23 сәуір бүкіл әлем Кітап күні мен авторлық құқық күнін атап өтеді.Міне сол күні сағат 20.00 Ы. Алтынсарин атындағы Облыстық балалар мен жасөспірімдер кітапханасы қызара батқан күннің тылсым сәулесіне бөленген кітаптардың ғажайып әлеміне енуді армандайтын барлық оқырмандарды құшақ жая қарсы алады. Бөгде дауыстар сыбыры мен кітап бетінің сылдыры ғана естілетін құпияға толы кітапхана бөлмелері, орталық және жасырын баспалдақтары, адастырып әкетер бұралаң өткелдері, жерасты әлемі сіздерді асыға күтеді. Біз қызықты әңгімелер мен жұмбақ оқиғалар іздеуге аттанамаыз. Кітаппен бірге кірпік ілмей таң атыратыныңа кәміл сенімдіміз!

Сіздерді 23 сәуір, сейсенбі 20.00-де күтеміз.

Ы.Алтынсарин атындағы Облыстық балалар мен жасөспірімідер кітапханасының өнер секторына сенбі сайын келетін оқырмандар нағыз ғажайыптың куәсі болды: ертегілер кітабының беттерінен пайда болған басында ерекше бас киімі бар мейірімді сиқыршы қараса көз тойтайтын әсем заттарын ала келді. Бармағынан бал тамған шебер біз керексіз деп лақтырып тастайтын заттардан керемет бұйымдар жасап шыққанын көргенде шынында да таңдай қағасың.

Марина Маулина мен Татьяна Шелудьконың қолынан шыққан осындай әсем себеттер мен қобдишалардың неден тоқылғанын білесіздер ме, газеттерден, иә,иә кәдімгі ескі газеттеерден. Бұйымдарға қарап тұрып бұған сену қиын. Ал келген қонақтар балаларға арнап киізден, түрлі маталардан (Валентина Фёдоровна Дычко, Ирина Маметова), сабан мен моншақтан (Галина Владимировна Шмидт) жасалған, білтегішпен тоқылған қаншама ойыншықтар әкелді…

Ал Алина Лампартердің топиариялары немесе бақыт ағашы мен Ольга Буглактың моншақтан жасаған әшекейі қандай көркем десеңші! Нина Александровна Константинованың жылтыр моншақтан жасаған жапсырмасы бөлек әңгіме!

Айта кету керек, шеберлер басындағы керемет бас киімдер солардың бірі-біздің қайырымды танысымыз Елена Георгиевна Шелудьконың қолынан шыққан. Сүйкімді сиқыршыларымыз бізді таң қалдырудан жалыққан емес. Бұл жолы да балаларға арнап мереке ұйымдастырып, онда қызғылықты ойындар ойналды, жұмбақтар шешіліп, көңілді байқаулар өткізілді, соңынан тәтті нан ұсынылып, одан барлық бала ауыз тиді.

Балалар! Егер сіздер сиқыршыға айналып, әсем бұйымдарды өз қолдарыңызбен жасағыларыңыз келсе, сенбі күні өнер секторының «Бармағынан бал тамғандар» үйірмесінде күтеміз. Ал онда кездесетін қызғылықты және айрықша кітаптар сіздерді ертегілер әлеміне есік ашатын қайырымды серіктеріңе айналады.

Егер күнтізбеде мерекелік күндер болмаса, біз оны өзіміз жасаймыз, – деп өнер бөлімінің кітапханашылары Ы. Алтынсарин атындағы балалар мен жасөспірімдерге арналаған облыстық кітапханасының оқырмандарын таңғаларлық әсем қолөнерімен қуантатын шебер әйелдерді шақыруды шешті. Шынында да, әлемді өз өнерімен көркемдететін сиқыршы әйелдермен кездесуге не жетсің?

Ал мерекеге тамаша қосымша ретінде шляпалар парады өтеді. Кітапханада мұндай әлі болған емес, жіберіп алмаңыз! 6 сәуірде сағат 15.00 кездесеміз!

Кірпі және оның достарымен өткізілген кітап мерекесі өте тамаша дәрежеде өтті. Кім болды дегенше, кім болмады деп сұраған дұрысырақ шығар. Ержүрек батыр мен кіп-кішкентай қызыл қоңыз, қарақшы салақ мысық және беймәлім басқа планеталықтар кейіпкерлерін сомдаған балалар өз қатысуларымен балаларды қуантып тастады. Кірпінің достары әртүрлі. Сонымен қатар Кірпінің ең жақын достары Қостанай қаласында тұратын нағыз балалар жазушылары. Олар балаларға арнап тамаша кітаптар жазып,бізге дәл осындай кейіпкерлерін көптеген ұл-қыздарға өлеңдері арқылы таныстырады. Көктемгі демалыс кезінде Ы. Алтынсарин атындағы балалалар мен жасөспірімдерге арналған киелі шаңырақта қызықты да,көңілді кештерде Кірпі өз достарының басын қосты.

Ақындар өз өлеңдерін оқыды,ал балалар болса солардан тез үйреніп өленің ұйқасын тауып, өздері де өлең шығаруға тырысты. Олар тек қана өлең шығарып қана қоймай, қостанайдың атақты суретшісі - Нина Коровина безендірген «Давай дружить» атты А. И. Суслованың кітабы бойынша суреттер салып,оны суретші суретімен салыстырып, бәсекеге түсті.

Ал Татьяна Алексеевна Кайгородцева әр балақайдың жүрегінің сиқырлы кілтін сақтай біледі,өйткені бала бақшасында тәрбиеші болып қызмет атқарады. Сол себептен оның өлеңдерінде басты кейіпкерлер Анжелика мен Айсұлу, Вика, Настя және Ванюшалар…

Ал келесі кездесуіміздің басты қоңағы Ақылбек Қожаұлы Шаяхмет ағамызға кішкентай оқырмандар ақынның өлеңдерін жатқа айтып қуанып тастады. Ал Ақылбек ағамыздың айтуынша, балалар ақынның өлеңін жоғары дәреже орындап берді. Балаларға арналған өлеңді балалардан әлдеқалай артық ешкім оқымайтыны да ескеріліп, айтылды. Ниет білдіріп өлең айтам деушілер өте көп болды.

Біз сөзбен айтқанда Кірпі де және оның достары да осы күндері кітапханадаға келген қоңақтармен уақыттарын қызықты да, көңілді өткізді.

Қағаз адамзаттың ойлап тапқан ең керемет заты екенін айтпаса да белгілі. Оның шын екені Ы. Алтынсарин атындағы облыстық балалар мен жасөспірімдер кітапханасының өнер бөлімі оқырмандарына мәлім. Қағазды алып,қиып, бояп бір-біріне жапсырып көлем берсең керемет затқа айналады. Осындай керемет нәрселерді жасауға әуес қыздар мен ұлдар «Шебердің қолы ортақ» сәндік қолданбалы өнер үйірмесіне бірнеше жылдан бері қатысуда.

Міне осы жолы да балалар қағаздың үш түрлі композицияға айналып өнер туындысына айналғанына көздері жетті. Бұл техниканы орындауға А. Никифоров атындағы ОКДБМ оқушыларының көлемді тамаша суреттер көрмесі шабыттандырды.

Кәсіби суретші Т. Изюмованың үйретуі бойынша балалар қағаздан нағыз алтын балық жасап,осы тамаша өнердің қыр-сырын танып, оны жан тәнімен сүюге үйретті.

Кім білед, біздің қол өнерімен шұғылданып жүрген шеберлеріміздің қағазды бүктемелеу өнері құпия болып қалмау күні жақын шығар :)

Міне қыста аяқталды, онымен бірге ең қиын оқу тоқсаны да аяқталды. Алда көп күткен демалыс, оның әр бір күні ыстық күн сәулесіне, толқулы оқиғалар мен мерекені күтудегі қуанышты сезімдерге толы. Сонымен бірге, осы тамаша күндері Ы. Алтынсарин атындағы балалар мен жасөспірімдерге арналған облыстық кітапханасы Кірпі мен оның керемет достарына және де жалпы апта бойы жалғасатын «Бала кітабы апталығы» немесе жай ғана «Кітаптың туған күні» деп аталатын кітап оқуды сүйетін балаларға өз есігін ашады.

Қымбатты оқырмандарымыз! Сіздерді 26, 27, 28, 29, 30 наурызда «Кірпі мен достары» атты балалар кітабы апталығына шақырамыз, онда сіздерді қаламыздың балалар ақындарымен кездесулер, қызықтыратын ойындар және жұмбақтар, тәтті сыйлықтар күтеді. Барлық іс-шаралардың басталуы 12.00-де, кешігіп қалмаңыздар!

Міне көктемде келді! Наурыздың күннің көзі бізге өз жылуын, сыңғырлаған тамшылар мен құстардың таңертенгі сайрауын сыйлайды, орманда алғашқы бәйшешектер шыға бастайды. Қысты шығарып салу уақыты жетті! Бейсенбі күні Ы. Алтынсарин атындағы балалар мен жасөспірімдерге арналған облыстық кітапханасында қысты салтанаты шығарып салу болды. Ал қарлы сұлу қайтсе де балаларды қалдырғысы келмеді: оларға жұмбақтар жасырды және қармен ойнауға шақырды және қолғаптарын қиюді иландырды, бірақ бәрі де бос болды. Ол кетуге мәжбүр болды, бірақ ол ашуланған жоқ, керсінше балаларған көңілді ән сыйлады, олар онымен бірге ән салды. №3 музыка мектебінің балалар фольклорлық ансаблінің кішкентай әртістерінің арқасында осы күні әндер көп айтылды. Әрине сый-сыяпатсыз болған жоқ- дәстүрлі құмақ және керемет өрік тосабымен мерекелік шай ішу болды.

Қымбатты қыздар мен ханымдар! 8-Наурыз мерекесі құтты болсын! Баршаңызға асыл армандардың орындалуын, жан жадыратар қуаныштың мол болуын, отбасы бақыты мен берекесі сарқылмауын, денсаулықтың мұқалмауын тілейміз!

Ы. Алтынсарин ат. Облыстық балалар мен жасөспірімдер

кітапханасының ұжымы

14 желтоқсанда Нұрсұлтан Назарбаев «Қазақстан-2050» Стратегиясы: қалыптасқан мемлекеттің жаңа саяси бағыты» атты жолдауымен қазақстандықтарға сөз сөйледі. Бұл құжаттың маңыздылығы мен тарихи мәнін асыра бағалауға өте қиын, себебі бұл құжат өткен жылдардың мемлекет дамуының негізгі нәтижелерін ғана емес, сонымен қатар әрі қарай дамудың және әлемдік қоғамда жетілдірілуінің мақсаттары мен міндеттерін көрсетті.

Өткен аптада Ы. Алтынсарин атындағы Қостанай облыстық балалар мен жасөспірімдер кітапханасының оқу залында құрылыс колледжі мен медициналық колледждің оқушылары арасында диспут өтті. Оқушылар Жолдаудың негізгі мәселелері бойынша өз көзқарастарын айтуға мүмкіндік алды. Оған қоса, қалай сапалы білім алуды, лайықты жұмыс табуды, қадір артуды және тәуелсіз тұлға ретінде қалыптасу туралы сөз қозғады. Өйткені, Президенттің сөзі бойынша қазіргі ұрпақтың білімі және кәсіпқойлығы тәуелсіздікпен қатар болып табылады және олардың Отанға деген берілгендігі біздің мемлекетке «2050 жылда әлемнің 30 ең дамыған елдердің қатарында» болуға мүмкіндік береді.

Счастье не в том, чтобы делать всегда, что хочешь,

а в том, чтобы всегда хотеть того, что делаешь.

Л. Н. Толстой

Көңілге жағымды, қанағаттандыратын, тек қана жағымды сезімдер әкелетін жұмысты және мамандықты таңдауда қалай қателеспеу керек? Әрине, әрбіреуіміз қолымыздан жақсы келетін іспен айналысуымызды армандаймыз. Сонымен қатар, еңбек нарығында қандай мамандықтарға сұраныстын көп екендігін және сәтті жұмысқа орналасудың мүмкіндігін білуіміз келеді. Бұл маңызды ақпарат 26 ақпанда Ы. Алтынсарин атындағы облыстық балалар мен жасөспірімдер кітапханасында «Керек мамандықты таңдау» атты кәсіптік бейімделу сағатында сөз қозғалды. Қостанай облыстық есту қабiлетi нашар балаларға арналған түзеу мектеп – интернаттың жоғары сынып оқушылары бұл әңгімеге белсеңді қатысып, қызықты практикалық тапсырмаларды орындады, ал ең негізгісі – өз қабілеттерін бағалауға мүмкіндік алды және өздеріне керек маңызды мәселелерді шешті.

Ал кім осы күнге дейін өз мамандығын таңдамағандар Қостанай және Қостанай облысы бойынша келешек студенттерге арналған анықтамалық-жол көрсеткішке көз жіберіңіз.