19 қаңтарда «Сундучок историй» театр студиясының кезекті сабағы өткізілді. Балалар қазақстандық авторлар Зира Наурызбаева мен Лилия Калаустың «В поисках Золотой чаши» қиял-ғажайып шығармасымен танысты.

Зира Наурызбаева – мәдениеттанушы, сценарист, мифолог, қазақ халық мәдениетін насихаттаушы және көпшілікке таратушы.

Лиля Калаус – филолог, блогер, жазушы және «Книголюб» журналының баспашысы, 2019 жылы өзінің елу жылдық мерейтойын атап өтеді.

Кітаптың сюжеті студиялықтардың келесі қоятын спектакліне негіз болмақ, ал олар өздері пьесаның қосымша авторлары болады. Балалар сюжетке жан-тәндерімен беріліп кетті, бас кейіпкер Батуды олар біздің сахналық қойылымымыздың кейіпкері Алдар Көсеге ұқсатты.

«В поисках Золотой чаши» кітабының кейіпкері – қарапайым қалалық бала. Бір жағдайларға байланысты ол қызықты әрі қауіпті оқиғаларға тап болады. Массагеттер ханзадасы – Аспармен бірге олар ертеде жоғалып кеткен, құпияға толы, даналық пен әділдіктің қасиетті Алтын тостағанын іздеуге аттанады.

Балалар кітап кейіпкерлерін не күтіп тұрғанын шығарманы аяғына дейін оқығанда білетін болады.

Қыс мезгілі ғажайып бір ертегі іспеттес, әр аулада сиқырлы таяқшаның бір сәтінен пайда болғандай, қар адамдары — Аққалалар пайда болады. Балалардың жақсы көретін Аққаласыз қандай қыс болады?

18 қаңтарда аталып өтетін Аққаланың мерекесінің бар екенін сіздер білесіздер ме? Бұл күнді ойлап тапқанда, басқа да қаңтардағы мерекелермен сәйкес келіп қалмайтындай етуге тырысқан. 8 бен 1 сандары сыпырғышпен тұрған аққалаға ұқсайды, сондықтан да оларды есте сақтау қиын емес. Мерекені немістің аққаланың коллекциясын жинаушысы Корнелиус Грэтц ойлап тапқан.

Міне осылайша, біз 18 қаңтар сенбілік үйірмемізді Аяз атаның бас көмекшісінен бастауды жөн көрдік. Біз аққаламызды оригами техникасымен жапсырдық. Сонымен қатар Аққаланы тұзды қамырдан, ермексаздан, басқа да қолда бар материалдардан, мысалы, пластик қасықтан жасауға болады, тоқуға, фетрдан тігуге, аппликация техникасымен жасауға болады. Фотосуреттерден олардың қалай шыққанын қараңыздар.

Аққаланы жасап және де оған өзіңнің тілегіңді айтсаң, орындалады дейді. Сіздер де қыс қызығын тамашалауға уақыт табыңыздар, өздеріңіздің аққалаларыңызды жасаңыздар.

Бұл күнді бізбен бірге атап өте алмасаңыздар, көңіл-күйлеріңізді түсірмеңіздер, Украинада, Ресейде және Белоруссияда тағы бір Аққала күні бар, ол — 28 ақпан.

Демалыстарыңыз сәтті өтсін!

8 қаңтарда кітапханада «Рождестволық отырыстар» фольклорлық мерекесі ұйымдастырылды. «Сундучок историй» театр студиясының балалары көрермендерге артхаус стилінде театрландырылған қойылым ұсынды.

Рождество – өзінің салт-дәстүрлері бар жарқын мереке. Ерте заманнан бастап бұл мерекеге бүкіл отбасымен дайындалған: үйге толық тазалау жұмыстарын жүргізеді, шыршаға ойыншықтар жапсырады. Сонымен бірге, бәліштер пісіріп, шыршаны дәмді тоқаштармен, алтын жаңғақтармен, тіпті, алқызыл алмамен безендірген.

Өкінішке орай, қазір бұл дәстүр — рождестволық шыршаға тәттілер ілу, тіпті, әндермен, әзілдермен, қызықты әңгімелермен, ойындармен шыршаны айналу да ұмыт болып барады.

Біздің жас әртістеріміз мерекелік ауа-райын орнатуға тырысты, оның өткізілу ерекшеліктері мен ұсақ-түйегін айтып өтті. Оған көрермендер де атсалысты, шыны керек, өте ұялды, мүмкін, сөйлейтін Аюды, Итті, Әтешті және Домовенок Кузяны көру жат болған болар. Бәрінен де нағыз періштенің пайда болуы бәрін таңқалдырды. Ол маңызды нәрселер айтты: Рождество мерекесі барлық мерекелердің атасы екенін, ол сенуге үйрететінін, адамдар айналысындағыларды кешіре білуі, қайғысына ортақтаса білуі үшін және ортасын сүйе білуі үшін жүректі тәрбиелеуге үйретеді.

Денсаулықтарың зор болсын!

Жаңа жылдарыңызбен!

Осындай керемет тілектермен фольклорлық мереке аяқталды, барлық балалар дарынды, ал үлкендер оларды жақсы көреді деген түсінікке сенуге шақырды.

Фото

4 қаңтарда Ы.Алтынсарин атындағы ОБЖК «Девичий мирок» әдеби отырысы аясында «Бірге оқыған қызықты» әдеби әзіл-ысқақ өтті.

Балалар әдебиетінің айрықша тобын балалар өмірінен алынған әзіл-оспақ әңгімелер құрайды. Балалар әзіл-оспағы шығармашылығымен танысу, көбінесе, бастауыш мектептегі оқу сабақтарында өтеді. 1-3 сынып бағдарламаларында К. Чуковскийдің, С. Маршактың, А. Бартоның, Н. Носовтың, В. Драгунскийдің, В. Голявкиннің, Э. Успенскийдің, Г. Остердің және басқалардың әңгімелерімен, ертегілерімен, өлеңдерімен танысуға болады. Балалар оқылымында әзіл-оспақ жазушыларының шығармалары сүйіп оқиды.

Жиналыста қатысушыларға заманауи авторлардың әзіл-оспақ кітаптары ұсынылды: К. Драгунский, А. Вербовский, В. Постников, Т. Крюковий және т.б., сонымен қатар кеңестік әдебиеттің классиктері - Н. Носов, В. Драгунский, В. Медведевтің шығармалары ұсынылды. Қатысушы қыздар бұл авторлардың сүйікті екенін және көңіл-күйді көтеретінін мойындады. Кітап көрмесі кездесуді толықтырып тұрды.

Фото

3 қаңтарда Өнер әдебиеттері бөлімінде алғашқы оқырмандарды барлық балалардың сүйікті жануары көңілді де қызықты торай Хрюша қарсы алды. Өйткені Жаңа 2019 жыл, шығыс күнтізбесі бойынша — Сары жер шошқасы жылы. Осы жылы туылғандар — тіл табысқыш әрі көңілді, жаны жайсаң, ұйымдастырушылық қабілеттерімен ерекшеленіп тұрады.

Міне осылай, Хрюша да жаңа жылдық өлеңдерден, мақал-мәтелдерден байқау ұйымдастырды, өзі туралы жұмбақтар жасырып, күлдіргі әңгімелер айтты.

Алғашқы оқырмандар Настя Китаева, Вика Остренкова, Айбар Карбузов және Алиса Бондаренко болды. Мерекеден естелікке балаларға Хрюшадан сыйлық қалды, олар қажетті және пайдалы заттар: кітапқа арналған белгібаулар, қарындаш ұштағыштар. Ал оригами стилінде жасалған қызықты бұйым жыл бойы көңіл-күйді көтеріп, әрқашан да оларды кітапханада күтетіндерін еске салып тұратын болады.

Фото

Жаңа жыл – үлпілдеген ұлпа қарымен, шырша қылқанының иісімен, әртүрлі ойыншықтар мен жылтырақтармен, әрине сонымен қатар, жаңа жылдық сыйлықтармен көмкерілген жадырап, жарқыраған мерекелердің бірі. Бұл күні балалар да, ересектер де ертегіге сенгілері келеді.

3 қаңтар күні кітапханамызда өткен «Жаңа жылдық кітапхана» алғашқы оқырмен мерекесі осындай ертегіге айналды.

Ғылыми-көпшілік әдебиеттері бөлімінде балалар үлкен қызығушылықпен суретжұмбақтар, басқатырғылар, қыс пен жаңа жыл туралы жұмбақтар шешті, «Что за матушка-зима!» жаңа жылдық виторинасына қатысты.

Ересек оқырмандарға қысқа байланысты сұрақтарға жауап беру ұсынылды: әдеби, жаңа жылдық киімдер мен мереке туралы, табиғат құбылыстары туралы. Оқырмандар үшін кітаптан жасалған шырша мүсіні нағыз тосынсый болды. Албырт аққала барлық оқырмандарды кітаптар мен журналдардан тәтті тағамдар дайындау жолымен танысуға шақырды. Алғашқы оқырмен мерекесінің соңында оқырмандарға фильмдер мен мультфильмдер көрсетілді, оның басты кейіпкері - осы жылдың символы қайырымды торай. Барлық қатысушылар тәтті сыйлыққа ие болды. Ересек оқырмандарға қызмет көрсету бөлімінде қайта тіркелуге келген оқырмандарды кітапханашылар сырнайдың дауысымен қарсы алды, келіп жеткен Жаңа жылмен құттықтады, Рождество мерекесіне арналған «Под сиянием рождественской звезды» көрмесіне назар аударды. Ал кіреберістегі кітап көрмесінде ғажайып Ақшақар барлығын қыс және қыс мерекелері туралы өлеңдер мен әңгімелер оқуға шақырып тұр. Шығармалар осы мезгілді әртүрлі қырынан көрсетеді: кейбір авторлар қыс пен оның қайталанбас сұлулығына тәнті болса, ал кейбіреулер бұл мезгілдің тек қана суықтығы мен ауырлығын байқайды. Бұл туралы көрме жанында оқырмандарға айтылған қысқа шолуда айтылды, ол жерде қыс мезгіліне деген ойлар да айтылды, викториналарға қатысты, естелелікке тілек жазылған ашықхаттар алды.

19 желтоқсанда кітапхана қабырғасында танго әуені қалықтады.

«Әлемді таңғалдырған танго» - Қостанай құрылыс колледжінің 1 курс студенттері мен Ш.Қабылбаев атындағы ҚР ІІМ Қостанай академиясының курсанттарының жүректерін тебірентті.

Халықаралық танго күніне арналған іс-шараны «танго королі» Карлос Гардельдің еліктіргіш дауысы ашты. Сазды сағаттың жүргізушілері әдемілікке тек қана жүрекпен жақындау керек дегенді баса айтты.

«Аргентинского танго», «Кумпарсита», «Рио-Рита» сияқты атақты әуендерді Қостанай музыка мектебінің оқытушысы Марина Георгиевна Романова орындады. Кітапханамыздың белсенді оқырмандары, әрі еріктілері – Анастасия Лодяная мен Валерия Дзюбаның орындауында танго стиліндегі билерді тамашаладық. Әрине, барлығын таңқалдырғаны Қостанай педагогикалық колледж студенттерінің орындауындағы жұппен биленген танго болды.

Тангоның пайда болу тарихы мен қалыптасуы, оның әлемде салтанат құруы 30 минутта біздің қонақтарымыздың көз алдынан бұлбұлдай ұшты. Бір сәттей көрінері анық. Бірақ, осы сәтте «танго королі» Карлос Гардельдің жанкүйерлері мен осы биді құрметтейтіндер саны әлдеқайда көп болды.

Фото

15 желтоқсанда «Сундучок историй» студиясының балалары «Уақыт бойынша саяхат» жасады. Олар Анастасия Серикова басқаратын театр студиясының қонағы болды. Арт-хаус стиліндегі «Уақыт бойынша саяхат» спектаклі Қостанай облыстық достық үйінде өтті. Қойылым өзі қарапайым әрі ықшам болғанымен, оқиғаның және қимял-қозғалыс қатысушыларының санының көптігімен біздің әртістеріміздің ой-өрістері мен жүректерін жаулап алды. Студиялықтарға бәрінен бұрын спектаклдің интерактивті бөлімі қатты ұнады, өйткені онда өздері де қимыл-қозғалысқа қатысты. Балалар ежелгі тайпалардың басшысымен биледі, Египет ханшайымы Клеопатраға арнап пирамидалар құрастырды, ортағасыр перілерін құтқарды. Бірнеше тарихи оқиғалар бір мезетте өтіп кетті, тіпті, 2221 жылға да көз тіктік.

Анастасия Серикова да балалардың жетістіктеріне таңқалды, ол студияларды достастуға шақырды. Осылайша, саяхаттың жалғасы болатын болды.

Фото