«Толқында бол» - кітап оқы» деген ұранмен Ы. Алтынсарин ат. ОБЖК-да әдеби «Шығармашылық алаңы» студия аясында тағы да бір кезекті кездесу өтті. Біз «Кітап ғаламы» бойынша маңызды және қызықты саяхатқа аттандық. Өйткені Ғаламда жұлдыз саны шексіз ғой, ал әрбір жақсы кітап сол қолжетпес жұлдызға тең. Балалар ең сүйікті кітаптары туралы қуана-қуана мазмұндап берді, ал қатысушылар бойында сол кітаптарды оқуға деген қызығушылық пайда болды. Студия қатысушыларының толық жиналмағанына қарамастан, достық, жылы жағдайда өте бейнелі де қызықты әңгіме болды.

ФОТО

15 маусым күні Ы.Алтынсарин ат. ОБЖК-да №1 Затобол ОМ-нің МДС (17 бала) және арнайы түзету мектебінің (29 бала) балғындары үшін «Табиғаттың досы бар: ол — сен және мен» атты экологиялық ассорти өтті. Оқушылардың табиғатты тану білімдерін кеңейту және тереңдету, табиғатқа деген ұқыпты көзқарасты қалыптастыру — шара мақсаты болды.

Іс-шара барысында қимыл-қозғалыс ойындары, сондай-ақ зейінділік пен тапқырлыққа арналған ойындар жүргізіліп, экология тақырыбы бойынша бірнеше викторина болды. Балалар үшін табиғат туралы тақырып қасиетті, сондықтан олар берілген ақпаратты қызыға тыңдап, сұрақтарға толық жауап берді. Ойындар мен викторинаға белсене қатысты.

Балалар осы тақырып бойынша өз білімдерін көрсете білді. Олар көптеген кітаптар мен «Геоленок», «В мире животных», «Тошка» журналдарын қарап, экологтердің әнұранын тыңдады және қоршаған ортаны қорғау туралы әлеуметтік роликті тамашалады.

Іс-шара қорытындысында балалар түймедақ гүліне «Жер әрқашан гүлденіп тұрсын, ұзақ өмір сүр, жануарлар азаймасын» деген Жерге арналған тілектерін жазып, жеріміздің қағаз макетін мейірімді тілектер жазылған гүлдерге толтырды.

ФОТО

14 маусым күні ОБЖК-да әдеби «Қыздар әлемі» отырысында «Адал дос пен арам дос» деген тақырыппен оқырман шығармашылығының лабораториясы ұйымдастырылды. Талқыланып, саралану үшін Т. Кудрявцеваның «Принц и нищий» әңгімесі ортаға салынды. Шығарма кездейсоқтықтан таңдалған жоқ: басты кейіпкер Алиса тек ақшаны бағалайтын, одан басқаның маңызын түсінбейтін қыз. Ол сабақ тапсырмаларын көшіріп алу үшін, беске оқитын Лизаны өзіне құрбы етті. Алиса жемістер беріп, кафеге апарып, Лизаның достығын сатып алуға болады деген ойда болды. Ал Лиза Алисаның достығына кәміл сенді. Әңгімені оқып, талқылағаннан кейін, қыздар кейіпкерлердің достыққа деген көзқарастары әртүрлі, білімді ақшаға сатып ала алмайсың, адамдар тек материалдық жағынан емес, рухани жағынан да кедей, не бай болады деген бір шешімге келді. Клубқа қатысушылардың пікірінше, достықтан маңызды ештеңе жоқ. Іс-шара соңында қыздар практикалық жұмыс жасап, сұрақтары берілген, достық туралы шағын әңгімені талқылады және өз достары туралы айтып, «достық» деген сөздің мағынасын ашты, оның заңы мен белгілерін анықтады.

«Досың болған қандай тамаша!» деген тақырыппен Эдуард Успенскийдің 80 жылдығына орай 13 маусым күні Ы. Алтынсарин ат. ОБЖК-да №14 орта мектептің 2,3 сынып оқушыларының қатысуымен іс-шара өтті. Балалар жазушысының кітаптары бойынша, балалар көгілдір вагонға қызықты саяхат жасап, «Қош келдің», «Фотоертегі», «Құлақтандыру» бекеттеріне аялдады. Балалар Успенский ертегілерінің кейіпкерлерімен кездесіп, күткен түрлі сынақтарды орындауға тырысты. Ал соңғы «Музыка» бекетінде мерейгерге сыйлық ретінде «День рождения только раз в году» әнін айтып берді.

ФОТО

12 сәуір күні ОБЖК-да №8 ОМ-тің 1 сынып оқушылары үшін мінез-құлық туралы «Тәрбие — ұлы іс» атты шара ұйымдастырылды.
Балалар жолдорбаларын қажетті және қажетсіз адами қасиеттерге толтырып, орман сүрлеуімен виртуалды саяхатқа шықты. Іс-шара барысында балаларға өмірде не қажет, не кедергі болатыны жайлы шешім шығару тапсырылды.
Залдағы балалар жас ерекшеліктеріне қарамастан белсенді жұмыс жасап, жеке бастарын мысал ете отырып, жақсы және жаман іс-әрекеттердің арасына шек қоя білді. Соңында балалар еңбекқорлық, табандылық, жан жомарттығы сияқты адами қасиеттер өмірде өте қажет деген шешімге келді. Ал сараңдылық, жалқаулық, қырсықтық, сөз тасушылық сияқты қасиеттерді саяхатқа шыққан қиял жолдорбасында қалдырды.
Балалар серіктіріп, біраз шулап алуға мүмкіндік беретін қимыл-қозғалыс ойындарына да қуана-қуана қатысты.

8 маусым күні Ы. Алтынсарин ат. ОБЖК-да №2 ОМ-тің 2 сынып оқушылары «Күлкі әлеміне саяхат» жасап, әзіл-оспақ әдебиеттермен танысты. Кітап оқиғалары арқылы балалар үйде, мектепте кездестіретін жағдаяттар көңілді, әрі ойын түрінде талқыланды. Балалар ойдан шығарылған кемемен «Күлдіргілер», «Саңғырлақтар», «Еріншектер» кемежайларына соға отырып, Күлкі аралына теңіз саяхатын жасады. Іс-шара барысында балаларға өздерінің іс-әрекеттерін жан-жақты бақылауға түрткі болған, «Ералаш» киножурналының бөлімдері көрсетілді. Балалар түрлі әзіл-оспақты оқиғаларға позитивті қарап, физминуттарға қуана-қуана қатысты. Айтылған барлық әзіл-оспақ оқиғалар балаларға қызықты да, түсінікті де болды.

02 және 07.06.2017ж. Ы. Алтынсарин ат. ОБЖК-да «Жолда жүру ережесін білу – бәріне міндет» деген тақырыппен ЖЖЕ байланысты іс-шара өтті. Жолда жүру ережесі туралы балалардың білімін бекіту, оқушылар арасында жол жарақатының алдын алу – іс-шараның мақсаты болды.

№19 және №2 мектеп-лицейдің қатысушылары үшін (72 адам) іс-шара барысында қимыл-қозғалыс ойындары, сондай-ақ есте сақтау, зейінділік қабілеттерін жетілдіруге арналған ЖЖЕ байланысты бірнеше викторина жүргізілді.

ФОТО

5 маусымда Ы.Алтынсарин ат. ОБЖК-да №11 ОМ-тің 2-6 сынып оқушылары үшін екі дүркін «Бейбітшілік пен мейірімділік қаласы — Астана» атты тарихи-биографиялық круиз өтті. Балалар Астананың қалыптасуы туралы кітапханашының айтқан әңгімесін қызыға тыңдап, сұрақтарға бір ауыздан жауап берді және Астана қаласына арналған ән шырқады. Балалар жақсы білім нәтижесін көрсетіп, мемлекеттік рәміздерге қатысты сұрақтарға жауап берген «Қазақстан оқиғалары» атты интелектуалды ойын іс-шараға енгізілді. Кіші сынып оқушылары өздеріне ұсынылған ақпарат бойынша әлі де көп оқу қажет екендігіне көз жеткізді.

ФОТО

Қазақстан Республикасының мемлекеттік рәміздерінің 25 жылдығы мерекесіне орай Ы.Алтынсарин ат. ОБЖК №13 ОМ-тің 1-6 сынып оқушылары үшін «Туым-намыс, ұраным-бірлік, рәмізім-мақтаныш!» атты ақпараттық бағдарлама дайындап өткізді.

Балалар үшін «Бәйге» интеллектуалды ойыны мен патриоттық ойындар дайындалып, «Сәлеметсің бе, Астана», «Отаным менің» деген тақырыптағы видео көрсетілді. Кіші сынып оқушылары үшін ойын деңгейінен өту оңайға соқпады, дегенмен олар аға жолдастарына қарап тырысып бақты, ал олар болса, ойынның барлық сұрақтарына жауап беріп, «Бәйге» ойынын патриоттық ұранмен аяқтады.

ФОТО