2016 ж. 22.04. Ы. Алтынсарин ат. Облыстық балалар мен жасөспірімдерге арналған кітапханада III облыстық «Сөз құдіреті» мәнерлеп оқу байқауы өтті.

Сайыстың ерекшелігі 12-13 жастағы жасөспірім қатысушылар мектеп бағдарламасына кірмейтін прозалық шығармалардан үзінділерді жатқа орындайды. Біздің өңірдің оқитын балалары байқаудың арқасында оқуға қолдау тауып,жаңа авторлармен танысып, жаңа сезімдерді бастан кешеді. Жыл сайынғы әр сайыс оқитын балалар үшін оқу мерекесіне айналуда.

Биылғы жылы сайыс Тәуелсіздігіміздің 25 жылдығына арналған және оның шарты бойынша байқауға қатысушылар тәуелсіздік жылдарында жазылған не басылған қазақстандық жазушылардың шығармаларын орындады. Байқауда Мира Альмерек, Аделия Амраева, Мейіржан Жылқыбай, Болат Бащжанов, Ділдар Мамырбаева, Ертай Айғалиұлы және т. басқа авторлардың шығармалары оқылды. Қызықты және қайғылы, драмалық және күлдіргі туындылар көрермендерге әр түрлі көңіл-күй сыйлады. Қазіргі қазақ әдебиеті қатысушылар мен көрермендерге бір қадам болсада жақындады деген сенімдеміз. Сайыстың лайықты жеңімпазы болып, Р. Мұқанованың «Мәңгілік бала бейне» шығармасынан үзінді оқыған Қарабалық ауданының оқырманы Битенова Мөлдір атанды. Сонымен қатар, қатысушылар: «Артистік шеберлік үшін», «Мұра», «Нағыз сахна бейне», «Ерекше таңдау», «Кітапхана таңдауы» номинацияларын иеленді.

Байқауға қатысқан барлық қатысушылар қатысқаны үшін сыйлықтар алды.

Фото

Жыл сайын сәуір айында өтетін белгілі ертекші Г. Х. Андерсен туған күніне орай Халықаралық балалар кітабы күні атап өтіледі. Мерекеде балалар кітабына қатысы бар барлық адамдарды құттықтау дәстүрге айналған. Бұл күнді кітапханамыз оқырмандарына арнап, баллаардың талантын тағы бір көрсетуді мақсат етті. Ауқымды дайындық жұмысына тілек білдіргендердің барлығы қатысты. Олар балаларды мерекені кітапханамен атап өтуді ұсынды. Оқу залында оқырмандардың шығармашылық жұмыстарының үлкен көрмесі ұйымдастырылды. Балалардың қызығушылықтары алуан түрлі екен: сурет, кесте, оригами, тігу, т.б. Өз таланттарын көрсеткісі келетіндер көп болды, барлығы 80-нен астам жұмыс қойылды. Осы өнерге баулитын кітаптар ұсынылды. Ол кітаптардан басқа "Мектептегі оқиғалар" кітап көрмесі дайындалды. Көрмеде қазіргі кезедгі және өткен жылдардағы оқушылар туралы түрлі шығармалар қамтылған. Сонымен қатар оқу залында шеберлік сағаттары ұйымдастырылды. Горбань Елизавета тамақ пісіруді ұнататындықтан өзінің пісірген тағамдарын әкелді. Лиза қызығушылық білдіргендердің барлығына осындай кулинарлық тағамдарды жасау жолы туралы айтты, әрине, кез келген десерттің дәмін татуға мүмкіндік те болды. Козыбаева Алиса шахматпен 10 жыл айналысып келеді. Жақында ҚР Чемпионатына барып, екінші орын алды. Алиса шахмат туралы, оның жады мен логикалық ойлау қабілетін дамытуға қосар үлесі туралы айтып берді. Ойын ережесін түсіндіріп, кейбіреулерімен ойын ойнады. Осындай кездесуден кейін көбісі бұл ойынға қызығушылық танытады деген үміттеміз. Шахмат туралы екі кітап алынды. Турло Екатерина түрлі жұмыс түрлерін әкелді, бірақ сурет салу бойынша шеберлік сағатын өткізді. Балалар бар ынталарымен сурет салды. Рахметова Малике фотогрфиямен әуестенеді, ол туралы бірнеше кітап оқыған. Ол үшін кітапханашылар фотосессия шымылдығын дайындады, жанына жұмыстарын қойды. Малике фотография жақсы шығу үшін не істеу керектігі туралы айтып берді: жарықтың дұрыс түсуін, дұрыс қойылым, композиция болу керек. Сонымен қатар Малике барлық тілек білдірушілерді суретке түсірді. Фойеде оқырмандарға арналған «Сыйлыққа кітап» акциясы ұйымдастырылды, оған мереке туралы ақпараттар жазылған белгібеттер түріндегі материалдар қойылды. Абонементте «Подростковый хайвей» жасөспірімдерге арналған әдебиеттерге шолу таныстырылымы жасалды, «Кітап әлемі» викторинасы өтті. Викторинаны кітапханашылар ерекше ұйымдастырды, сұрақтар сандықтарға салынып, оқырмандар оларды алып жауап берді. Олар танымал шығармалар үзінділері, қанатты сөздер, жазушылар туралы сұрақтар, сөздерге қатысты тапсырмалар еді. Балалар сандықты бар ықыластарымен ақтарды, бірақ кей сұрақтар жауабын білмеді, есесіне сандықта жасырылған біренше кітапты өздерімен бірге алып кетті. Оқырмандар қатысуымен өткен «Шоқжұлдыз» концерті соңғы іс-шара болды. Домбыра, әндер, өлеңдер, скрипка, билер, диодты жарықтар элементтері шоуы – өз талантын достары мен кітапханашыларға көрсеткісі келген оқырмандар дайындаған нөмірлер еді. Концерт барлық қатысушыларға ұнады, осындай іс-шара жиі өткізілсе екен деген тілек білдірді. Күн барлық қатысушылар үшін жайылған дастарханмен аяқталды.

Фото

Балалар апталығының қорытынды күні қазіргі заман мектептері тақырыбында «Үлкен үзіліс» - деген атаумен өтті. Уақыт кезуші басты кейіпкер өткеннен бүгінгі өз заманына келіп,кітапханаға тап болады. Ол кітапханада «Маша иен аю»мульфильміндегі Маша және Джоан Роулинг кітабының басты кейіпкері Гарриді кездестіреді. Енді оған өз заманынан соңғы артефакт кітапты алу керек болды.

https://plus.google.com/u/0/photos/105444590971516272131/albums/6267722794375681793

Балалар кітабы апталығының үшінші күні балалар кеңестік жазушылар кітаптарының кейіпкерлерімен кездесті.

Іс-шара барысында қатысушылар кеңес үкіметі кезіндегі пионерлік атрибуттармен танысып, фильмдер мен мультфильмдерден үзінділер қарады, қатысушы – кейіпкерлердің орындауында мектеп өмірінен қойылымдарды тамашалады, мектеп портфелін жұмылған көзбен жинастырып, мектептегі дыбыстарды анықтау арқылы керемет қабілеттерін көрсете білді. Ирина Пивоварованың «Рассказы Люси Синицыной, ученицы третьего класса», Леонид Каминскийдің «Урок смеха», Лев Давыдычевтің «Жизнь и страдания Ивана Семёнова, второклассника и второгодника», Виктор Голявкиннің «Карусель в голове», Бердібек Соқпақбаевтің «Менің атым Қожа» кітаптарынан көріністер қойылды. Өз оқырмандарын абонемент бөлімде осындай және бұдан басқа көптеген кітаптар сіздерді күтуде.

https://plus.google.com/photos/105444590971516272131/albums/6267713782834506753

«Мектептегі оқиға» деген атаумен аталған дәстүрлі балалар апталығының екінші күні «Дала қоңырауы» деп аталып, ұлы қазақ ағартушысы, педагог, балалар әдебиетінің атасы Ыбырай Алтынсариннің 175 жылдығына арналды. Балалар Ы. Алтынсарин атындағы мемориалдық музеймен ағартушы,жазушы,педагогтың өмірі мен шығармашылығына тарихи саяхат жасады.

Қатысушылар назарына жазушының шығармасы бойынша оқырмандардың дайындаған көрініс көрсетіліп, мемлекеттік тілдегі викториналық сұрақтар қойылды. Мерекеге арнап орындаған, «Жанұя» балалар үйінің мерекелік биі сән берді.

https://plus.google.com/u/0/photos/105444590971516272131/albums/62677096...

Балалар кітап апталығының бірінші күні оқырмандар Ежелгі Мысырға саяхаттады. «День египетского мальчика» кітабының кейіпкері Сетти бала мен оның мұғалімі Аменхатеп болашақтан келген қонақ қызға өз елі туралы және ежелгі мемлекетінде қандай мектеп болғаны туралы баяндап берді.

Оқырмандар папирус деген не, фараондар кім, египеттіктер қай құдайларға сенген, қызыл мәтін жолымен неге біз жазамыз дегендерге білді. Кейіпкерлермен бірге жоғалған шиыршық қағаздың құпиясын ашқан, Ежелгі Мысыр картасын қалпына келтіріп және мұғалімнің қиянқы сұрақтарына жауап берді.

Әр қатысушы саяхаттан естелік ретінде кішкене папирус және сиқырлы шиыршық қағаз (әдебиеттер тізімі) көмегімен пирамидалар мен фараондар еліне тағы да бірнеше саяхатқа шығуға болады.

https://plus.google.com/u/0/photos/105444590971516272131/albums/62673981...

Жылда тойланатын Ұлыстың ұлы күніне арналған «Қош келдің, Әз-Наурыз!» атты мерекелік кеш Ы. Алтынсарин атындағы дарынды балаларға арналған мектеп-интернатының 7-сыныптарының қатысуымен өтті. Кеште оқушыларды қазақ халқының салт-дәстүрі, әдет-ғұрпымен таныстыра отырып, Наурызды тойлау ерекшеліктерімен бөлістік. Әуезді әсем әндер шырқалып, ойын ойналып, викториналық сұрақтар өз жауабын тапқан бұл кеш, өте көңілді өтті. Міндетті түрде кітапхана тарапынан көрме ұйымдастырылды, көрмеде кітапхана қорында бар наурыз мерекесін қарсы алу туралы, қазақтың салт-дәстүрлері туралы кітаптар қойылды.

https://plus.google.com/photos/105444590971516272131/albums/626224055601...

Елбасының Қазақстан халқы ассамблеясының 22-сессиясындағы орындаған сөзінен кейін, мектепке дейінгі және 1-6 сынып оқушыларына қызмет көрсету бөлімінің кітапханашылары бірден жұмысқа кірісті. 1-наурыз күні «Қазақстаным менің, ризамын саған» атты алғыс күніне арналған іс-шара өткізілді. Іс-шараға 13 мектептің 1,2,3 сынып оқушылары мен мұғалімдері шақырылды. Кездесу қызықты әрі достық,сыйластық қарым қатынаста өтті. Қатысушы балалар мен педагогтерде кітапханашыларға алғыстарын білдірді. Кездесу соңында балалар елге арналған тілектеріді айтып, бір-бірлеріне алғыс, ризашылықтарын білдірді. Қатысушы мұғалімдер барлық кітапханашыларды мерекемен құттықтап, лебіздер кітабына өз пікірлері мен алғыстарын жазып,қалдырды. Іс-шараға 91 адам қатысты.

Фото

Биыл елімізде алғаш рет 1 наурызда Алғыс айту күні тойлануда. Елбасы бұл мерекені Қазақстан халқы Ассамблеясының құрылған күні атап өтуді ұсынған еді. Алғыс айту күні- барлық ұлттың бір-біріне және осы адамдарды қабылдаған, аяушылық білдірген қазақтарға алғыс айту күні ғана емес, бұл балалардың ата-анасына деген алғысы, әрбір адамның отбасына деген алғысы. Бұл күні кітапханамызда «Алғыс айту күні» атты акция өтті. Кітапханашылар өз оқырмандарын жылы шыраймен қарсы алып, оларға жаңа мереке туралы мәлімет беріп, Қазақстанда тұратын барша халыққа арналған кітаптармен таныстыра отырып, оқырмандарымызға алғыс білдіріп, оларға тәтті тағамдар ұсындық.