Өнер бөлімі жаңа «МультLoft» жобасын іске қосып жатыр.
Мультфильмдер – бұл, әр баланың соның ішінде болуды армандайтын қызықты әлем. Бұл әлемге өзің мультфильмді жасау арқылы енуге болады. Барлық қатысқысы келетін балаларды қызықты мультипликация әлеміне шақырамыз!
Әр бейсенбі сағ: 11:00 және 15:00
Мекен-жайымыз: Қасымқанов көшесі 74.
тел: 54-11-61
Қостанай қаласының №2 арнайы кешенінің 7-8 сынып оқушылары «Менің Тәуелсіз Қазақстаным» атты интеллектуалды брейн-ринг ойынына қатысты.
Балалар ойынның барлық кезеңдерінен оңай өтіп, республикамыздың тарихы мен мәдениетін білуі бойынша жақсы нәтиже көрсетті. Нәтижесінде достық жеңді.
#балаларжылы
Әдеби күнтізбеде қазіргі таңда кішкентай балалар үшін қалам тербеп жүрген жас талантты қаламгерлердің өлеңдері ұсынылған. Осындай жас заманауи дарынды қаламгерлерді оқырмандар біліп, танып, оқып, жаттап жүрсін деген мақсатта құрастырылған. Күнтізбе бастауыш сынып оқушылары мен жалпы кіші жастағы оқырмандарға арналған.
Құрастырған Зоя Кенжигарина
Суретші Оксана Франко-Косинская
2022 ж.
15 желтоқсанда №24 а мектебінің 4 сынып оқушыларымен «Брейн-ринг» интеллектуалдық сайысы өтті.
Оқушылар ойын тақырыбына сенімді және тарихқа үніліп нақты жауап бере отырып, өз білімдерін көрсете алды. #балаларжылы
Биыл орыс кәсіпкері, меценат, орыс бейнелеу өнері туындыларының коллекционері, Третьяков галереясының негізін қалаушы Павел Михайлович Третьяковтың (1832-1898) туғанына 190 жыл толады.
Мектеп жасына дейінгі және бастауыш сынып оқушылар бөлімінде Қазақстанның Тәуелсіздік күніне арналған «Брейн-ринг» зияткерлік ойыны өткізілді. Ойынның қорытындысы бойынша Қазақстанның тарихы, дәстүрлері мен әдебиетін білуде №1 МЛ 4 «Д» сынып оқушылары жақсы нәтиже көрсетті. Достық жеңді. #балаларжылы
Қостанай облысы әкімдігінің мәдениет басқармасы, Қазақстан Жазушылар одағының Қостанай облыстық филиалы Ыбырай Алтынсарин атындағы балалар мен жасөспірімдерге арналған үздік әдеби шығарма III Республикалық байқауын өткізу туралы хабарлайды. Конкурсқа қатысуға өтінімдерді қабылдаудың басталуы-2023ж. 4 қаңтар, өтінімдерді қабылдаудың аяқталуы-2023ж. 20 наурыз. Байқауға балалар мен жасөспірімдерге арналған бұрын жарияланбаған көркем прозалық шығармалар қатысады. Толық ақпарат Ы.Алтынсарин атындағы Қостанай балалар мен жасөспірімдер кітапханасының сайтында берілген. (ережеге). Қосымша ақпарат: 87142 54-27-44 (кітапхананың қабылдау бөлімі), 87142 54-11-61 (Шалғымбаева Шынар Төлегенқызы) телефондары бойынша.
Халықаралық ынтымақтастық аясында Ресей Федерациясы, Қорған қаласының В. Ф. Потанин атындағы облыстық балалар мен жасөспірімдер кітапханасымен 9 желтоқсанда "Біз сіздің қалаңызды білеміз" онлайн ойыны өткізілді.
Біздің қаламыздың және кітапхананың намысын № 1 мектеп-лицейдің жетінші сынып оқушылары қорғады. Балалар дайындыққа өте байсалды қарап, бірнеше апта бойы олар Қорған облысының тарихын, географиясын, әдебиетін және көрнекті тұлғаларын зерттеді.
Ойын басталғанға дейін сезінген шиеленістерге қарамастан, ойынның өзі күткендей өте қызықты,тартымды өтті. Екі топта бір-бірінен кем түспеді. Біздің балалар Қорған туралы сұрақтарға жауап берді, өз кезегінде Қорған балалары Қостанай туралы сұрақтарға жауап беріп отырды. Әрине, екі жақтан да қате жауаптар болды, бірақ балалар көптеген қызықты нәрселерді білді.
Барлығы ойынға риза болды. Қорғанмен онлайн іс-шара екінші рет өткізіліп отыр.
Сәлеметсіздер ме, құрметті оқырмандар! Әдеби бағдарлама аясында сіздердің назарларыңызға «ОТБАСЫ хрестоматиясы жобасы» шеңберінде басылып шыққан кітаптар топтамасын ұсынатын боламыз. Жобаның авторы - Абзал Құспан. Жинақтарда әлем классиктерінің шығармаларының қазақ тіліне аударылған шығармалары берілген. Бұл шағын кітапшалар әсем бейнеленген, қаріп түрі ірі, анық. Мысалға алатын болсақ, Тургеневтің "Муму" шығармасы, Дефоның "Робинзон Крузо" шығармасы. Қазақ тілді оқырмандар үшін, әлем жазушыларының шығармаларымен танысуға мол мүмкіндік. Сондықтан да, кітапханаға келіңіздер, оқыңыздар.
7 желтоқсанда Ересек мектеп оқушылары мен жасөспірімдерге қызмет көрсету бөлімінде «Алтынсарин кездесулері» жобасы аясында жазушы, ағартушы-ұстаз Ы. Алтынсариннің өмірі мен шығармашылығына арналған «Ұлт ұстазы» брейн-ринг ойынының 2 кезеңі өткізілді. Сайыстың бірінші бөлімінде жеңіске жеткен қаламыздың М. Хакімжанова атындағы №20 орта мектебі мен №10 жалпы білім беретін орта мектебі кездесті. Ойын 6 кезеңнен тұрады. Ойын барысында қатысушылар ұлт ұстазының шығармашылығына, өміріне қатысты сұрақтарға жауап берді, өлеңдерімен танысып, Ы. Алтынсариннің авторлық жұмбақтарын шешіп, мақалдарының жалғасын тапты.
Сайыс қорытындысы бойынша М. Хәкімжанова атындағы №20 мектебі жеңіске жетті. Оқушыларды ойынға дайындап, серіктестікке көмек көрсеткен мұғалімдер де алғыс хатпен марапатталды. Зияткерлік ойын оқушылардың да, ұстаздардың да көңілінен шықты
