Президент Қасым-Жомарт Тоқаев «Қазақстан Республикасының кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгертулер мен толықтырулар енгізу туралы» және «Қазақстан Республикасы Әкімшілік құқық бұзушылық туралы кодексіне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» Қазақстан Республикасының заңдарына қол қойды.

Мемлекет басшысы 2022 жылғы 16 наурыздағы және 2023 жылғы 1 қыркүйектегі Қазақстан халқына арнаған жолдауларында әйелдер мен балаларға қатысты зорлық-зомбылық үшін жазаны қатаңдатуды тапсырғанын еске сала кетейік.

Енгізілген түзетулер қоғамда қызу талқыланды. Парламент палаталарының отырыстарына Ұлттық құрылтай мүшелері, үкіметтік емес ұйымдардың, Президент жанындағы Әйелдер істері және отбасылық-демографиялық саясат жөніндегі ұлттық комиссияның, Адам құқықтары жөніндегі ұлттық орталықтың өкілдері және Балалар құқықтары жөніндегі уәкіл қатысты.

t.me/aqorda_resmi

Әйелдер мен балаларға қатысты кез келген сипаттағы зорлық-зомбылық үшін жауапкершілікті қатаңдататын, сондай-ақ отбасы институтын, кәмелетке толмағандардың қауіпсіздігін нығайтатын нормалар енгізілді:

✔денсаулыққа қасақана жеңіл зиян келтіру және ұрып-соғу қылмыстық құқық бұзушылық ретінде танылды. Денсаулыққа қасақана ауырлығы орташа және ауыр зиян келтіруге қатысты жауапкершілік қатаңдатылды;

✔неке және отбасы, әке болу, ана мен бала институтын нығайтуға негізделген неке және отбасы заңнамасының жаңа қағидаттары, сондай-ақ жалпыадамзаттық, ұлттық, дәстүрлі, мәдени, отбасылық құндылықтарды құрметтеу негізінде балалардың адамгершілік, рухани тәрбиесін қамтамасыз ету қағидаты қарастырылған;

✔отбасы, әйелдер мен балалардың құқықтарын қорғау мәселелері жөніндегі байланыс орталығы қызметінің құқықтық негіздері жасалды. Оның рөлін ақпараттандыру саласындағы уәкілетті орган айқындайтын заңды тұлға атқарады. Бұл ретте мемлекеттік органдар отбасы, әйелдер мен балалардың құқықтарын қорғау мәселелері бойынша өзара әрекет етіп қана қоймай, байланыс орталығына азаматтардың өтініштерін қарау нәтижесінде қабылданған шаралар туралы ақпарат беругеміндетті болады;

✔тұрмыстық зорлық-зомбылықтан зардап шеккендерге арнаулы әлеуметтік қызмет көрсету үшін отбасын қолдау орталықтарын құруға және олардың жұмысына қатысты мәселелер заңнамалық тұрғыдан бекітілді;

✔өзін-өзі өлтіруге итермелегені және ықпал еткені, сондай-ақ өзін-өзі өлтірудінасихаттағаны үшін қылмыстық жауапкершілік енгізілді;

✔16 жасқа толмаған адамдарға сексуалдық сипатта тиіскені үшін қылмыстық жауапкершілік енгізілді. Кәмелетке толмағандарды ұрлағаны және заңсыз бас бостандығынан айырғаны үшін жаза айтарлықтай қатаңдатылды;

✔кәмелетке толмағандарды жәбірлегені (буллинг, кибербуллинг) үшін әкімшілік жауапкершілік алғаш рет енгізілді;

✔білім беру ұйымдары кәмелетке толмағандар жасаған немесе оларға қатысты жасалған заңға қайшы әрекеттер туралы құқық қорғау органдарына дереу хабарлауға міндетті;

✔16 жасқа дейінгі балалардың қауіпсіздігін қамтамасыз ету мақсатында  жол ақысын төлемегені үшін оларды қоғамдық көліктен мәжбүрлеп түсіруге тыйым салынды.

Заңдардың мәтіні баспасөзде жарияланады.

t.me/aqorda_resmi

Белгілі геологтың, Қазақ ғылым Академиясының тұңғыш президентінің 125 жылдығына орай "KAZGUU SCHOOL.Ost”" ЖШС 10 сынып оқушыларына арналған іс-шара өткізілді. Балалар Қаныш Сәтпаевтың өмірі мен қызметі туралы біліп, содан кейін өздерін «геолог» ретінде сынап көрді. Ол үшін тастар мен минералдарға байланысты тапсырмалар орындады. Кездесу соңында Қ.И.Сәтбаев туралы көрме ұсынылды.

Назарларыңызға суретші-иллюстратор, көркемсурет мектебінің мұғалімі Нина Сергеевна Олексюк-Коровинаның жұмыстарын ұсынамыз.

Сатираның сардары атанған тілі уытты, қаламы қарымды қаламгер Оспанхан Әубәкіров өз шығармашылығында балаларға арналған өлең-жыр, ертегі, пьеса жазып, аудармамен де айналысқан. Белгілі композиторлардың әндеріне мәтін жазып, өзі де көптеген танымал әндердің авторы атанған. Оспанхан Әубәкіровтың 90 жылдық мерейтойына орай жасалған «Біздің ағай, біздің ағай тамаша» буктрейлері.

«Ғылым туралы сөз» пәндік дәрісі аясында 10 және 11 сынып оқушылары Академиялық лицейдің техникалық ғылымдар кандидаты, А.Байтұрсынов атындағы ҚӨУ аға оқытушысы Телегина Оксана Станиславовнамен кездесті. Кездесу физика пәніне арналды. Балалар физикаға аса қызығушылық танытпады, бірақ соған қарамастан оқытушы онсыз өмір сүре алмайтынына сендіре алды. Оксана Станиславовна сонымен қатар ғылымды көбірек түсіну үшін оқуға болатын кітаптарды ұсынды. Бұл Яков Исидорович Перельманның әйгілі шығармалары «Қызықты физика», «Қызықты механика»,«Қызықты есептер мен эксперименттер», Анатолий Томилиннің «Электр туралы әңгімелер» кітабы, Джирл Уокердің «Физикалық отшашу» және басқа да қызықты басылымдар.

Бүгін балалар кітабы апталығының соңғы күні суретші-иллюстратор Нина Олексюк-Коровинамен ерекше кездесу өтті. Ол Александра Ильинична Суслованың, Катя Матюшкинаның және басқа жазушылардың кітаптарын суреттеген. Нина Сергеевна шығармаға кейіпкерлер жасау бойынша шеберлік сабағын өткізді, сондай-ақ суретші-иллюстратордың жұмысы туралы айтты.

(Балалар кітабының апталығы. Бесінші күн)

«Жанданған күнтізбе: 2024 жылдың мерейтойлары» хронограф балалар жазушы, блогер, әдебиет редакторы, Қазақсан Жазушылар одағының мүшесі Лиля Калаустың туғанына 55 жыл.

Л. Калаус балаларға арнап жазған кітаптары баршылықты. Соның бірі «Бату мен оның достарының бастан кешкендері» атты кітабы.

Дүниежүзілік денсаулық күні қарсаңында № 4 мектепбінің 7 сынып оқушылары үшін аралас жекпе-жек федерациясының, Қостанай облысы бойынша аралас жекпе-жек федерациясының толық контактілі әмбебап жекпе-жек федерациясының президенті Руслан Жұмабайұлы Сексембаевпен кездесу өтті. Руслан Жұмабайұлы сондай - ақ армиялық қол күрес бойынша халықаралық дәрежедегі спорт шебері, өзін-өзі қорғау бойынша әйелдер курстарын ұйымдастырушы, «Темирлан - Стальные львы» жекпе-жек академиясының жетекшісі, көшеде өзін-өзі қорғау және төтенше жағдайларда өзін-өзі ұстау әдістемесінің авторы. Қонақ салауатты өмір салтын ұстану туралы және өзіңді, жақындарыңды қалай қорғауға болатынын айтты. Оқушылар жаттықтырушыдан өзін-өзі қорғаудың құпиялары туралы, осындай биіктерге қалай жетуге болатындығы және ол үшін не істеу керектігі туралы сұрады. Сондай - ақ, еңбек сіңірген жаттықтырушының оқушылары № 23 және 17 мектебінің жетінші сынып оқушылары қатысты.