Атақты ғұлама жерлестеріміздің ішінде көзі тірісінде – ақ «қазақ Ломоносовы» атанған, ағартушы, жазушы Ыбырай Алтынсариннің алар орны ерекше. Оның даңқы қазақ даласын шарлап кетті. Тобылдың оң жағында өмір сүрген мектеп инспекторы туралы керемет әңгімелер халық санасынан өшпейді. 

Ыбырай Алтынсариннің әңгімелері мен ертегілері -  осы жанрда жазылған көркем қазақ прозасының бастауы болды.

Ол тәрбиелік мәніне қарай таңдап алынған түрлі халықтардың  фольклорын балалардың тіліне жатық етіп жазып шығарды.  Ыбырай шығармалардың тек сюжетін ғана негізге алып, бірақ оған өзінің идеялық көзқарасын қосып отырды. Мысалы, «Золотой чуб» ертегісі орыс халық ертегілерін негізге алса, «Бақытты адам» , «Үш ұры», «Мудрый судья»  ертегілері европалық және шығыс халық ертегілеріне ұқсас.