге болады. Қазақстандық мемлекеттік ақша – теңге болуы ерекше жағдай емес.

«Рухани жаңғыру» бағдарламасы аясында, Ұлттық валютаның 25 жылдығына, 9 қарашада мектепке дейінгі және 1-6 сынып оқушыларына қызмет көрсету бөлімінде «Туған күніңмен, теңге!» квест ойыны өткізілді. Квесттің қатысушылары №1 мектеп-лицейінің 4 „в„ және №14 мектептің 5 „в„ сынып оқушылары болды. Қатысушылардың алдында өз мемлекеттерін құру, валюта мен президент таңдау тұрды. Олар барлық тапсырмаларды сәтті орындады, әсіресе, „Тауар айырбастау„ сахналауы ұнады.

Мемлекеттік тілден жақсы білімдерін көрсеткен, «Сатып аламын - Сатып алмаймын» ойын түрінде өткізілген «Мен қазақша сөйлеймін» акциясы ерекше есте қалды. Ең білімділері «Мемлекттік тіл» медалімен марапатталды.

Фото

3 қарашада Өнер жөніндегі әдебиеттер бөлімінде біздің жас оқырмандарымыздың бастамасымен шеберлік сыныбы өткізілді. №23 ОМ 2 сынып оқушысы Никита Трибишной құрастырғыштарға әуес. Ол ЛЕГО-ның кішкентай текшелерімен ұшақтар, кемелер, тіпті динозаврлар жасайды.

Никита Легоны жақсы көретіні соншалық, Лего ойыншығының барлық тарихының электронды құжаттамасын жинапты, онда бір ғана тақырыптық топтама емес, «Парк юрского периода», «Супер-герои», «Классик», «Техник» сияқты тақырыптар бар. Тақырыптық топтамалар көп, ал алғашқы Лего атауымен шыққан ойыншықтар ағаштан жасалған болып шықты. Бұл туралы шеберлік шыныбына қатысушылар деректі фильмнен білді, себебі біздің кейіпкер егжей-тегжейлі дайындалып келіпті. Шеберлік сыныбы екі топтың жарысы түрінде өткізілді: «Леголенд» - қыздар тобы және «Леговойны» - ұлдар тобы.

Қонақтар кішкентай кірпіштерден жасалған Леголенд бағында болуға мүмкіндік бергені үшін Никитаға алғыс айтты. Қостанайда ондай бақ жоқ деп кім айтты? Бар, біреу ғана емес, бірақ, қуаныш сыйлау үшін өзінің арман-қиялымен, ойыншықтарымен бөлісуге әркімнің батылы бара бермейді.

Фото

2 қарашада ғылыми қызметкер және биолог А. В. Андрющенкомен кездесу алдында «Девичий мирок» клубының қатысушылары үшін Облыстық тарихи-өлкетану мұражайында библио-десант өткізілді.

Қыздарды сирек кездесетін экспонаттардың көмегімен Қостанай облысының тарихымен таныстырды. Клуб қатысушылары туған өлкеміздің барлық сұлулығы мен байлығын көрді, еліміздің өткеніне көз жүгіртіп қарады. Іс-шарадан соң қыздар керемет әсерде болды және мұражай қызметкерлеріне таңданыстарын жеткізіп, алғыстарын білдірді.