Кітапханада Ұлт Көшбасшысы, Қазақстан Республикасының алғашқы президенті Нұрсұлтан Әбішұлы Назарбаев туралы «Біздің президент» атты көрме тұр.

Бірінші бөлімде Президенттің өмірбаянын қазақ және орыс тілдерінде баяндайтын, сонымен қатар Назарбаевқа арналған қазақстандық ақындардың өлеңдері қойылған. Ал екінші бөлім Нұрсұлтан Әбішұлының Елбасы дәрежесіне жету жолын және еліміздің тәуелсіздік жолында қалыптасу тарихын ашады.

Көрмені рәсімдеуге біздің оқырмандар атсалысты. Әрбір оқырман Президентке арнап түрлі-түсті жапсырмаға ақ тілектерін жаза алды. Нәтижесінде, Нұрсұлтан Әбішұлына денсаулық пен сәттілік айтылған игі тілектер көрмесі пайда болды.

Фото

Биыл ғалым, этнограф, ағартушы-педагог, жазушы, фольклоршы, қоғам қайраткері Ы.Алтынсариннің туғанына 175 жыл. 28 қарашада «Ұлы оқырман» атты «оқырман портреті» формасындағы іс-шара өтті. Іс-шараға ҚҚКСК-нің 1 курс студенттері қатысты. Ы. Алтынсарин қазақ-орыс мектептерінің, мектеп кітапханаларының негізін қалап, «Қазақ хрестоматиясын» құрды. Көрермен алдына ағартушы-педагог оқырман ретінде танылды. Ы.Алтынсариннің өмірлік формуласына айналған «Адамзаттың бүкіл өмірі кітапта дәйекті түрде жинақталады» деген, А. И. Герценнің сөздері оқылды. Ы.Алтынсарин К.Д.Ушинскийдің «Балалар дүниесі» кітабын аударып, оның ойларына жүгінді. Осыдан Ы.Алтынсариннің қаламгерлік қызметі басталады. Ол А.С. Пушкиннің, Навойдың, А.И.Герценнің, Фирдоусидің және т.б. кітаптарына педагог ретінде көбірек назар салған. Қатысушылар Ы.Алтынсарин білім алудың қажет екенін ашып көрсеткен «Кел, балалар, оқылық!» өлеңін мәнерлеп оқыды. Іс-шара барысында «Ыбырай Алтынсарин – ұмытылмас тұлға» атты фильм көрсетіліп, Ы. Алтынсарин туралы, және ағартушы оқыған әлемдік орыс және шетел әдебиеті классиктері кітаптарына әдеби шолу жасады.

Фото

Тәуелсіздігіміздің 25 жылдығына орай «Ядросыз Қазақстан» атты бейбітшілік сабағы өтті. Іс-шараның мақсаты экологиялық проблемалар адамзатқа қауіп-қатер ететінін түсінуге ықпал ету, ұрпақ санасында бейбітшілік ұғымының терең қалыптасуына жол ашу, оқушыларға ядролық сынақтардың қорқынышты зардабын көрсетіп, ядролық қарудың адамдарға тигізер зардабы туралы айта отырып ой - өрісін кеңейту және Қазақстан қашанда ядросыз әлемді қолдайтындығы жайлы және экология тақырыбында әдебиетті насихаттау.

Қатысушыларға ядролық қару сынағы туралы көрсетілген бейнероликтер өте күшті эмоциялық әсер етті.

Іс-шараға 11 мектептің 6 сынып оқушылары қатысты.

Фото

Қазіргі таңда «Президент» сөзінің тұжырымдамасы туралы білмейтін жанды табу қиын. Тұңғыш президент туралы іс-шара жүргізе отырып, біздер кітапханашылар Қазақстан Республикасының Тұңғыш Президенті Н. А. Назарбаевтың Тәуелсіз Мемлекетті құру мен дамытуда тарихи рөлін көрсетуге тырыстық. Іс шараға 1 мектептің 3б сыныбы қатысты.

Фото

Қазақстан Республикасының Тәуелсіздігін мерекелеуіне байланысты мектепке дейінгі және 1-6 сынып оқушыларына қызмет көрсету бөлімінде «Бірлік пен Жасампаздықтың 25 жылы " бағдарламасы аясында «Менің құқым» атты пікір-әңгімелеу ойыны өтті. Іс-шараға №11 мектебінің 4 сынып оқушылары қатысты. Балалар өз құқықтары жайлы әңгіме жүргізіп,ертегі мен ертегі кейіпкерлері жайлы жағдаяттарды шешіп,әр түрлі мысалдар келтірді. Кездесу соңында «Бала құқығы» туралы дайындалған бейнебаяды көрді.

Тәуелсіздігіміздің 25 жылдығына орай мектепке дейінгі және 1-6 сынып оқушыларына қызмет көрсету бөлімінде «Өзіңді мақтан тұтам, Қазақстан» атты квест-ойыны өтті.Қатысушылар: "Тарихи", "Этно", "Азаматтық" және "Мерекелік" атты 4 аялдамалар саяхат жасады. Саяхат барысында бір аялдамадан келесі аялдамаға өту үшін әртүрлі күткен тапсырмаларды орындап,тақырыпқа байланысты артефакт жинады.

«Тарихи» аялдамада балаларды қызықтыру мақсатында археологиялық тұрақтар макеті құрылып,онда олар уақытша археологтар болып,қажетті артефактілерді табу үшін қазба жұмыстарын жүргізді.Қатысушыларға қазба жұмыстарының ұнағаны соншалық,олар толығымен өткен мен осы кезеңінен сиқырын сезініп,ізденді.

«Этно»аялдамасында балалар мәтіндегі сөздердің көмектерімен Қазақстанда тұратын әр түрлі халықтарға тиесілі заттарды іздеді. Дұрыс жауап үшін көтермелеу ретінде мағынасы жағынан тура келетін шатасқан әр халықтардың мақал-мәтелдерін табу тапсырмасы берілді. Тапсырмаларды орындап, олар келесі аялдамаға аттанар артефакті тауып,алдағы аялдамаға өтті.

«Азаматтық» аялдамасында қатысушы топтарға авторы жасырынған және бұзылған құқығы жайлы жасырынған шығармалардан үзінді талдау ұсынылады.

Барлық тапсырмаларды орындап,балалар Қазақстанға көптеген жылы сөздер мен тілектерін тілеп,алған артефактілерімен саяхаттарын жалғастырады.

«Мерекелік» аялдамасында оқушыларды дәстүрлі асық ойыны мен шашу күтті.Барлық ниет білдірген балалар «Қара жорға» биін билеп,квест-ойынды бекіту үшін 25 сұрақтан тұратын «Бәйге»ойыны ойнатылып,Отандары Қазақстан жайлы жақсы білімдерін көрсетті.

Табылған артефактардың көмегімен Тәуелсіз Қазақстанның символы анықталды.Соңғы аялдамадан кейін еліміздің тарихынан сыр шертетін кітап көрмесіндегі Қазақстан картасының макетіне еліміздің болашағына,туған күніне,барлық қазақстандықтарға арнаған тілектерін жазған қағаз жүрекшелерін жапсырды. Іс-шара аяқталғаннан кейін кітапханашылардың қызықты және танымды ойын өткізгендері үшін барлық қатысушылар алғыстарын білдірді.

Фото

18 қарашада Ы. Алтынсарин ат. балалар мен жасөспірімдерге арналған облыстық кітапханада «Біз қалаңызды жақсы білеміз!» атты төртінші зияткерлік ойын өтті. Бұл жолы Қостанай командасы, № 18 мектеп-гимназияның 7 сынып оқушыларының қарсыластары Пенза қаласының оқушылары болды. Қостанай оқушыларына біраз еңбек етулеріне тура келді, себебі Пенза қаласының тарихы сонау 1663 жылдан басталады ғой! Атақты әскери хирург Н. Бурденко және ұлы орыс ақындары мен жазушыларының М. Лермонтов, А. Куприн, театр өнерінің жаңалық табушысы В. Мейерхольд сияқты отаны; орыс циркінің отаны, әлемдегі жалғыз Бір суреттің мұражайы, Пенза өлкесі туралы – осының барлығымен, оқушылар ойынға дайындық барысында білді, таныды. Пензалық балаларға да біздің өлкеміздің тарихы қызықты болды деп, ойлаймыз, олар қостанайлық көрнекті ағартушы – Ыбырай Алтынсарин, Шоқан Уәлиханов, өлкеміздің маржаны – Наурызым қорығы жайлы, қаламыздың ескерткіштері жайлы көп мәлімет білді. Ойын серпінді және қызықты өтті, ойынға қатысушылар өз білімдерін одан әрі тереңдетуге жақсы мүмкіндік алды.

Фото

Облыстық Ыбырай Алтынсарин атындағы кітапхана қабырғасында ұлы ағартушы, педагог, жазушы, балалар әдебиетінің атасы Ыбырай Алтынсариннің 175 жылдық мерейтойына арналған іс-шара өткізілді. Іс шараның басты жаңалығы жерлес ақын жазушымыз С. Оспановтың «Сөнбес шырақ» атты кітабының тұсаукесері. Бұл кітаптың ерекшелігі ұлы ұстаз Ы. Алтынсариннің тұлғасы, дүниетанымы, шығармашылық қырлары, ақындық ортасы, ақынның шәкірттері, зерттеушілері, жанашырлары, үш жұрты – өз жұрты, қайын жұрты, нағашы жұрты, жұмбақ қазасы жайында әңгімелерінің жаңаша көзқарасы. Іс-шараға Ыбырайтану саласында қандайда еңбек етіп, өз атынан үлес қосқан қонақтар да қатысты. Отырған қауым жерлес мақтанышымыз - Ыбырай Алтынсариннің тағы бір танылмаған қырынан танып, тереңірек мағлұмат алып, қатысушылар жазушының өлеңдерін жатқа оқыды. Кездесу көркі іс-шараның басты иесі С. Оспановтың қасиетті қара домбырасымен сыйға тартқан әні болды.

Фото

2016 жылдың 6 қазанында Ыбырай Алтынсарин атындағы Облыстық балалар мен жасөспірімдер кітапханасында Ы.Алтынсариннің мұрасын зерттеу бойынша оқушылардың ғылыми жұмыстарының конкурс-конференциясының қорытынды туры өтті.

Бұл байқауды Ыбырай Алтынсарин атындағы облыстық балалар мен жасөспірімдер кітапханасы және «Қостанай дарыны» өңірлік ғылыми-практикалық орталығы ұйымдастырып өткізді. Педагог, этнограф, ақын, аудармашының көп қырлылығы байқауға қатысушыларға, жазушының мұрасынан жаңа мағлұмат алуға, жаңа ой табуға, елінің, халқының мәдениетін, тарихын тереңірек зерттеуге мүмкіндік берді. Байқауға барлығы 25 ғылыми жұмыс жобасы қабылданып, оның 10 финалға таңдалынған еді.

Ғылыми жұмыстар Ы.Алтынсариннің ұстаздық бейнесі, «Қырғыз хрестоматиясының» құрылуы мен мазмұны, педагогтың публицистикалық мұрасы сияқты түрлі тақырыптар ұсынылды. жүлделі орындарға ие болған ғылыми жобалар: «Ибрай Алтынсарин: истоки бессмертия. Литературная деятельность И. Алтынсарина» - Песчанская Ксения, Рудный қ. №17 мектептің 8 сынып оқушысы (3орын). «Ыбырай Алтынсарин әдеби шығармаларының өмірлік құңдылықтары» – Маратова Акжүніс, Рудный қ. №15 мектептің 9 сынып оқушысы (2 орын) . Арқалық қ. Ы.Алтынсарин атындағы 10 сынып оқушысы Ахметсапаева Ақерке «Ы. Алтынсариннің «Қырғыз хрестоматиясындағы балаға ашқан танымдық әлемі» атты жұмысымен байқаудың жеңімпазы атанды. Конференцияға қатысушылар атаулы сертификаттармен және кітаптармен марапатталды.

Фото

016 жылдың 26 қыркүйегінде Анапада «Кітапхана арқылы болашаққа» атты Халықаралық конференция ашылды. 2016 жылы ол «Кітапхана - жастар үшін ұтымды әлеуметтік негіз» тақырыбына арналды.

Бұл конференцияға Абхазия, Қазақстан және Ресейдің 17 аймағынан кітапханашылар қатысып, бес күн бойы заманауи кітапханашылардың алдында тұрған маңызды Кітаптың қызметі, Кітапқа деген сүйіспеншілік жайлы мәселелерді талқылады. Жалпы дүниежүзілік дағдарысқа қарамастан, кітапханалар өз оқырмандары үшін жұмыс істеп тұр. Жастардың кітап оқуын қолдау, кітапханада қандай инновациялық формаларды қолданатындарын, жастарға арналған кітапханалық жобалар жайлы кітапханашылар бір-бірімен тәжірибе алмасты. Біздің кітапханамыздан бұл конференцияға қызмет көрсету бөлімінің меңгерушісі - Шевченко Юлия Борисовна қатысты. Юлия Борисовна кітапханашылар мен оқырмандар кітап оқи отырып, оны талқылайтын «Жажда человечности» әдеби клубының жұмысы жайлы айтты. Конференция ынтымақты жағдайда өткенін және көптеген пайдалы, қызықты ақпараттар болғанын баяндады, болашақта ақпараттарды өз жұмысымызда пайдаланамыз.