3 шілде кітапханада кезекті (осы маусымдағы соңғы) бейнелеу сабағы өтті. Сабақтың тақырыбы: «Жапырақтан жасалған қолтаңба».Бұл сабаққа біздер алдын-ала ағаш жапырақтарын дайындап қойдық. Сол жапырақтардың көмегімен балалар қыстағы не күздегі ертегі орманын жасады. Ал кейбіреулері болса жапырақтардан көрінбейтін ою-өрнек жасады.

Барлығы әдемі де,әсем болу үшін,жапыраққа қалың қылып гуашты жағып,қағаз бетіне жапырақпен қолтаңба қалдырсаң болғаны... суретін дайын.

Осы өткен сабаққа барлығы 15 адам қатысты.

Біздің сурет сабағымыз қыркүйек айында қайтадан жалғасады.

19 маусым күні қалыптасқан дәстүр бойынша жас суретшілерімізбен тағы жүздестік.Осы жолы сабақтың тақырыбы- «Нүкте арқылы сурет салу».Нүктелерді қоса салудың не қиындығы бар деп ойлайсыңдар,бірақ біздің бұл балалар үшін бұндай сурет салу үлкен жетістік. Біз балалар үшін алдын-ала дайындамаларын жасап қойдық. Онда пілдің,қоянның,мысықтың,балалар мультфильмінің кейіпкері-смешариктің,ал ұлдар үшін машиналардың нүктелерін жасап қойылды. Балалар осы нүктелері контур бойынша мұқият ұқыпты жүргізіп қосып,содан оны бояу керек.

Осы күні сурет сабағына 20 адамқатысты,оның 12 бала.

5 маусым күні мүмкіндігі шектеулі балаларға арналған кезекті бейнелей сабағы өтті.Сабақтың тақырыбы-қолтаңба немесе жай сөзбен айтқанда балалар өз алақандарының суретін салды. Алақандарын бояуларға малып,соны ақ қағаз бетіне түсірді,содан кейін ең қызықтысы басталды. Біздің суретшіміз Саша Шурыганың көмегімен балалар қиялдарын жандандырып, әлгі суреттерді әртүрлі жануарлар мен күннің көзіне айналдырып,теңіз тасбақасының және жираф пен сегіз аяқтың да бейнесін жасады.

Сабақ тақырыбы өте қызықты,бірақ өкініштісі сабаққа 5 бала ғана келді.(Артынан естуіміз бойынша кей суретші балалар былғанған немесе кір қолды ұнатпайды екен)).Өкінішті-ақ тақырып өте қызықты еді. Келген біздің суретші балаларымыздың суреттері өте тамаша болып шықты.

Біздің кітапханамызда жаздың екінші күні жаңа модалы флешмоб биімен қоса, жұмбақтар мен әндер,сайыстар мен билер тамаша,қызықты мереке өтті. Осы Халықаралық Балаларды қорғау күніне шақырулар таратылды. Міне сол шақырулардан кейін осы мерекеге үлкендерді қоспағанда 147 бала қатысты. Мереке соңы тамаша көңіл күймен,балалардың сүйікті тәтті балмұздағымен аяқталды.

20 мамыр Ы.Алтынсарин атындағы ОБЖК акт залында «Кітапхана – отансүйгіштік тәрбие орталығы» атты семинары өтті, оған қалалық және аудандық ОКЖ меңгерушілері, облыстық мектеп кітапханалары қатысты. Л.Н.Толстой атындағы ОӘҒК мен Ы.Алтынсарин атындағы ОБЖК семинардың ұйымдастырушысы міндетін атқарды. Л.Н.Толстой атындағы ОӘҒК директоры Г.Г. Казина модератор болды.

Семинарға арналып «21 ғасырдағы отансүйгіштік: бұрынғы және қазіргі тәжірибе дәстүрінде» кітап көрмесі ұйымдастырылып, оған Д.М. Шакарова шолу жасады. Тіркеу мен шолудан кейін семинарға қатысушылар акт залында семинарды жалғастырды. Семинардың алғашқы жартысында баяндамалар тыңдалды:

1. «ХХ ғасыр соңы мен ХХI ғасыр басындағы қазақ диаспораларының тарихын зерттеу мәселелері» - тарих ғылымының кандидаты, А.Байтұрсынов атындағы ҚМУ гуманитарлық – әлеуметтік факультетінің оқу ісі бөлімі деканының орынбасары Исмаилов С. С.

2. «Қазақстандық отансүйгіштікті нығайтудың заманауи әдістері» - Қостанай облысы әкімдігінің ішкі саясат басқармасының қызметкері Мусабаева Ж.К.

3. «Жастар саясаты мемлекеттің әлеуметтік саясатының құрамдас бөлігі» - Жастар саясаты ісі бойынша Басқарма, жастар және жастар ұйымымен жұмыс бойынша бөлім Қарымсақова Д.И.

4. «Қазақстандық отансүйгіштікті қалыптастыруға арналған ғаламтор кеңістігін қолдану» - Қостанай облыстық мәслихатының депутаты Смышляева Е.В.

5. «ЖасОтан» жастар қанатының жобасын жүзеге асыру – «Нұр Отан»ХДП «Жас Отан» жастар қанатының Қостанай қалалық кеңесінің хатшысы Төлетаев Е.С.

6. «Тарихи – өлкетану порталының контентін толықтырудағы кітапхана қорының ролі» - «Қостанай және қостанайлықтар» сайтының әкімшілігі Қозыбаев Арман.

7. «Кітапханадағы отансүйгіштік: құрамдас бөліктері, мәселелері және келешегі » - Ы.Алтынсарин атындағы ОБЖК ғылыми – әдістемелік бөлімінің меңгерушісі Байгенжина С.М.

8. «Кітапханалық ортадағы отансүйгіштік тәрбие» - Меңдіқара ОКЖ қызмет көрсету бөлімінің меңгерушісі Ерсултанова Г.М.

9. «Науырзым ОКЖ отансүйгіштік тәрбие бойынша жұмыс тәжірибесі» - Науырзым ОКЖ директоры Абенова Г.Е.

Ақпараттық мол қоры бар кітапханалар күрделі және әлеуметтік мәні зор міндеттерді жүзеге асыруға ат салысады. Сондықтан да жастардың отансүйгіштік тәрбиесі бойынша сұрақтарды аша отырып, Қазақстанды ұлттық деңгейде қайта өркендету және оның мақсаттарын орындау үшін жағдай жасауға баса назар аударылды: жастар арасында жоғары әлеуметті белсенділікті, азаматтық жауапкершілікті, адамгершілік құндылықты дамыту, рухани бай адамдарды тәрбиелеу. Барлық баяндамашылар осы сұрақтың аспектілеріне, нюанстарына тоқталып өтті, мәселелері, әдістері, жастар саясаты, қолдану, жастар жобасын жүзеге асыру және әлеуметтік саясаттың осы бағытын жүзеге асырудағы кітапхананың ролі туралы сөз қозғады. 7-9 баяндама алдыңғы сөздерді қорытындылап, кітапханалар осы бағытты іс жүзінде қалай жүзеге асыратыны, жастарды отансүйгіштік әдебиетті оқуға қалай тартып, белсенділік пен әлеуметтік отансүйгіштікке қандай әдістер арқылы қызықтыратындықтары туралы айтып өтті.Ғаламтор арқылы Қарағанды облыстық кітапханасымен байланыс орнатты, онда әріптестер осы бағытты жүзеге асыру жолдары бойынша ой бөлісті. Олар үшін отансүйгіштікті насихаттаудың ажырамас бөлігі болып Мемлекеттік рәміздерді оқырмандар арасында көрнекі түрде насихаттауы, Мемлекеттік Ту, Мемлекеттік Елтаңба бейнелері мен Мемлекеттік әнұран мәтіні Ж.Бектұров атындағы облыстық жасөспірімдер кітапханасы мен облыс кітапханаларында ҚР Заңына сай орналастырылуы табылады. Баяндамалардан кейін семинар қорытындысы бойынша пікірталас жүргізілді. Сөз алған кітапханашылар отансүйгіштікті насихаттау бойынша жүргізген жұмыс тәжірибелерімен бөлісті. Соңында мынадай қорытынды жасалды: Н.Назарбаев ұсынған әлеуметтік саясаттың бағыттарының біреуін насихаттап, жүзеге асыру үшін кітапханашылар оқырманға көп ақпараттың ішінен елімізде ауызбіршілік орнатып, халқымызды татулыққа үндейтін ең маңыздысын таңдауға көмектесіп, ел ішіндегі және әлемдегі болып жатқан оқиғаларға байланысты шұғыл көзқарастарын білдіріп, уақытпен қатар жүру керек. Ол үшін бұрынғы, ұмытылған және сирек қолданылатын құралдар арқылы , топтарда жекелеген шығармаларды оқу арқылы, викториналар мен шолулар жүргізу, бір кітаптыңі көрмесі сияқты әдістерді қолдану арқылы өз жұмысын үнемі жетілдіріп отыру керек. Кітапхана қызметкерлері біздің еліміздің тұтастай саясатын көтеру және қолдау арқылы мемлекетіміздің әлеуметтік саясатының осы бағытын жүзеге асыратындықтарына сенімді екендерін айтты.

Ұлы Жеңіс мерекесі қарсаңында келер ұрпаққа ашық аспан, жарқын күлкі, алғашқы махаббат пен шат – шадыман қуаныш, ең сүйікті кітаптар мен міндетті түрде орындалатын армандар сыйлау үшін өмірлерін сарп етіп, сұрапыл күндерді бастарынан өткізген аға ұрпақты еске аламыз еске аламыз. Осындай ержүрек, батыр адамдардың арқасында өміріміз қызықты, керемет, жарқын болып отыр. Ол аңыз адамдардың арасында біздің қостанайлық жерлестеріміз де бар.

23 сәуір күні Ы.Алтынсарин атындағы облыстық балалар мен жасөспірімдер кітапханасында қостанайлық белгілі ғалымдар, саясаткерлер, журналистер ұзақ жылдар бойы тер төккен "Кустанайцы - герои тыла. Личный вклад" кітабының тұсаукесері өтті. Шын мәнінде, бұл құндылығын ауыз толтырып айтатындай үлкен ұжымдық еңбек, өйткені кітапта біздің жерлестеріміз туралы естелік жазылған.

Кітапхана оқырмандары осындай керемет басылымның редакторы Қостанай облыстық ардагерлер кеңесінің төрайымы Вера Григорьевна Семёнованы және кітап кейіпкерлерінің бірі Қазақстан Республикасының еңбек сіңірген дәрігері Көпей Әбдірахманқызы Мальчубаеваны ыстық ықыласпен қарсы алды. Қаламыздың құрметті тұрғындары Вера Григорьевна мен Көпей Әбдірахманқызы балаларға роликтер, айпадтар, 3d фильмдері болмаған, балалар ересектермен бірдей еңбектеніп, күнбағыс тұқымын талғажау еткен тылдағы балалық шақтары туралы айтып берді. Ол кез бақытты болды ма екен? Өз Отанын шексіз сүйетін осындай керемет әйелдердің мейірімді жүздеріне қарап, бұған еш күмәнің қалмайды. Ал біз, құрметті достар, Вера Григорьевнаның арқасында "Кустанайцы - герои тыла. Личный вклад" кітабы біздің кітапханамызда пайда болғанын қуана хабарлаймыз. Ол кітапқа қаншама рухани күш жұмсалғанын сөзбен айтып жеткізу мүмкін емес - құжаттарды дұрыстап, мұрағаттарды көтеру, туыстарын іздеп табу, соның нәтижесінде, сан алуан, бірақ барлығы дерлік қаһарман адам тағдырлары әлемге паш етілді... Мүмкін оның беттерінің бірінде сенің әжең туралы сөз болған шығар?

17 сәуір – мысықтар иттермен, сұсты тигрлер маймылдармен бірлесе жұмыс істейтін, сондай бір жұмбақ кейіппен бос цилиндрден бір құшақ гүл алып шығатын сиқыршы мен күлкіге қарық қылатын сайқымазақтар мекені – халық аралық цирк күні екенін білесіздер ме? Циркке бір рет келген адам сол алған әсерін ұмыта алмай тағы келуге тырысады. Мысалы, бір бала циркті қатты ұнатқаны соншалық, қалай да болса, сайқымазақ болуды армандады. Сосын не болды деп ойлайсыздар? Бір күні орның арманы орындалды! Бірақ ол үшін бала көп оқып, көп үйренуі керек болды. Есейген соң нағыз «Сайқымазақтардың Алтын Тәжіне» ие болып, өз театрын ашты, ал оның артистері кім деп ойлайсыздар, олар кәдімгі... мысықтар. Енді түсінген шығарсыздар, ол кісінің есімі – Юрий Дмитриевич Куклачёв.

Бүгін кешке Ы. Алтынсарин атындағы облыстық балалар мен жасөспірімдер кітапханасының өнер секторына келген балалар атақты сайқымазақтар, аң үйретушілер және танымал цирктер туралы білді, сонымен қатар мынадай қызық мұртты ала артистермен танысты:

Бірде басқа кітапханалардың сайтын қарап отырып,бәріңе белгілі орыстың атақты жазушысы Н. Гогольдің шығармаларының фразаларынан құралған портретті көрдік. Бұл керемет ой бізге де қатты ұнады. Содан біздер де атақты жерлес жазушымыз,ұлы ұстаз ағартушы,киелі шаңырақ кітапханамыздың аты берілген Ыбырай Алтынсариннің портретін осылай жасайық деп шештік. Қалай шыққанын көріңіздер!

15 сәуір күні мүмкіндігі шектеулі балалар Ы. Алтынсарин атындағы облыстық балалар мен жасөспірімдер кітапханасында өткізілген Жердің... мерекесі яғни жердің туған күніне арналған іс-шарасына қатысты. Әдетте дәстүрлі айналған «Happy birthday to you…» әнін айтпасада және туған күнде қойылатын тәтті тортқа қойылатын шырақсызда, шөл қандырар шырынсызда мереке өте жақсы, қызықты өтті. Ормандағы жапырақтардың сыбдырын, тау бұлағының сылдырын, қыр гүлдерін ашық түстерін, құстардың сыңғырлаған дауысын және сәулесін шашқан күнге бетке жылуын шашқанын елестеткенге не жетсін... Міне біз осы кереметтің ортасында өмір сүреміз, бірақ біз осыны бағалай білеміз бе? Дүниежүзілік Жер күні қарсаңында осы жайлы барлығымызға да ойлану керек...

1961 жылдың 12 сәуірінде Байқоңыр ғарыш айлағынан адамзат тарихында (!) ең алғаш боп ғарышқа ұшқан ғарышкер – Юрий Алексеевич Гагариннің басқаруымен «Восток» ғарыш кемесі ғарышқа аттанды. Бұл ғаламат оқиғаны бүкіл дүние жүзі жыл сайын атап өтеді.

Бүгін Ы. Алтынсарин атындағы облыстық балалар мен жасөспірімдер кітапханасының өнер секторында №14 ом екінші сынып оқушылары үшін Дүниежүзілік авиация мен ғарыш күніне орай шығармашылық сабақ өтті. Балаларға Раиса Кирилловнаның тұңғыш ғарышкер Юрий Гагарин туралы және қазақстандық ғарышкерлер – Тоқтар Әубәкіров пен Талғат Мұсабаев туралы әңгімесі қатты ұнағаны соншалық, олар сол сәтте – ақ ғарышқа аттанғылары келіп, қолдан жоғары жылдамдықпен ұшатын қызықты зымырандар жасады:

Бұндай ғажап құрылғымен бүкіл әлемді аралап шығуға болады! Мүмкін сендер де өжет ғарышкер болуды армандап жүрген шығарсыңдар? Олай болса, неге әлі кітапханаға келмей жүрсің? Алыс жұлдыздардың пайда болу құпиясын, ғарыш батырларын, қара саңылаулар жұмбағын, зерттелмеген галактикаларды қамтыған қамтитын тұтас әлем бүгін сені күтеді! Ғарыш кереметін зерттеуге аттанайық!