Күн мен түннің теңеліп, Самарқанның көк тасы еритін мұсылман халқының жаңа жылы Наурыз мейрамы жақындап қалды. Халық Наурызды 14 наурыздан бастап 15 күн тойлаған.

Біздің кітапханада да Наурыз мейрамын тойлау бүгіннен басталды. Бізде бүгін Көрісу күні. 14 наурыз қазақта көрісу күні, амал мерекесі. Бұл күні қазақ халқы бір-бірінің үйіне барып, өкпе-реніштерін ұмытып, бір-біріне жақсылық тілеп жатады.

Іс-шараға Ы. Алтынсарин атындағы мектеп-гимназия-интернатының 6 сынып оқушылары қатысты. Іс-шара басында балалармен Көрісу салтын жасадық. Балаларға Наурыз мейрамы туралы қызықты деректер айтылып, викториналық сұрақтар қойылды. Содан кейін барлық қатысушылар ата-бабалардың салтын еске түсіріп, 1 метрлік киіз үй құрды. Киіз үйдің сүйегін, жабдықтарын еске түсірді. Киіз үйді толық құрып, балалар жасаған істеріне риза болды. Үйдің ішіне кіріп, дәмді бауырсақ пен кәмпиттен ауыз тиді.

Біз оқырмандарымызға жаңа кітап көрмесін дайындадық, бірақ оның орнында кенеттен уақытша портал пайда болды! Сөреде заманауи кітаптардан басқа, біздің ата-анамыз, ата-әжелеріміз оқыған балаларға арналған кітаптар қойылды. Біз бұл порталдың қанша уақытқа созылатынын білмейміз, сондықтан да оны пайдаланып қалуға кеңес береміз! Кім біледі, кенеттен ол жерде болашақтың кітаптары пайда болып қалар?

2023 жылдың 13 наурызында атақты орыс жазушысы Сергей Михалковтың туғанына 110 жыл толады (13.03.1913-08.27.2009). Сергей Михалковтың шығармашылығы бүкіл әлемге танымал. Ол көптеген отандық және шетелдік ордендер мен наградалармен марапатталған, бірақ басты сый – оның таланты мен адамдарға деген сүйіспеншілігінің арқасында лайық деп танылған жалпыхалықтық баға.

Әрқашан ең қымбат сыйлық , ол өз қолынмен жасалынған дүние. Біз кәмелетке толмаған  бейімдеу орталығының балаларымен шеберлік сабақ өткіздік, олар түрлі-түсті қағаздан көлемді гүл жасауды үйренді. Гүлдер әрдәйім  әдемі сыйлық және мерекенін сәні болып саналады.

Әдемі көңіл - күй! - дәл осындай атпен аталған музыкалық мектеп оқушыларының концерті, жетекшілері Судакова Ольга Георгиевнамен өтті!

Жас таланттар, фортепианомен әуен салып, өздерінің тыңдармандарына, естең кетпес қуанышты сәттер сыйлады. Болашақта сәттілікпен жеңіс тілейміз!

Көктемнің алғашқы шуақты күндерімен халықаралық әйелдер мекерекесі 8- наурыз келеді, бұл күні барлық әйел қауымын құттықтау қалыптасқан, құттықтаумен қоса әр-түрлі сыйлық беріледі. Бүгін біз №14 орта мектеп оқушыларымен ашық хат жасадық. Бұндай сыйлық берілген адамға ұзаққа дейін керемет көңіл-күй сыйлайтыны хақ!

Бүгін, келе жатқан мерекеге байланысты, №4 білім студиясының қатысушыларына «Көктем гүл шуағы» атты шеберлік сабақ өткізілді. Өз қолдарымен жасалынған ашық хатты, жақын адамына мейірімін білдіріп, сыйлайды.

Ыбырай Алтынсарин атындағы Қостанай облыстық балалар мен жасөспірімдер кітапханасында Шәкәрім Құдайбердіұлының туғанына 165 жыл толуына орай 27 ақпан күні «Шәкәрім оқулары» республикалық Шәкәрім мұрасын жатқа айтушылардың байқауының облыстық іріктеу кезеңі өтті. Байқауға облыстың түкпір-түкпірінен қатысушылар жиналды. Барлығы 25 қатысушы.

Қазылар алқасының шешімімен Жангелді ауданының  Ы.Алтынсарин атындағы жалпы білім беретін мектептің 7-сынып оқушысы Қосылбек Айша жеңімпаз атанды, (мұғалімі – Сейдахметова Айнұр Жұмабекқызы). 6 наурызда Қосылбек Айша «Шәкәрім оқулары» мәнерлеп оқу байқауының республикалық іріктеу кезеңіне қатысады.

Ұлы Абайға арналған Халықаралық дауыстап оқу күніне "Үндестік"жекеменшік мектебінен 2-сынып оқушылары шақырылды. Балалар ақын мен философтың шығармашылығы туралы білді және балалар өз елінің лайықты азаматы болып өсуі үшін қандай қасиеттерге ие болуы керектігін айтты. Ол қасиеттер мен іс-әрекеттердің барлығын Абай Құнанбаев өз "қара сөздерінде"жазған.Сондай-ақ балалар ақынның шығармаларымен танысып, ақынның сөздерін сезіну үшін барлық балалар кезекпен «Көктем» өлеңін «Жыл мезгілдері» циклынан дауыстап оқыды.

Көктемнің алғашқы күнін Қазақстандықтар «Рахмет» сөзімен қарсы алады. Себебі 1 наурыз -Алғыс айту күні өте терең мағыналы мереке. Алғыс айту күні-еліміздің әрбір азаматының бір-біріне құрмет көрсету күні.
«Кәмелетке толмағандарды бейімдеу орталығының» тәрбиеленушілері үшін «Рахмет еліне саяхат» деген алғыс айту сағаты өткізілді. Балалар «Рахмет» елін аралап, «Сөздерді жалғастыр» «Сыпайы сөздер», "Мұқият болыңыз», «Сұрақ-жауап» деген бірқатар ойындардың тапсырмаларын орындады.
Бейнебаянның көмегімен мерекенің тарихы және дәстүрімен жақынырақ танысып, бір-бірімізге мақтау айтайық атты қызықты бейнебаян тамашалады. Бейнебаян көргеннен кейін балалар сыпайы болу керек деген қорытындыға келді, тек сұрағанда ғана емес, сонымен қатар күнделікті сыпайы сөздерді қолдану, бәріне мұқият болу және үлкендерді құрметтеу керек деп білді. Іс-шара соңында балаларға естелік ретінде жүректі ашықхаттар сыйға тартылды.