Қостанай облыстық аналар кеңесі, «Өрлеу» БАҰО» АҚ филиалы Қостанай облысы бойынша ПҚ БАИ, Ы.Алтынсарин атындағы облыстық балалар мен жасөспірімдер кітапханасы «5+1=Жазда бірге оқиық!» облыстық отбасылық жазғы оқу байқау-акциясының өткізілетіні туралы хабарлайды

Отбасымен бірге оқу. Бүгінгі күні оның мәні мен маңызын ешкім жоққа шығара алмайды. Бірақ, сіздер отбасылық оқу дегенде бүлдіршіндермен бірге кітап оқу деп түсінесіздер ме? Бала өсіп, ержетіп кеткенде жайлы отбасылық оқу қайда қалады? Кітап — бұл «әке мен бала» арасындағы өзара түсіністік мәселелерін шешетін, қарым-қатынастың, түсіністіктің және әңгімелесудің қуатты құралы. Бәлкім, мұндай отбасылық оқудың «ересектену» түрі бірге немесе жалпылама деп аталуы мүмкін, бірақ ол болуы керек!

Біздің «5+1=Жазда бірге оқиық!» байқау-акциямыз «ересектерді» балалардың, жасөспірімдердің, жастардың кітаптарын оқуға тартылып, көркем шолулардың көмегімен балалардың қызығушылықтары мен мәселелеріне жақындап, оған терең үңіліп, оларды түсініп және жаңа өзара іс-әрекет нүктесін табады деп сенеміз.

Байқау-акцияның мақсаты: Отбасылық жазғы оқуды ынталандыру. Отбасылық-туыстық қатынасты нығайтудың, өзара түсіністікті бекітудің және бірге әрекет етудің жаңа негіздерін қалыптастырудың қолданыстағы әдістері ретінде, әртүрлі жастағы балалардың оқу қызығушылығына, бірге оқу-талқылау-шығармаластыққа «ересек» аудиторияны тарту.

«5+1=Жазда бірге оқиық!» байқау-акциясына қатысу үшін отбасылар — барлық жастағы балалар мен ата-аналары, мұғалімдер, кітапхана қызметкерлері, сондай-ақ, қызығушылық танытқан тұлғалар шақырылады.

«5+1=Жазда бірге оқиық!» байқау-акциясы 2019 жылғы 17 маусым мен 17 қыркүйек аралығында өткізілетін болады.

Байқау туралы толығырақ ақпаратты http://orley-kost.kz институт сайтынан және http://allib.kz/kk/node/1689 кітапхана сайтынан оқи аласыздар.

ҰЙЫМДАСТЫРУШЫЛАР - әртүрлі жастағы балалармен жазғы оқуға қазақ және орыс тілдеріндегі 5 кітаптан тұратын топ ұсынады.

ҚАТЫСУШЫЛАР - оған +1 өзінің ұсынысын қосады. 5+1

• Топ 1: 5(+1) Сіздің 2 жастан 6 жасқа дейінгі балаңызбен оқуға болатын балалар кітаптары (орыс тілінде оқу үшін) (қазақ тілінде оқу үшін)

• Топ 2: 5(+1) Сізді және Сіздің 7 жастан 12 асқа дейінгі балаңызды жақындастыратын балалар кітаптары (орыс тілінде оқу үшін) (қазақ тілінде оқу үшін)

• Топ 3: 5(+1) Сіздердің бір-бірлеріңізді түсінуге көмектесетін, Сіздің 13 жастан 15 жасқа дейінгі жеткіншегіңізге арналған кітаптар (орыс тілінде оқу үшін) (қазақ тілінде оқу үшін)

• Топ 4: 5(+1) Бір-бірлеріңіз туралы көптеген жаңалықты білуге көмектесетін Сіздің 16-18 жас аралығындағы ересек балаңыздың кітаптары. (орыс тілінде оқу үшін) (қазақ тілінде оқу үшін)

Қатысушыларды ақпараттық қолдау:

Федас Любовь Анатольевна, «Өрлеу» БАҰО» АҚ филиалы Қостанай облысы бойынша ПҚ БАИ кітапхана ісі жөніндегі бас маманы.

ТЕЛЕФОН: 8 (7142) 54 16 13 (107); 8 747 140 90 39

E-MAIL: fedasla@mail.ru

Шевченко Юлия Борисовна, Ы.Алтынсарин атындағы ОБЖК қызмет көрсету бөлімінің жетекшісі.

ТЕЛЕФОН: 8 (7142) 54-11-61

E-MAIL: julia_dashka@mail.ru

Видершпан Алла Леонидовна, Ы.Алтынсарин атындағы ОБЖК инновациялық және әдістемелік жұмыс бөлімінің жетекшісі.

ТЕЛЕФОН: 8 (7142) 39-00-42

E-MAIL: omir@allib.kz

Сіздердің белсенді қатысуларыңызды күтеміз!

10 маусымда кітапханамызда ұлы орыс жазушысы С.С.Пушкиннің «Евгений Онегин» шығармасы бойынша қойылым көрсетілді. Қойылымды атақты режиссер, Қазақстан өнерінің көрнекті қайраткері А.А. Лиопа басқарды. Әртістер ретінде № 18 мектеп-гимназиясының оқушылары, кітапхана оқырмандары («Жажда человечности» клубының мүшелері) қатысты. Балалар өздерінің театр сахнасына енді қадам басқан труппасын «Ұлы әртістер» деп атапты. Бірақ олардың ойындары жасөспірімдік албырттыққа және классикалық шығармаға ширақтық пен заманауи үн беретін эмоцияға толы болды. Сахна декорациясы мен костюмнің аздығына қарамастан, әртістер Пушкин өлеңдерінің жолдары сиқырымен көрермендері тәнті ете білді. Шағын қойылым көрермендердің ыстық ықыласына бөленді.

Фото

Тура 220 жыл бұрын Ресейде айтулы оқиға орын алды: 6 маусымда, жаздың бас кезінде, Ұлы орыс ақыны А.С.Пушкин өмірге келді! Қанша жыл өтсе де, Пушкиннің өлеңдері өшкен жоқ. Бұл есімді білмейтін адамды табу да қиын шығар. Ақынның шығармашылығы біздің өмірімізге бала кезімізде енеді де, барлық өмір жолымызда бірге болады. Осы айтулы оқиғаға орай, «Территория творчества» әдеби студиясы аясында, жазушының туған күніне «Пушкинге уақыт пен кеңістік аралығы...» портрет-кеші өткізілді. Студияға қатысушылар өздерінің сүйікті Пушкиннің өлеңдерін оқыды, жазушы туралы ақпаратпен бөлісті, қызықты сұрақтар қойды, сондай-ақ, ақынның өмірінің қызықты әрі көпшілікке таныс емес деректермен танысты, - осының бәрі қызықты пікірталас өзегіне айналды. Көрсетілген бейнематериалдар кездесуімізді толықтырып тұрды.

Фото

5 маусымда Ғылыми-көпшілік әдебиеттері бөлімінде денсаулық сағаты өткізілді. № 1 ОМ 7 сынып оқушылары «№ 1 емхана» КМК психологі В. Б. Хакимовамен, Полиция департаментінің есірткі қылмысына қарсы күрес жөніндегі жедел уәкілі А. К. Ерадиловамен және ЖИТС-пен күрес және алдын алу бойынша облыстық орталықтың эпидемиолог-дәрігері Н. А. Долгушинамен кездесті. Есірткі құралдарының зияны мен адам ағзасына кері әсері туралы бейне-ролик көрсетілді. Эпидемиолог-дәрігер Н. А. Долгушина ойын өткізді, онда балалар егер есірткі қолданатын болса, адамның нені жоғалтатынын көрнекі түрде көре алды. Балалар мынадай сұрақтар да қойды: есірткі қайдан келеді? Басқа елдерде есірткі қолданғанға қандай жазалар қолданылады? Лекторлар жасөспірімдердің назарын «жеңіл ақшаға» құнығып, есірткі құралдарын таратқаны үшін 15-20 жылға дейін бас бостандығынан айырылуы мүмкін екендігіне аударды. Әлемде үнемі синтетикалық есірткілер пайда болып отырады. «Жеңіл» есірткілер болмайды, барлығы үшін денсаулығыңмен және өміріңмен жауап беруге тура келеді.

Фото

Жаз! Сондай жұмсақ, нәзік сөз! Егер де көзіңді сәл жұмып, „Жаз„ сөзін бөліп-бөліп айтсаң, көз алдыңа жарқыраған күн, ыстық құм, терең көл, жасыл желек және де еркіндік пен бақыт сезімі елестер еді. Өйткені бұл балалар үшін көңілді әрі бейқам шақ – көптен күткен жазғы каникул басталды. Біздің кітапханамызда жазғы алаң аясында іс-шаралар басталды. Қаланың мектеп оқушылары «Көңілді бүлдіргіштер» шеберлік-сыныбы топтамасына қатысты. Нәтижесінде, біреуінде бильбоке немесе попадайка деп аталатын, екіншісінде оригами техникасымен жасалған сөйлейтін қарға, ал үшіншісінде СD-дисктерден жасалған балықтар пайда болды. Түзету мектебінің оқушылары „Жаз әуендері„ ойын бағдарламасына қатысты, онда олар сүйікті мульфильмдерінің әуендерін естеріне түсірсе, ал аумақтық орталық тәрбиеленушілері „Күн дегеніміз не?„ іс-шарасына қатысып, өздеріне көңілді күн жасап алды.

Фото

4 маусымда, ҚР Рәміздер күніне орай, мектеп жасына дейінгі және 1-6 сынып оқушыларына қызмет көрсету бөлімінде №11 және №18 ОМ оқушылары қатысқан «Қазақстан тарихындағы үш рәміз» презентация сабағы өткізілді.
Балалар Отан туралы мақал-мәтелдерді естеріне түсірді, ҚР мемлекеттік рәміздерінің пайда болу тарихы туралы, еліміздің туын, елтаңбасын, гимнін құрастырушыларының есімдерін, сондай-ақ, онда бейнеленген суреттер геральдика тілінде нені білдіретіндігі туралы білді. Ойын кезінде оқушылар осы іс-шарада қойылған сұрақтарды қайталады. Одан бөлек, эстрада жұлдыздарының орындауындағы біздің Отанымыз туралы бейне роликтер көрсетілді.

Дәстүрлі түрде, кітапханамыздың ауласында 1 маусым күні Балаларды қорғау күніне арналған «Күн, бақыт, достық — балаларға керегі осылар» мерекелік іс-шарасы өткізілді. Біздің көңілді әткеншегімізге балалардың ең басты мерекесімен құттықтауға Жаз келді. Сонымен қатар, бізге ұрыс-керісті жақсы көретін Дюдюка Барбидокская келді, ол барлығының көңіл-күйлерін түсіріп, балаларды өздерінің көмекшілері еткілері келіпті. Бірақ, Жаз бен біздің кітапханада тұратын үй иесі Book Дюдюкаға жақсы істер жасауды үйретті. Біздің кейіпкерлерімізбен бірге балалар әртүрлі сайыстар мен викториналарға қатысты. Осылайша, қарбызды жеу ойы туындады, іс-шара соңында мерекелік отшашу болды. Баранова Софияның орындауындағы әсем ән іс-шараны толықтытып тұрды. Сондай-ақ, біздің тұрақты оқырмандарымыз Остренкова Виктория мен Китаева Анастасия орындауындағы жарқыраған флешмоб та іс-шараның сәнін кіргізді. Мереке біткеннен кейін балаларды тәтті тосынсый күтіп тұрды.

Фото

21 мамыр, ҚР мәдениет және өнер қызметкерлері күнінде кітапханада «Бату және оның достарының бастан кешкендері» спектаклінің тұсаукесері өтті. Спектакль қазақстандық жазушы Лилия Калаустың 50 жылдық мерейтойына орайластырылған.

Қазақ ертегілерінің сүйікті әрі танымал кейіпкері — Алдар Көсе №13 негізгі жалпы білім беретін мектептің, №1 мектеп-лицейінің, Қостанай кәмелеттік жасқа толмағандарды бейімдеу орталығының балаларын қарсы алды.

Спектакль кейіпкерлерімен бірге: Батумен, Сашамен және Данамен олар шынайы өмірден параллель әлемге қызықты саяхат жасады. Алдар Көсе және массагеттер ханзадасы — Аспарамен балалар ертеде жоғалып кеткен құпияға толы даналық пен әділдіктің қасиетті Алтын тостағанын іздеуге аттанды. Жолда оларға аңыз кейіпкерлер — Жерасты әлемінің патшасы Жылан-баба хан, Жезтырнақ және Самұрық құс кездесті.

Барлық қимыл-қозғалыстардағы оқиғадан балалар қазақ мәдениеті, аңызы, тілі және еліміздің тарихы туралы білді. Кездейсоқ табысу пен жоғалту, сатқындық пен достар табу, ең бастысы — өзіңді табу, соңында көрермендер үшін нағыз тосын сый болды.

Қойылымнан көрермендер Самұрық құстың «Алтын тостаған — бұл біздің өміріміз» деген пікірін ойларына түйді. Балалар оны қандай оқиғалармен толтыратынын өмір көрсетеді, Аспараның ерлігі, құпия Жылан-баба Ханның күші, Самұрықтың даналығы мен әділдігі оларға үлкен өмірде дұрыс шешім қабылдауға көмегін тигізеді деп сенеміз.

Фото

Құрметті әріптестер!

Баршаңызды кәсіби мерекелеріңізбен – Мәдениет қызметкерлері күнімен шын жүректен құттықтаймыз!

Ғасырлар бойы мұра болған асыл қазынаны ұрпаққа жеткізу, мәдениетті өркендету - баршамыздың ортақ мақсатымыз болып табылады. Сіздерге мықты денсаулық, шабыт, бақыт және шығармашылық табыс тілейміз!

6 мамыр күні Отан қорғаушылар күні мен Ұлы Жеңіс күні мерекелері қарсаңында, Өнер бөлімінде №115 ОМ 1 сынып оқушыларымен „Ұрпаққа ұран болған Ұлы жеңіс„ іс-шарасы өткізілді. Еліміздің болашағы — кішкентай бүлдіршіндерге Жеңістің қасиеті, майдан даласының қиындығы, соғыс қарулары, Ұлы Отан соғысының батырлары, сондай-ақ жерлес батырлар туралы айтылды. Сонымен қатар, балалармен ойындар да ойнатылды. Ойын барысында ұл балалар нағыз батырлардың соғыс көлігі — танкты, ал қыз балалар Мәншүк пен Әлиядай батыр апалары сияқты соғыс қаруы — автоматты құрастырды. Соғыс кезінде ұрыс даласына ауыз су жеткізу де оңайға соқпайтыны белгілі. Сол сәтті сәл де болса сезініп, ойыншық машинамен су толы стақанды бір жерден екінші жерге төкпей-шашпай жеткізуге тиіс болды. Балалар барлық сынықтан сүрінбей өтті.

9 мамыр - бұл мереке ғана емес, бұл ауыр еңбек, бұл халықтың батырлығы. Бiздiң парызымыз - бұл күндi еске сақтау. Ешқашанда жауынгер ерлігі мен жеңісті еңбегімен соққан еңбекшінің ерен ерліктері ұмытылмайды. Бүгінде біздің азаматтық міндетіміз – болашақ ұрпақты Отанын сүюге, елінің, жерінің адал патриоттары, достық пен бірлік туралы түсінік беру арқылы отансүйгіштікке тәрбиелеу.

Фото