2007 жылдан бастап Қазақстанда «Бір ел – бір кітап» акциясы өткізіліп келеді. Акцияның міндеті – қазақ әдебиетін насихаттау, оқу ісін ілгерілету, рухани мұрамызды сақтау, сондай-ақ жастарды отаншылдыққа әрі өнегелілікке тәрбиелеу. Биылғы жылы қазылар алқасының шешімімен үш кітап таңдап алынды: Немат Келімбетов «Үміт үзгім келмейді», Бауыржан Момышұлы «Ұшқан ұя», Шәкәрім Құдайбердіұлының шығармалары.

24 қазанда ғылыми-көпшілік әдебиеттер бөлімінде Қостанай педагогикалық колледжінің 1 курс студенттері үшін Ш.Құдайбердіұлының «Үш анық» шығармасы бойынша талқылау-кездесуі өткізілді. Шәкәрім – философ, ойшыл, тарихшы, ақын, Абай мұраларының рухани мұрагері. Талқылау кезінде «Көзқарас» стратегиясы қолданылды. Студенттер еркін түрде осы философиялық шығарма туралы өз көқарастарын білдірді. Оларға жазылған анықтарды анықтауға КМПУ-нің қоғамдық тәртіп, құқық және экономика негіздері кафедрасының аға оқытушысы, педагогика магистрі Бухметова Анар Аманжолқызы көмектесті. Шәкәрімнің айтып кеткен анықтары өткен ғасырда да, қазір де өзекті деген тұжырымға келді.

Фото

2018 жылдың 24 қазан күні Дарынды балаларға арналған мектеп-интернатының 5-сынып және тәрбиешілері кітапхананың өнер бөліміне саяхат жасады. Біз танысу барысында балаларға Ы Алтынсаринның биылғы жылы Қыздар қолөнер училищесіне 135 жыл толғанынын айтып, заманауи қолөнерлері көрсетілді.Сондай-ақ әр түрлі өнер түрлерін үйренгісі келетінін балалар мен тәрбиеші Әбенова Нүргүл Шаймерденқызы осы қолөнерін түрін үйретуімізді сұрады. Өнерден ләззат алған оқушылар алда осындай кездесулерде кездесуді бірге өткізуді жоспарлады.

Фото

23 қазанда «Оқы және саяхатта» жалпы атауымен Жастар кітабы күні өткізілді, ол Ұлыбританияға арналды.

Ғылыми-көпшілік әдебиеттер бөлімінде Қостанай бытсервис колледжінің студенттері үшін Лондон және оның аймағы бойынша виртуальді саяхат жасалды.

Кітаптардың жан-жағына орналасқан Лондонның көрнекті жерлері Тауер ғимаратының, Стоунхэндждің, Биг-Беннің, Шолу дөңгелегінің макеттері мен журналдардан алынған мақалалар студенттердің қызығушылығын тудырды. Студенттер кітапханашының хабарламасынан «Лондонның көзіне» айналған шолу дөңгелегінің биіктігі 135 метр екендігін, уақытша пайдалануға салынған құрылыс (Эйфел мұнарасы сияқты), бірақ туристер мен жергілікті тұрғындар аса танымалдылықпен пайдаланғандығы туралы білді. Ежелгі құрылыс Стоунхендж туралы көптеген сұрақтар туындады.

Залда «Grand Luxe» тілдер орталығының оқытушысы Жанара Туякбаева ұсынған «Ағылшын бұрышы» ұйымдастырылды. Ол ағылшын тілінде викторина мен интерактивті ойын өткізді. Мектепте ағылшын тілі сабағында өткізілсе де, атақты көрнекті жерлер Шекспир театры, Вестминстер сарайы, Винздор қамалы, Гайд Парк және басқалар туралы көптеген сұрақтар қиындық туғызды. Англияда дәсүрге айналғандай, кітапханада да сағат бесте five-o'clock ұйымдастырылды. Балалар ескі дәстүр бойынша шай ішіп, еркін әңгімелесіп қана қойған жоқ, Шерлок Холмстің айлалы сұрақтарына жауап берді. Сонымен қатар тілдер орталығының менеджері Валентин Владимирович Мордовскийге көптеген сұрақтар қойылды.

Қатысып отырғандар заманауи қоғамда ағылшын тілі сабағынсыз болмайды деген тұжырым жасасты.

Дәл осы күні көркем әдебиеттер бөлімінде Осы күн аясында Ұлыбританияның жазушыларының шығармашылығына арналған іс-шара өткізілді.

Ағылшын әдебиеті — бұл әдебиет тек қана Англияның жазушыларын ғана емес, сонымен қатар барлық Ұлыбританияның аймағын қамтиды, олардың қатарына Уэльс, Шотландия және Солтүстік Ирландия кіреді. Бұл - сан ғасырлық тарих, жарқыраған авторлар, ұмытылмас шығармалар, ұлттық мінездің ерекшелігін айқындау. Әлемді Д. Чосердің, У Шекспирдің, Ч.Диккенстің, О. Уайльдтың және тағы басқалардың шығармаларынсыз елестету мүмкін емес.

Льюис Кэрролдің жазған «Алиса в стране чудес» кітабының жарыққа шыққанына 153 жыл. Залда оқырмандарды қуыршақ Алиса қарсы алды, кітап инсталлияциясы безендірілді, осы кітап бойынша сұрақтар қойылды.

«Read and travel» кітап көрмесіне жеткіншек оқырмандарға арналған Англияның ежелгі классиктерінің және Ұлыбритания жазушыларының әдебиеттері қойылды. «Ежелгі Англияның сиқырлы әлемі» және «Әлем ағылшын жазушыларының көзімен» көрмесі Шекспирден Конан Дойлға дейінгі, Джейн Остиннен Джоан Роулингке дейінгі және басқа да әйгілі авторлардан тұратын 6 бөлімнен тұрды.

Біз «Лондон» десек ойымызға бірден Тюссо ханымның мұражайы түседі. Мұражайдың бас экспонаты Чарли Чаплин болды, сонымен қатар оқырмандар «Тюссо ханымның балауыз мүсіндері мұражайының» сілтемесін көре алды.

Іс-шараға ҚҚСК студенттері қатысты, олар үшін атақты авторлардың кітаптары бойынша шолу мен викторина өткізілді. Белсенді қатысқандары үшін балалар сыйлыққа кітаптар алды. Кездесу көңілді әрі еркін өтті.

Фото

6 қазанда театр студиясының сабағы „Кітап дауысы„ бағдарламасы аясында өткізілді. Балалар С.Бегалиннің „Есеннің кірпісі„ шығармасын оқыды.

Алдымен әрқайсысы шығарманы түсіну үшін өз бетінше оқыды, содан кейін дауыстап, рөлге бөліп оқыды. Балалар бас кейіпкер Есен бе, әлде Кірпі ма екенін анықтады, Есеннің әжесінің сөзіне, Есен не үшін Кірпіге риза болғандығы туралы көп ойланды.

Сапарғали Бегалиннің барлық шығармаларында егер адам табиғатқа қаншалықты мейірімділік көрсетсе, табиғат та одан ештеңе аямайды, ал қатыгездік танытса, кешірмейтіндігін көруге болады. Осы кірпі туралы шағын әңгіме де қалыс қалған жоқ.

Студиялықтар сабақтан жануарларға ғана емес, маңайыңдағы адамдарға, әсіресе, „ерекше қажеттілікке ие балаларға„ қайырымды әрі қамқор болу керек деген тұжырымға келді.

Балалар студияның жаңа қатысушысы Кунцевич Ольгаға сабырлылық пен қамқорлық білдірді, қыздың сабақта болған оқиғаға кірісуі үшін бәрін де жасады. Барлығына қиын болды, бірақ шыдады, анасы Валентина Владимировна түсіністік үшін балаларға риза болды. Сөйтіп Оля жобаның құпия қатысушысы болды. Мүмкін, ол студиялықтардың дайын „жұмыстарын„ бағалайтын болар, „Сундучок историй„ студиясының әрбір қатысушысына үйден С.Бегалиннің „Есеннің кірпісі„ әңгімесін диктофонға жазып және оны әділқазылар алқасына ұсыну тапсырмасы берілген болатын.

2018 жылдың 18 қазанында ғылыми-көпшілік әдебиеттер бөлімінде „Білім ошағы„ пәндер лекторийі аясында №11 мектептің 9 сынып оқушылары «TURGAY DISCOVERY» ғылыми-зерттеу жобасының жетекшісі Дмитрий Борисович Деймен кездесті.

Іс-шара басында балалар Қостанай облысы бойынша саяхат-ойынын ойнады, геоглифтер туралы сұраққа тоқталды. Әрі қарай шақырылған қонақ дүниежүзілік қауымдастық үшін 2007 жылы геоглифтерді қалай ашқандығын айтып өтті.

Дмитрий Борисович балалардың үлкен қызығушылығын тудырған Үштоғай шаршысы туралы кеңінен тоқталып өтті. Геоглифтер — ғалымдарға, тарихшылар мен археологтарға зерттеуді қажет ететін Қостанай облысындағы ғана емес, барлық Қазақстандағы „ақтаңдақтары„ бар қасиетті жерлер.

Фото

15 қазанда ғылыми - көпшілік бөлімінде №155 орта мектебінің 7 сынып оқушыларымен қазақтың белгілі жазушысы, педагогы және ағартушысы Ы.Алтынсариннің «Әке мен бала» әңгімесінің талқылауы өтті. Кездесу басында балаларды жазушының өмірімен таныстырды, білім мен шығармашылық саласында қосқан үлесі жайында сөз қозғалды. Оқушылармен сыни ойлау тұрғысының бір әдісі - кластер әдісі бойынша аталған әңгімені жан жақты талдады. Балалар осы стратегия көмегімен бар қызығушылықтарын танытты: бас кейіпкерлерін анықтау? Мәтіннен қандай детальдар арқылы кейіпкерлердің қарым – қатынасын анықтағанын белгілеу. Кездесуден кейін кітапхана бойынша экскурссия жасалынды.

Фото

«Қызғалдақ тарихы Шаймерденова әңгімесінен» филология ғылымдарының докторы, балаларға арналған кітаптардың авторы Шаймерденова Нұрсұлу Жамалбекқызымен кездесу

11 қазан Ы. Алтынсарин атындағы балалар мен жасөспірімдерге арналған кітапхананың мектепке дейінгі және 1-6 сынып оқушыларына арналған бөлімінің оқырмандары үшін ерекше, қуанышты күн болды. Оқырмандар өздерінің сүйіп оқитын кітаптарының авторы Шаймерденова Нұрсұлу Жамалбекқызымен, ал автор өз оқырмандарымен көзбе-көз кездесе алды. Филология ғылымдарының докторы, балаларға арналған кітаптардың авторы Нұрсұлу Жамалбекқызы өз шығармасын оқыған балалардың қызықтырған сұрақтарына үлкен сүйіспеншілікпен жауап беріп, өз ойларымен бөлісті.Сондай-ақ, балаларға арналған кітаптардың авторы Нұрсұлу Жамалбекқызының алда жарық көрер шығармалары жайында филология ғылымдарының кандидаты Аманжолова Жемма Болатовна үлкен әсермен балаларға жарнамалап, қызықтырып, көп күттірмей оқи алатындарын айтып кетті. Балалар автордың шығармасын оқығаннан кейінгі ұнаған кейіпкерлері жайлы көзқарастары мен ойлары мен бөлісіп, тамаша әсер алғандарын айтып, Нұрсұлу Жамалбекқызына алғыстарын айтып, қимай тарқасты.

Фото

«Өз Отанының патриоты болу – бұл Қазақстанды өз жүрегінде ұстау»

Н.А. Назарбаев

2018 жылдың 11 қазанында «Рухани жаңғыру» Жолдауындағы жаңа үрдістер мен дәстүрлі құңдылықтар: кітапханалық өлкетану» атты облыстық семинар өтті.

Семинарда аудандық балалар кітапханаларының осы бағыттағы ең жарқын тәжірибесі айтылды. Ұзынкөл балалар кітапханасы өз өлкесін көп жылдардан бері зерттеп, сипаттау жұмыстарын жүргізуде. Көптеген жылдар бойы кітапханада Өлкетану материалының көптеп жиналып,ол жүйеленді, өңделді және қазір ауданның тарихын одан әрі ашу үшін зерттеу жұмыстары жүргізілуде. Балалар кітапханасының меңгерушісі Лидия Оттовна Гаубрих саяси қуғын – сүргін құрбандарына арналған "Кінәсіз кінәлілер" атты электрондық естелік лентасын жасау бойынша жұмыстың қалай жүргізілгенін, сондай-ақ "Өз жерімізді танимыз-табиғатты сақтаймыз" атты балалар экологиялық веложарысын өткізу тәжірибесімен бөлісті.

Семинарға қатысушылар Қарабалық ауданының бірегейлігі мен қайталанбастығы туралы аудандық балалар кітапханасының меңгерушісі Рузалия Рашитовнаның баяндамасын тыңдап, білді. Мұнда балалар белсенді тыңдаушылар ғана емес, іс-шаралардың толыққанды қатысушылары болып табылатын жұмыс түрлерін пайдалана отырып, өз өлкесінің тарихын зерттеуге көмектесетіндігі, оған,мысалға, балалар мен жасөспірімдер өте жақсы көретін ойын-түрі квест ойының атап кетті. Квест қатысушылары Қарабалық көрікті жерлеріне саяхат жасаған.

Қызықты жоба Қостанай қ. А. С. Пушкин атындағы қалалық балалар кітапханасында да "Оқитын қала-гүлденген қала" деген атаумен жүзеге асырылуда.

Амангелді аудандық балалар кітапханасының кітапханашылары ұлттық салт-дәстүрлерді өскелең ұрпаққа сақтауды және дәріптеуді өз парызы деп санайды. Бұл міндет көп жылдар бойы өткізіліп келе жатқан "Алтын сақа" байқауында өз нәтижесін көрсеткен. Осы байқауға 5 жастағы ұлдар, аудандық және ауылдық округтердегі бала бақшалардың тәрбиеленушілері қатысады. Жас қатысушылар 5 турдан өтеді, онда олар өздерін таныстырады, қамшы өреді, өздерінің шығармашылық қабілеттерін көрсетеді.

"Қазақстанның рухани қасиетті жерлері" жобасын құру немесе ғалымдар айтқандай, "Қазақстанның киелі географиясы" – "болашаққа көзқарас: қоғамдық сананы жаңғырту" бағдарламасының басым міндеттерінің бірі. Қостанай облыстық тарихи-өлкетану мұражайының ғылыми хатшысы Омарова Күләш Нұрашқызы семинарға қатысушыларды Қостанай облысының киелі жерлерімен таныстырды. Республикалық және жергілікті маңызы бар объектілер ұсынылды. Қатысушыларды геоглифтердің шығу тегі туралы әңгіме қызықтырды. Сонымен қатар, ақпараттық-библиографиялық бөлімінің басшысы Астафьева Елена Анатольевна "Қостанай облысының киелі жерлері" виртуалды көрсеткішін таныстырды.

Семинардың екінші бөлімінде: Ы. Алтынсарин кесенесіне барғаннан кейін қонақтарды филология ғылымдарының докторы, балаларға арналған кітаптардың авторы Шаймерденова Нұрсұлу Жамалбекқызы мен филология ғылымдарының кандидаты Аманжолова Жемма Болатовнамен кездесу күтіп тұрды. "Ел тарихы кітаптарда, ертегілерде және армандарда" – олардың сөз сөйлеуінің тақырыбы осылай аталды. Семинар қатысушылары ғана емес, кітапхана оқырмандары да осы кездесуден тамаша әсер алды. Кітапхана бойынша экскурсия барысында Нұрсұлу Жамалбекқызы мен Джемма Болатқызы кітапхана оқырмандары жазушымен қарым-қатынас жасауға және авторларға сұрақтар қоюға мүмкіндік алды. Естелік суретке түскілері келетіндерде көп болды.

Семинар бағдарламасы мазмұнды және өнімді болды. Кітапхана мамандары семинардың жоғары ақпараттылығын және алған білімдерінің практикалық маңыздылығын, тәжірибе алмасу және кәсіби құзыреттілікті арттыру үшін осындай кездесулердің қажеттілігін атап өтті.

Фото

9 қазанда Қостанайдағы №14 ЖББМ МАД оқушылары оларды тосынсыйлар күткен Ы.Алтынсарин атындағы балалар мен жасөспірімдерге арналған Облыстық кітапханаға тұңғыш рет келді.

Мектепке дейінгі және 0-6 сыныптарға қызмет көрсету бөлімінде балаларды тышқан Библиоша қарсы алды, оларға кітапхананың қазынасы туралы айтып берді, С.Маршактың өлеңін оқыды, жұмбақтар мен ребустар жасырды. Дұрыс жауап бергендерге сыйлық ретінде бойларымен бірдей текшелер, компьютер мен тіпті демалуға арналған жұмсақ жиһазы, көптеген ойыншықтары бар „Ойын бөлмесінде„ көңіл көтеруге мұмкіндік берілді.

Мұнымен саяхат аяқталған жоқ, балалар Библиошамен бірге көрші „Өнер бөлімінде„ өмір сүретін мейірімді Гуманоидтарға қонаққа барды. Міне, бала қиялының ұшар басы қайда екені. Мұнда ғажайыпты күзгі жапырақтардан, мата қиындысынан, теріден, қағаз бен жіптен, сіріңке мен қарындаштан жасайтын болып шықты. Біздің тұрақты оқырмандарымыздың қолынан шыққан танктер, машиналар, перизаттар, динозаврлар қонақтарды баурап алды.

Балалар өздерін Гуманоидтар сияқты сезініп фотоға түсті. Бұл бір керемет!

Фото

Қоғам қайраткері, Қазақстанның құрметті ұстазы Спандияр Көбеевтің туғанына 140 жыл толуына орай 11 мектептің 8 сынып оқушыларымен «Жазушының шығармашылық бейнесі» атты іс-шара өткізілді. Жазушы әрі ұстаз Спандияр Көбеев — ХХ ғасырдың басындағы еркін әдебиеттің ірі өкілі, тұңғыш роман жазушылардың бірі. Оның шығармалары болашаққа жетелеуші, жастардың сүйікті жазушысы. Кейіпкерлері Қожаш пен Ғайшаның тағдыры жас оқырмандарға үлгі болды. Классиктердің шығармалары төзімділікке, үлкенді сыйлауға, отанына деген сүйіспеншілікке тәрбиелейтіндіктен, қазіргі жастарға да көп септігін типгізері сөзсіз. Балалар мейірімділік пен жауыздық, тәрбиелілік пен сыпайылық жайындағы жазушының мысалдарымен танысты, сұрақтар қойып, оларға жауап берді.

Іс-шара жазушының шығармалары қойылған кітап көрмесі және де презентация көрсетілімімен безендірілді.

Фото