Мүмкіндігі шектеулі жандар туралы хабардар болу онкүндігі аясында № 15 балабақшаның "Солнышко" жоғары тобының балаларымен "Біз әртүрліміз, бірақ құқықтарымыз тең" атты талқылау өткізілді.

Балаларға ерекше көңіл бөлуді, қолдауды және көмекті қажет ететін балалар мен ересектер туралы айтылды. А.Бартоның «Вовка – мейірімді жан», «Кейде адамдар өте қатал», «Бірақ біз мейірімді болайық» өлеңдерін оқып болған соң, балаларға өз қолдарымен «Мейірімді жүрек» ашықхатты жасап, олар қалаған адамға, мейлі ол тәрбиеші болсын, мейлі ата-ана болсын, сол арқылы өздерінің қамқорлығы мен жылулығын көрсету үшін ашықхат беру ұсынылды.

Осылайша, өткізілген іс-шара балалардың жанашырлығы мен әсерленушілігін, мүгедектерге көмектесуге деген ұмтылысын тудырды. Бұл іс-шара балалардың адамгершілік қасиеттерін дамытады және тәрбиелейді: мейірімділік, жанашырлық, мүмкіндігі шектеулі жандарға көмекке келуге деген ұмтылыс.

#марафондобрыхдел #zhanashirzhurek

Назарларыңызға «Әдеби өлкетану» айдарынан жаңа автор – өмірді, жақындарын, туған жері Қостанай өңірін сүйген ақын, жазушы Мәриям Хакімжанованы ұсынамыз. Бірақ оның тағдыры оңай болған жоқ, өмір бұл нәзік әйелді үнемі күшке сынады.

Қыдыр ата бүкіл халықтың қамқоры, оларға жақсылық жасаушы, ырыс, құт, несібе әкелуші, бақыт, береке, өмір сыйлаушы қасиет иесі, Ол Ұлыстың ұлы күнінде әр елге келіп, әр шаңыраққа соғып бата береді.

Василий Верещагин - орыс суретшісі және әдебиетшісі, тірі кезінде шайқас сахналарының суретшісі ретінде танымал болды. Алайда, оның "патриоттық емес" шығармалары көрермендерге жеңіс салтанаттарын емес, қаза тапқан, жараланған, шаршаған сарбаздар болған шайқастардың теріс жағын көрсетті. Суретші тек әскери жорықтарға барып қана қоймай, бүкіл әлем бойынша саяхаттап, болашақ картиналардың эскиздерін әкелді.

Академиялық лицейдің 3-4-5 сынып оқушылары үшін «Менің жүрегімде — менің Қазақстаным» атты тарихи экскурс өткізілді. Балалар «Отан» сөзіне анықтама берді, еліміздің негізгі мемлекеттік мерекелерін атады. Сондай-ақ, «Қазақстан әліпбиде» атты түрлі викториналар мен ойындарға қатысып, жақсы нәтиже көрсетті. Іс-шара соңында «Еркін микрофонның» көмегімен қатысушылар Қазақстанға өркендеу, бейбітшілік пен жақсылық тіледі.

#марафондобрыхдел #балаларжылы #zhanashirzhurek

Қазақ халқының «Жолбарыс пен тышқан» ертегісі қиын-қыстау кезеңде әр адам көмекке келе алатынын үйретеді.

25 қазан Республика күні мейрамының қарсанында «Саған арнадым Қазақстан» атты іс- шара Ы. Алтынсарин ат. мамандандырылған мектеп-гимназия-интернатының 5 және 6 сынып оқушыларына арналып тарихи викторина өткізілді. Кездесудің шымылдығын еліміздің әнұранымен бастап, оқушылар Отан, туған жер туралы өлен шұмақтарымен бөлісіп, викторина сұрақтарына белсенді жауап беріп отырды. #балаларжылы

Кеңес Одағының және қазақ эстрадасының тірі аңызы. Қазақстан Республикасының халық әртісі, Мемлекеттік сыйлықтың иегері, Қырғызстан Республикасының еңбек сіңірген әртісі, Өзбекстан Республикасының еңбек сіңірген әртісі,  көптеген халықаралық байқаулардың жеңімпазы - Роза Қуанышқызы Рымбаеваға 65 жас.

Сіз Лилия Талдың «Тарихтағы оқиғалар» «Самокат» сериясындағы «Мим» кітабын оқыдыңыз ба? Сол серияда француз жазушысы Флор Весконың «Мирелла» атты фантастикалық ертегісі жарық көрді. Бұл аңыздарды және орта ғасыр тақырыбын оқығанды ұнататындарға арналған роман. Кейіпкер – қызыл шашты, сезімтал жетім қыз Мирелла қала тұрғындарына демалыссыз су тасуға мәжбүр, қиындықтарға қарамастан, мұқтаж жандарға көмектесуге дайын. Сонымен бірге ол Өлімді жеңуге күш табады. Кейіпкермен бірге сіз ортағасырлық қаланың тар көшелерін аралап, күн қызған ыстық жолдармен серуендейсіз. Гамель қаласының тұрғындарының тұрмыс-тіршілігін, әдет-ғұрпын үйренесіз. Біз Флор Весконың «Мирелла» кітабын алуды ұсынамыз. Тылсым хикаяны оқу ләззат әкеледі, жүректеріңізді тебірентеді.

Қ.К.Тоқаев биылғы жылдың маусым айында Ұлттық Құрылтайдың отырысында 25 қазан ұлттық мереке – Республика күні болып атап өтілуі туралы ұсыныс айтқан болатын. Мәжіліс депутаттары «ҚР кейбір заңнамалық актілеріне кинематография және мәдениет мәселелері бойынша өзгерістер мен толықтырулар енгізу туралы» заң жобасын мақұлдады.

Осы айтулы күн қарсаңында 20 қазанда кітапханада «Менің елім – менің Қазақстаным» танымдық сағаты өткізілді. Іс-шара мақсаты: Қазақстанның жері, рәміздері, тіл саясаты, тәуелсіздік жолындағы белестерге тоқталып, оқушылардың туған елге деген сүйіспеншілігін арттыру. Туған жеріміздің ұлы тұлғаларының еңбектерімен танысыру. Іс-шараға Ы. Алтынсарин атындағы мектеп-гимназия-интернатының 7-8 сынып оқушылары қатысты. Танымдық сағат барысында Республика күні мерекесінің маңызы туралы айтылды, тарихи викториналық сұрақтар қойылды, қазақ жерінің ұлы ойшылдары туралы қызықты мәлімет берілді, сондай-ақ қатысушылар назарына бейне-ролик ұсынылды, «Суретті жалғастыр» ойыны ойнатылды. Балалар көтеріңкі көңіл-күйде тарады.

#балаларжылы