Кезекті демалыс күндерінен кейін кітапханада біздің жас суретшілерімізбен қайта қуана жолықтық.
20 қарашада өткен кездесуіміздің тақырыбы-«Жұмбақты суреттер»деп аталды.Суретті монотипті техникасы бойынша сиқырлы таяқшамен емес,сиқырлы жіппен салды.
Бұл сиқыр кездесуге келгендердің барлығын таң қалдырды.Балалардың жасаған қолөнерлері рухқа жылы сезім қондырды.Олар көрінбейтін құстар,алтын балықтар,сұлу бұғылар.Алдарыңызда осы ғажайып суреттер...
Кезекті ата-аналар клубының кездесуі «Алақай! Бізде жаңа кітаптар» - деген атаумен өтті. Ата-аналардың назарына ұлдар мен қыздар, үй жануарлар мен ертегі кейіпкерлері және әртүрлі қызықты, шым-шытырман оқиғалар жайында айтылған жаңа кітаптардан кітап көрмесі ұйымдастырылды. Клубқа қатысушылар қуана-қуана, шын ризашылықпен: «Вот это книга», «Пришкольные истории», «Смешные истории», «Тузик, Мурзик и другие» атты жаңа кітап топтамаларымен танысты.
И. В. Корчагинаның басшылығымен құрылған ғылыми қоғам қатысушыларының сұрауы бойынша жаратылыстану пәніне арналған кітаптарға шолу өткізілді. Балалар көптеген суретті безендірілген қызықты, белгілі ғылыми басылымдармен танысты.
2014 жылдың 6 қарашасында облыстың балалар кітапханалары мамандарына арналған «Шектеусіз кітапхана: мүмкіндігі шектеулі балалармен жұмысты ұйымдастыру ерекшелігі» атты облыстық семинар өтті. Семинар жұмысына 27 аудандық, қалалық балалар кітапханаларының мамандары қатысты. Семинарда мүмкіндігі шектеулі балалармен кітапханада жұмыс жасау мүмкіндіктері мен ерекшеліктері қарастырылды. «Қостанай Дарыны» аймақтық ғылыми-практикалық орталығының әдіскері Лимарева Л. В. түрлі дертке шалдыққан балалардың мінез-құлық ерекшеліктері туралы айтып берді. Тактильді кітаптар мен оның түрлері жайлы «Ашық әлем» жастар еріктілер үйі» қоғамдық қорының жетекшісі Кайгородцева Л.А. сөз қозғады. Әлеуметтік қызмет көрсету бойынша Қостанай аймақтық орталығының педагогы Л. В.Распопованың жұмыс тәжірибесі ерекше қызығушылық тудырды. Қолдан жасалған қуыршақтар көмегімен педагог балаларды оқытады, оларға әлеуметтік дағдыларды меңгертеді. Әртүрлі ойыншықтар: сөйлейтін қуыршақтар, саусақтық, буындық қуыршақтар балаларға осы әлемді танып білуге көмектеседі. Он-лайн тәртібінде семинарға қатысушылар алдында Өскемен қаласының А.С.Пушкин атындағы облыстық әмбебап кітапханасы мен А.С.Пушкин атындағы Саратов облыстық балалар мен жасөспірімдер кітапханасының мамандары сөз сөйледі. Өскемен кітапханасының директоры Ақжігітова К. М. мүмкіндігі шектеулі балаларды әлеуметтендіруге бағытталған жаңашыл жобалар туралы айтса, Саратовтықтар «ерекше» балалармен жүргізілетін жұмыс тәжірибесімен бөлісті. Қорытындысында, кітапхана қызметкерлері мүмкіндігі шектеулі адамдар туралы көркем және арнайы әдебиеттерге шолу жасады.
29-шы қазанда Жасөспірімдер кітаптары күніне арналған жыл сайын болатын іс-шара өткізілді. Мақсаты: кітап оқуды насихаттау. Биылғы шара жәрмеңке стилинде өтті. Жылдағыдай бұл күні әр түрлі акциялар жүргізілді. Фойеде оқырмандарды қарсы алып, бөлімдерге шақырды. Сонымен қатар кітап көрмесі ұсынылды. Көрмеде жаңадан түскен кітаптармен таныстырып, қысқаша шолу жасады. Абонемент бөлімінде букенист дүкені жайғастырылды, онда оқырмандар сыйлыққа кітаптар алып, қойылған сұрақтарға жауап берді.
Негізгі іс-шара сайыс түрінде өтті. ҚМПИ студенттері қатысып, әдеби кейіпкерлерін еске түсіріп, өлеңдер оқыды. Сонымен бірге қандай және қай жерде кітап оқуға болатынын белсене талқылады. Мысал ретінде, саяхатқа өзімен бірге туристер анықтағышы мен Есеннинің өлеңдерін, саяжайға Толкиенді, ал тіс дәрігеріне Толстойдың «Война и мирін» алуға болатынын айтты. Кездесу көңілді және еркін өтті.
Оқырман залында «Әдеби жәрмеңке» жазуы ілініп, бірнеше алаңшықтарда ойындар өткізілді. Олар:
22 қазанда «Бір ел – бір кітап» акциясы шеңберінде Сайын Мұратбековтың «Жусан иісі», «Басында Үшқараның» шығармалары бойынша оқырман конференциясы өткізілді.
Мақсаты: ұлттық әдебиетіміздегі ең үздік деген туындыны оқу және насихаттау, оқу ісін ілгерілету, рухани мұрамызды сақтау, сонымен қатар жастарды отаншылдыққа әрі өнегелілікке тәрбиелеу.
Конферецияға 11-ші мектептен 8-9 сыныптың оқушылары қатысты. Жалпы келушілердің саны-15.
Жазушының «Жусан иісі» повесі бойынша сұрақтар қойылып, жауаптары тыңдалды. Оқушылар өз ойларын ортаға салып, пікірталасқа белсенді қатысты. Жазушының бірнеше шығармалары бойынша шағын кітап көрмесі болды.
Көрмедегі жазушының шығармаларына шолу жасалды. Сонымен қатар презентация мен кітап бойынша буктрейлер ұсынылды.
30 қазан Ы. Алтынсарин атындағы облыстық балалар мен жасөспірімдерге арналған кітапхананың 1-6 сыныптарға арналған бөлімінде «Бір - ел, бір - кітап» акциясының аясында Сайын Мұратбековтың «Жусан иісі» шығармасы бойынша ролді саяхат іс шарасы өтті. Шараға Ы. Алтынсарин атындағы дарынды балаларға арналған мектептің 6 сынып оқушылары қатысты. Шара барысында оқушылар автордың өмірбаяны мен шығармасына тоқталып, шығармасын талқылады. Оқушылар іс-шараның талапы бойынша автордың «Жусан иісі» шығармасымен алдын-ала танысып, іс шара барысында повесть бойынша құралған тапсырмаларды орындап, сол шығарма бойынша журналисттер, суретшілер, әдеби және психолог сыншылары болып, шығармаға ролді саяхат жасады. Журналистер басты кейіпкер Аянның ролін сомдап,сол Аяннан тікелей сұхбат алса, суретшілер шығарманы үлкен ватман қағазына түсіріп, салған суреттерін сөйлете білді, ал сыншылар повесті екі жақ болып талдап, ортаға салды. Шара барысында оқушыларды қызықтырған көптеген сұрақтар мен талдаулар көп болды. Шарада қолданылған әдіс түрі оқушыларға қатты ұнап, оқушылар өздерінің актерлік қабілетерін тамаша көрсетті. Шара соңында таңдау бойынша балаларға басты кейіпкерге хат жазу, не шығарманы өз қалауларынша аяқтау жұмысы тапсырылды. Бұл жұмыстың жеңімпаздарын сыйлықтар мен марапаттар күтетіні, сонымен қатар ең үздіктері кітапхананың «Ежик» журналына басылатыны айтылды.
24 қазан Ы. Алтынсарин атындағы облыстық балалар мен жасөспірімдерге арналған кітапханасында бірінші облыстық «Сөз құдіреті» мәнерлеп оқу байқауы өтті.
Балалардың басын біріктірген кітап пен оқу және сонымен қатар өз оқуларымен бөлісуге келгендер үшін бұл күн нағыз мерекеге айналды. Бұл байқауға қалалық және аудандық турдан жеңгендер қатысты. Барлық қатысушылардың саны 21 болды. Байқау аясында қатысушылар өздері таңдаған прозалық шығармадан үзіндіні қазақ немесе орыс тілінде дауыстап оқыды. Байқаудың басты шарты: шығарма мектеп бағдарламасына енбеген болуы керек.
Таңдалған шығармалардың ішінде көркем әдеби сөздің хас шеберлерінің туындылары: Сайын Мұратбековтың «Ананың арманы», Шыңғыс Айтматовтың «Материнское поле», Джеймс Гринвуд «Өгей бала», Владислав Крапивин «Болтик» және т.б. үзінділер оқылды.
Байқауға қатысушыларды білікті әділқазылар алқасы бағалады. Әділқазылар құрамында:қоғам қайраткері, ақын, оқытушы - А. И. Суслова, И. Омаров атындағы облыстық қазақ театрының актеры - Қ. Иманов, Облыстық орыс драма театрының актрисасы - Л. И. Ромадина, Л.Толстой атындағы облыстық ғылыми әмбебап кітапханасының әдеби-кеңес орталығының жетекшісі - С. С. Юсупова, ал әділқазылар мүшесінің төрағасы - Қостанай облысының мәдениет басқармасының орынбасары - Әмренова Гүлнар Кабдуалиевна болды. Әділқазылар алқасы тек қана актерлік шеберліктерін ғана емес, сонымен қатар образға енуін, көркем мәтіннің сезімділігін бағалады.
Әділқазылар алқасына балалардың дайындықтарын бағалау өте қиынға түсті, өйткені қатысушылардың барлығы да нағыз талант иелері болды. Бірақ байқауда жеңісте, жеңілісте болады. Сол себептен қатысушылар мынадай жүлделерге ие болды:
1орын - Қ. Сегізбаевтың «Жылдың ең қысқа күндері» шығармасымен, Мендіғара ауданынан келген - Орналы Майя.
2орын - С. Есенгелдиевтің «Жетім қыздың монологы» шығармасымен, Науырзым ауданынан келген - Адай Аружан.
3орын - Ж. Төлендінің «Сатқын» шығармасымен, Таран ауданынан келген - Нұргалиев Мерей
Актерлік шеберлігі үшін жүлдесі - О. Бөкейдің «Айпара-ана» шығармасымен, Қарасу ауданынан келген - Боранбаева Айша.
Ерекше шығарма жүлдесі - В. Крапивиннің «Болтик» шығармасымен, Қостанай қаласының оқушысы - Ермоленко Артем. Бейне сомдауда шеберлігі үшін жүлдесі - Ш. Айтматовтың «Материнское поле» шығармасымен, Сарыкөл ауданынан келген - Жанбалтина Алиша.
Байқау Қостанай облысы әкімдігі мәдениет басқармасының қаржылық қолдауының арқасында өтті. Сонымен қатар Татьяна Викторовна Двуреченскаяның "POZITIV" ЖК полиграфиясының арқасында барлық қатысушылар қосымша арнайы ынталандыру сыйлықтарына ие болды.
видео
Ағымдағы жылдың 25 қыркүйегінде 7-11 сынып оқушыларына қызмет көрсету бөлімінің оқу залында халықаралық терроризге қарсы күрес күніне орай «Зорлық- зомбылыққа қарсымыз» атты іс-шара өтті. Іс-шараға №11 мектептің 10 сынып оқушылары қатысты.
Әңгімелесіп,талқылау үшін мынадай сұрақтар ұсынылды:
Терроризм дегеніміз не,ол несімен қауіпті,неліктен 21ғасырда терроризм ауқымды мәселе және т.б. Әңгімелесу барысында теракт құрбаны болмау және кепіл тұтқын болып қалған жағдайда өзіңді қалай ұстау керек екені жайында сұрақтар талқыланды.(жадынама).Сонымен қатар балалардың назарына дайындалған презентация мен бейнетүсірілім көрсетілді.
